ਸਰਕਾਰ ਕੰਪਰੈੱਸਡ ਬਾਇਓ ਗੈਸ ਨੂੰ ਵਿੱਤੀ ਪੋਸ਼ਣ ਦੀ ਤਰਜੀਹ ਵਾਲੇ ਖ਼ੇਤਰ ਅਧੀਨ ਸ਼ਾਮਲ ਕਰਨ ਦੀ ਪ੍ਰਕਿਰਿਆ ਵਿੱਚ ਹੈ। ਤਮਿਲ ਨਾਡੂ ਦੇ ਨਮੱਕਲ ਵਿੱਚ ਸੀਬੀਜੀ ਪਲਾਂਟ ਅਤੇ ਰਾਜ ਦੇ ਵਿਭਿੰਨ ਸਥਾਨਾਂ 'ਤੇ ਸੀਬੀਜੀ ਈਂਧਣ ਸਟੇਸ਼ਨਾਂ ਦਾ ਔਨਲਾਈਨ ਉਦਘਾਟਨ ਦੇ ਮੌਕੇ ਬੋਲਦੇ ਹੋਏ, ਪੈਟਰੋਲੀਅਮ ਤੇ ਕੁਦਰਤੀ ਗੈਸ ਅਤੇ ਇਸਪਾਤ ਮੰਤਰੀ ਸ਼੍ਰੀ ਧਰਮੇਂਦਰ ਪ੍ਰਧਾਨ ਨੇ ਕਿਹਾ ਕਿ ਇਸ ਨਾਲ ਸੀਬੀਜੀ ਪਲਾਂਟਾਂ ਦੇ ਵਿੱਤ ਪੋਸ਼ਣ ਵਿੱਚ ਅਸਾਨੀ ਹੋਵੇਗੀ। ਉਨ੍ਹਾਂ ਅੱਗੇ ਕਿਹਾ ਕਿ ਸੀਬੀਜੀ ਪਲਾਂਟਾਂ ਦੀ ਸਥਾਪਨਾ ਲਈ ਕੇਂਦਰੀ ਵਿੱਤੀ ਸਹਾਇਤਾ ਜਾਂ ਸਬਸਿਡੀ ਨੂੰ 2020-21ਤੱਕ ਵਧਾ ਦਿੱਤਾ ਗਿਆ ਹੈ ਜਿਸ ਨਾਲ ਨਵੀਆਂ ਯੋਜਨਾਵਾਂ ਨੂੰ ਹੁਲਾਰਾ ਦਿੱਤਾ ਜਾ ਸਕੇ। ਸ਼੍ਰੀ ਪ੍ਰਧਾਨ ਨੇ ਕਿਹਾ ਕਿ ਸੀਬੀਜੀ ਯੋਜਨਾਵਾਂ ਵਿਕਾਸ ਸਮਰੱਥ ਹਨ ਅਤੇ ਨਵੇਂ ਉਦਮੀਆਂ ਲਈ ਰਿਟਰਨ ਦੀ ਦਰ ਆਕਰਸ਼ਕ ਹੈ। ਉਨ੍ਹਾਂ ਕਿਹਾ ਕਿ ਐੱਮਐੱਸਐੱਮਈ  ਲਈ ਇੱਕ ਨਵਾਂ ਪੈਕੇਜ਼ ਪੂਰੇ ਦੇਸ਼ ਵਿੱਚ ਸੀਬੀਜੀ ਪਲਾਂਟਾਂ ਦੇ ਫ਼ੰਡ ਲਈ ਵੀ ਸਹਾਇਤਾ ਕਰੇਗਾ। ਅਸੀਂ ਸੀਬੀਜੀ ਯੋਜਨਾਵਾਂ ਨੂੰ ਫ਼ੰਡ ਦੇਣ ਲਈ ਆਲਮੀ ਫ਼ੰਡ ਦੀ ਭਾਲ ਕਰ ਰਹੇ ਹਾਂ।

ਸੀਬੀਜੀ ਲਈ ਐੱਸਏਟੀਏਟੀ ਯੋਜਨਾ ਦੀ ਸ਼ੁਰੂਆਤ 1.10.2018 ਨੂੰ ਕੀਤੀ ਗਈ ਸੀ, ਜਿਸ ਵਿੱਚ 2023 ਤੱਕ ਸੀਬੀਜੀ ਦੇ 5000 ਪਲਾਂਟਾਂ ਨਾਲ 15 ਐੱਮਐੱਮਟੀ ਦੇ ਉਤਪਾਦਨ ਦੇ ਟੀਚੇ ਦਾ ਅੰਦਾਜ਼ਾ ਲਾਇਆ ਗਿਆ ਹੈ। ਭਾਰਤ ਸਰਕਾਰ ਵੱਲੋਂ ਐੱਸਏਟੀਏਟੀ ਯੋਜਨਾ ਦੀ ਸਫ਼ਲਤਾ ਨੂੰ ਯਕੀਨੀ ਬਣਾਉਣ ਲਈ ਵੱਖ ਵੱਖ ਢੁਕਵੇਂ ਕਦਮ ਚੁੱਕੇ ਗਏ ਹਨ।  ਤੇਲ ਮਾਰਕਿਟਿੰਗ ਕੰਪਨੀਆਂ ਵੱਲੋਂ ਯੋਜਨਾਵਾਂ ਦੀ ਭਰੋਸੇਯੋਗਤਾ ਬਣਾਉਣ ਲਈ ਸੀਬੀਜੀ ਤੇ ਦੀਰਘ ਕਾਲ ਮੁੱਲ ਨਿਰਧਾਰਨ ਕਰਨ ਦੀ ਪੇਸ਼ਕਸ਼ ਕੀਤੀ ਗਈ ਹੈ ਅਤੇ ਉਨ੍ਹਾਂ ਨੇ ਸੀਬੀਜੀ 'ਤੇ ਦੀਰਘ ਕਾਲ ਸਮਝੌਤਿਆਂ 'ਤੇ ਅਮਲ ਕਰਨ ਉਪਰ ਸਹਿਮਤੀ ਜਤਾਈ ਹੈ। ਮੰਤਰੀ ਨੇ ਕਿਹਾ ਕਿ ਜੈਵਿਕ ਖਾਦ ਅਤੇ ਸੀਬੀਜੀ ਪਲਾਂਟਾਂ ਦੇ ਮਹੱਤਵਪੂਰਨ ਉਤਪਾਦ ਨੂੰ ਵੀ ਖਾਦ ਕੰਟਰੋਲ ਹੁਕਮ 1985 ਵਿੱਚ  ਸ਼ਾਮਲ ਕੀਤੇ ਜਾਣ ਦੀ ਪ੍ਰਕਿਰਿਆ ਚਲ ਰਹੀ ਹੈ। ਇਸ ਮਾਧਿਅਮ ਨਾਲ ਇਸ ਬਜ਼ਾਰ ਪ੍ਰਾਪਤ ਕਰਨ ਵਿੱਚ ਅਸਾਨੀ ਹੋਵੇਗੀ ਅਤੇ ਦੇਸ਼ ਭਰ ਵਿੱਚ ਜੈਵਿਕ ਖੇਤੀ ਲਈ ਇੱਕ ਮੌਕਾ ਪ੍ਰਦਾਨ ਕੀਤਾ ਜਾ ਸਕਦਾ ਹੈ ਕਿਉਂਕਿ 5000 ਸੀਬੀਜੀ ਪਲਾਂਟਾਂ ਤੋਂ 50 ਐੱਮਐੱਮਟੀ ਬਾਇਓਮੇਨੋਰ ਦਾ ਉਤਪਾਦਨ ਹੋਣ ਦੀ ਉਮੀਦ ਹੈ।

ਸ਼੍ਰੀ ਪ੍ਰਧਾਨ ਨੇ ਮੌਜੂਦਾ ਵੇਸਟ ਅਤੇ ਬਾਇਓਮਾਸ ਸਰੋਤਾਂ ਨਾਲ ਤਮਿਲ ਨਾਡੂ ਦੀ ਸੀਬੀਜੀ ਸਮਰੱਥਾ ਦੇ ਬਾਰੇ ਕਿਹਾ ਕਿ ਇਸਦਾ ਲਗਭਗ 2.4 ਐੱਮਐੱਮਟੀਪੀਏ ਉਪਯੋਗ ਕਰਕੇ ਰਾਜ ਭਰ ਵਿੱਚ ਲਗਭਗ 600 ਪਲਾਂਟ ਸਥਾਪਿਤ ਕੀਤੇ ਜਾ ਸਕਣਗੇ,ਜਿਸਦੇ ਨਤੀਜੇ ਵਜੋਂ 21,000 ਕਰੋੜ ਰੁਪਏ ਦਾ ਨਿਵੇਸ਼ ਹੋਵੇਗਾ ਅਤੇ ਲਗਭਗ 10,000 ਲੋਕਾਂ ਨੂੰ ਪ੍ਰਤੱਖ ਰੁਜ਼ਗਾਰ ਮਿਲੇਗਾ। ਮੰਤਰੀ ਨੇ ਨਮੱਕਲ ਵਿੱਚ 15 ਟੀਪੀਡੀ ਸਮਰੱਥਾ ਵਾਲੇ ਆਈਓਟੀ ਬਾਇਓ ਗੈਸ ਪਲਾਂਟ ਬਾਰੇ, ਕਲਾ ਦੇ ਉੱਤਮ ਨਮੂਨੇ ਦਾ ਅੱਜ ਉਦਘਾਟਨ ਕੀਤਾ ਗਿਆ, ਕਿਹਾ ਕਿ ਪਲਾਂਟ ਤੋਂ ਉਤਪਾਦਤ ਸੀਬੀਜੀ ਨਮੱਕਲ ਖੇਤਰ ਦੇ ਸਲੇਮ ਵਿਚ ਪ੍ਰਤੀਦਿਨ 1,000 ਤੋਂ ਜ਼ਿਆਦਾ ਵਾਹਨਾਂ ਨੂੰ ਈਂਧਣ ਪ੍ਰਦਾਨ ਕਰ ਸਕਦਾ ਹੈ। ਬਾਇਓ ਗੈਸ ਪਲਾਂਟ ਸਾਫ ਸੁਥਰੀ ਵਿਕਲਪ ਊਰਜਾ ਦੇ ਨਾਲ ਦੋ ਉਦਯੋਗਾਂ ਨੂੰ ਵੀ ਊਰਜਾ ਪ੍ਰਦਾਨ ਕਰੇਗਾ। ਐੱਸਏਟੀਏਟੀ ਯੋਜਨਾ ਅਧੀਨ ਆਈਓਟੀ ਬਾਇਓ ਗੈਸ ਨੇ ਕੁਝ ਭਾਗ /ਪੂਰਾ ਬਾਇਓ ਗੈਸ ਉਤਪਾਦਨ ਨੂੰ ਕੰਪਰੈੱਸਡ ਬਾਇਓ ਗੈਸ ਉਤਪਾਦਨ ਵਿੱਚ ਤਬਦੀਲ ਕਰਨ ਦਾ ਫੈਸਲਾ ਕੀਤਾ ਹੈ। ਆਈਓਟੀ ਬਾਇਓ ਗੈਸ ਪਲਾਂਟ ਤੋਂ ਪ੍ਰਾਪਤ ਕੀਤੇ ਜਾਣ ਵਾਲੀ ਬਾਇਓ ਗੈਸ ਨੂੰ ਰੀਟੇਲ ਆਊਟਲੈਟਸ ਅਤੇ ਸੰਸਥਾਗਤ ਕਾਰੋਬਾਰ ਰਾਹੀਂ ਵੇਚਿਆ ਜਾਵੇਗਾ। ਅਜਿਹਾ ਪਹਿਲੀ ਵਾਰ ਹੋ ਰਿਹਾ ਹੈ ਕਿ ਜਦੋਂ ਤੇਲ ਮਾਰਕਿਟਿੰਗ ਕੰਪਨੀਆਂ  ਦੁਆਰਾ ਕੁਦਰਤੀ ਗੈਸ  ਦਾ ਬਦਲ ਵੇਚਿਆ ਜਾ ਰਿਹਾ ਹੈ। ਆਉਣ ਵਾਲੇ ਸਾਲਾਂ ਵਿੱਚ ਇੰਨ੍ਹਾਂ ਦੀ ਗਿਣਤੀ ਕਈ ਗੁਣਾ ਵਧ ਜਾਵੇਗੀ। ਸ਼੍ਰੀ ਪ੍ਰਧਾਨ ਨੇ ਕਿਹਾ ਕਿ ਇਹ ਪਹਿਲੀ ਵਾਰ ਹੈ ਕਿ ਅਸੀਂ ਉਨ੍ਹਾਂ ਸੁਵਿਧਾਵਾਂ ਦਾ ਉਦਘਾਟਨ ਕਰਨ ਜਾ ਰਹੇ ਹਾਂ ਜੋ ਤਮਿਲ ਨਾਡੂ ਵਿੱਚ ਕੁਦਰਤੀ ਸਰੋਤਾਂ ਨਾਲ ਵਾਤਾਵਰਣ ਦੇ ਅਨੁਕੂਲ ਗੈਸ ਵਾਲੇ ਈਂਧਣ ਪ੍ਰਦਾਨ ਕਰਦੇ ਹਨ, ਕਿਉਂਕਿ ਇਸ ਰਾਜ ਵਿੱਚ ਨਿਯਮਿਤ ਸੀ ਐੱਨ ਜੀ ਈਂਧਣ ਸਟੇਸ਼ਨ ਹੁਣ ਤੱਕ ਉਪਲੱਬਧ ਨਹੀਂ ਹਨ।

ਉਨ੍ਹਾਂ ਕਿਹਾ ਕਿ ਭਾਰਤ ਦੇ ਤੇਲ ਅਤੇ ਗੈਸ ਦੇ ਖੇਤਰਾਂ ਵਿੱਚ ਅਪਾਰ ਸੰਭਾਵਨਾਵਾਂ ਹਨ ਅਤੇ ਹਾਲ ਹੀ  ਦੇ ਦਿਨਾਂ ਵਿੱਚ ਸ਼ੁਰੂ ਕੀਤੀਆਂ ਗਈਆਂ ਯੋਜਨਾਵਾਂ ਜ਼ਰੀਏ ਭਾਰਤ ਊਰਜਾ ਸੁਰੱਖਿਆ ਯਕੀਨੀ ਬਣਾਉਣ ਦੀ ਦਿਸ਼ਾ ਵੱਲ ਬਹੁਤ ਲੰਬਾ ਸਫ਼ਰ ਤੈਅ ਕੀਤਾ ਜਾਵੇਗਾ। ਬਾਇਓ ਗੈਸ ਦਾ ਉਤਪਾਦਨ ਲਗਾਤਾਰ ਵਧ ਰਿਹਾ ਹੈ, ਕਿਉਂਕਿ ਬਹੁਤ ਸਾਰੇ ਲੋਕਾਂ ਦੁਆਰਾ ਬਾਇਓ ਗੈਸ ਦਾ ਉਤਪਾਦਨ ਕਰਨ ਲਈ ਬਾਇਓ ਗੈਸ ਪਲਾਂਟਾਂ ਦੀ ਸਥਾਪਨਾ ਕੀਤੀ ਜਾ ਰਹੀ ਹੈ। ਬਾਇਓ ਗੈਸ ਇੱਕ ਨਵੀਨੀਕਰਨ, ਨਾਲ ਹੀ ਊਰਜਾ ਦਾ ਇੱਕ ਸਾਫ ਸੁਥਰਾ ਸਰੋਤ ਹੈ। ਬਾਇਓ ਡਾਈਜੇਸ਼ਨ ਰਾਹੀਂ ਪੈਦਾ ਗੈਸ ਗੈਰ ਪ੍ਰਦੂਸ਼ਣਕਾਰੀ ਹੈ ਅਤੇ ਇਹ ਗ੍ਰੀਨ ਹਾਊਸ ਉਤਸਰਜਨ ਨੂੰ ਵੀ ਘੱਟ ਕਰਦੀ ਹੈ। ਉਨ੍ਹਾਂ ਕਿਹਾ ਕਿ ਵਿਭਿੰਨ ਪ੍ਰਕਾਰ ਦੇ ਊਰਜਾ ਬਦਲ ਪੈਦਾ ਕਰਨ ਲਈ ਜੈਵ ਈਂਧਣ ਦੀ ਪੂਰਨ ਸਮਰੱਥਾ ਦਾ ਉਪਯੋਗ ਕਰਨਾ,ਜਿਸ ਵਿੱਚ ਕੰਪਰੈੱਸਡ ਬਾਇਓ ਗੈਸ ਜਾਂ ਸੀਬੀਜੀ, ਇਥੇਨੌਲ, 2 ਜੀ ਇਥੇਨੌਲ ਅਤੇ ਬਾਇਓ ਡੀਜ਼ਲ ਸ਼ਾਮਲ ਹੈ, ਜੋ ਈਂਧਣ ਦੇ ਆਯਾਤ ਦੀ ਨਿਰਭਰਤਾ ਨੂੰ ਘੱਟ ਕਰਨ ਅਤੇ ਦੇਸ਼ ਵਿੱਚ ਐੱਸਏਟੀਏਟੀ ਊਰਜਾ ਦੇ ਭਵਿੱਖ ਨੂੰ ਯਕੀਨੀ ਬਣਾਉਣ ਦੇ ਸਾਡੇ ਪ੍ਰਧਾਨ ਮੰਤਰੀ ਮੋਦੀ ਦੇ ਦ੍ਰਿਸ਼ਟੀਕੋਣ ਨੂੰ ਪ੍ਰਾਪਤ ਕਰਨ ਵਿੱਚ ਮਦਦ ਕਰੇਗਾ।

ਸ਼੍ਰੀ ਪ੍ਰਧਾਨ ਨੇ ਕਿਹਾ ਕਿ ਭਾਰਤ ਸਰਕਾਰ ਦੁਆਰਾ ਸੀਬੀਜੀ ਸਮੇਤ ਜੈਵ ਈਂਧਣ ਨੂੰ ਹੱਲਾਸ਼ੇਰੀ ਦਿੱਤੀ ਜਾ ਰਹੀ ਹੈ, ਜਿਸ ਨਾਲ ਸਾਫ ਊਰਜਾ ਮਿਸ਼ਰਣ ਨੂੰ ਹੁਲਾਰਾ ਦਿੱਤਾ ਜਾ ਸਕੇ, ਰੋਜ਼ਗਾਰ ਪੈਦਾ ਕੀਤਾ ਜਾ ਸਕੇ ਵਿਸ਼ੇਸ਼ ਰੂਪ ਨਾਲ ਅਰਧ ਸ਼ਹਿਰੀ ਅਤੇ ਗ੍ਰਾਮੀਣ ਖੇਤਰਾਂ ਵਿੱਚ  ਅਤੇ ਪ੍ਰਦੂਸ਼ਣ ਨੂੰ ਹੋਰ ਘੱਟ ਕੀਤਾ ਜਾ ਸਕੇ। ਸੀਬੀਜੀ ਦਾ ਉਪਯੋਗ ਪੈਰਿਸ ਸਮਝੌਤੇ 2015 ਦੇ ਅਨੁਸਾਰ ਭਾਰਤ ਵਿੱਚ ਜਲਵਾਯੂ ਤਬਦੀਲੀ ਦੇ ਟੀਚਿਆਂ ਦੀ ਪ੍ਰਾਪਤੀ ਵਿੱਚ ਮਦਦ ਕਰੇਗਾ। ਇਹ ਭਾਰਤ ਸਰਕਾਰ ਦੇ ਸਵੱਛ ਭਾਰਤ,ਆਤਮ ਨਿਰਭਰ ਭਾਰਤ ਅਤੇ ਮੇਕ ਇਨ ਇੰਡੀਆ ਜਿਹੀਆਂ ਯੋਜਨਾਵਾਂ ਦੇ ਅਨੁਰੂਪ ਵੀ ਹੋਵੇਗਾ।

ਇਸ ਮੌਕੇ ਤੇ ਤਮਿਲ ਨਾਡੂ ਦੇ ਮੁੱਖ ਮੰਤਰੀ ਕੇ ਪਲਾਨੀਸਾਮੀ ਨੇ ਕਿਹਾ ਕਿ ਰਾਜ ਸਵੱਛ ਊਰਜਾ ਪਹਿਲੂਆਂ ਦਾ ਸਮਰਥਨ ਕਰਦਾ ਹੈ। ਉਨ੍ਹਾਂ ਬਹੁਤ ਘੱਟ ਸਮੇਂ ਵਿੱਚ  ਸੀਬੀਜੀ ਪਲਾਂਟਾਂ ਨੂੰ ਚਾਲੂ ਕਰਨ ਵਿੱਚ ਸਹਾਇਤਾ ਪ੍ਰਦਾਨ ਕਰਨ ਲਈ ਸ਼੍ਰੀ ਪ੍ਰਧਾਨ ਦਾ ਧੰਨਵਾਦ ਕੀਤਾ।

ਇਸ ਉਦਘਾਟਨ ਵਿੱਚ ਤਮਿਲ ਨਾਡੂ ਦੇ ਮੰਤਰੀ, ਪੈਟਰੋਲੀਅਮ ਅਤੇ ਕੁਦਰਤੀ ਗੈਸ ਸਕੱਤਰ, ਇੰਡੀਅਨ ਆਇਲ ਦੇ ਚੇਅਰਮੈਨ ਅਤੇ ਤਮਿਲ ਨਾਡੂ ਸਰਕਾਰ, ਐੱਮਓਪੀ ਐਂਡ ਐੱਨਜੀ ਅਤੇ ਓਐੱਮਸੀ ਦੇ ਸੀਨੀਅਰ ਅਧਿਕਾਰੀ ਸ਼ਾਮਲ ਹੋਏ।

                                                                           *****

ਵਾਈਬੀ