ফোল্দস্কোপ হায়বসি ওরিগামিদা য়ুম্ফম ওইবা চে মচেৎ কয়া অমনা শাবা মমল হোংবা কাইক্রোস্কোপ ওইনা শীজিন্ননবা খুৎলাই অমনি। শেমগৎলবা মতমদা খুৎলাই অসিনা স্পেসিমেন স্লাইদ অমা ওবজর্ব তৌনবগীদমক হাপ্পা য়াই, অমসুং মসিদা শমজিল্লবা মোবাইল ফোন কেমরা অমগী মতেংনা য়াওরিবা স্পেসিমেন অদু য়েংবা য়াই। ইন্সতিত্যুৎ ওব মাইক্রোবাইএল তেক্নোলোজী (এমতেক), চন্দিগরগী দা. অল্কা রাওগী কাংবুগা পঞ্চকুলা, হরিয়ানাদা লৈবা সরকারগী হোস্পিতালগী কাঙবু অমগা, নেসনেল কেপিতেল রিজন (এন.সি.আর.)দা লৈবা প্রাইবেৎ হোস্পিতাল অমগা, অমসুং ইম্ফালদা লৈবা মেদিকেল কোলেজ অমগা খুৎশম্নদুনা তোঙান-তোঙানবা অনাবশিংগী সেম্পল শীজিন্নদুনা লাইনা কয়াগী লাইওং খঙদোকপদা ফোল্দস্কোপ অসিগী ক্লিনিকেল য়ুতিলিতী য়েংখ্রে অমসুং য়াই হায়বদু উৎখ্রে।

নৈনবা অসিনা ফোল্দস্কোপ্পু চীন অমসুং য়ুরিনরী ত্রেক ইনফেক্সন থোইকপগী ক্লিনিকেল দাইগনোসিস্তা শীজিন্নদুনা য়েংখি অমসুং ভারতকী মহৈরোইশিংগী ওরেল হেলথ ফগৎনবা হোৎনবদা তঙাইফদবা মচাক অমা ওইবা য়াব্রা হায়বদু য়েংখি।

স্মার্ত ফোন হাপ্পবা ফোল্দস্কোপ

নৈনবা অসিনা য়ুরিনরী ত্রেক ইনফেক্সন (য়ূ.তি.আই) দাইগনোইস তৌবদা হেন্না খুদোং চাই অমসুং কিদনীদা লৈবা নূং য়েংশিনবদা খুদোংচাবা ফংই হায়বসি খঙবা ঙমখি। মসিগী খুৎলাই অসি শীজিন্নদুনা, কনাগুম্বা অমনা মীওই অমগী কিদনীদা লৈবা নূংগী ফিবম অসি মশাগী য়ুমদা গ্লাস স্লাইদ অমা, ফোল্দস্কোপ অমা অমসুং খুত্তা ফোন অমা পায়রগা অদুমক য়েংজবা য়ারগনি। অসিগুম্না য়েংশিলহৌবনা কিদনীগী নূংনা য়াম্না নাবা তাংকক য়ৌরক্ত্রিঙৈ অমসুং য়াদদুনা ওপরেসন তৌবগী ফিবম য়ৌরকপা থিংহৌবা য়াই।

"ওপরেসন অমসুং মমল হোংবগী খুদোংচাবসি য়েংদুনা, ফোল্দস্কোপ অসি পব্লিক হেলথ কেয়র সেন্তরশিংদা ওরেল হেলথ অমসুং য়ু.তি.আই.গী প্রাইমরী দাইগনোসিস তৌনবা নত্ত্রগা ইশাগী হকশেল য়েংজনবা খুৎলাই অমা ওইনা থম্বা য়াগনি," দা. অল্কা রাও, প্রিন্সিপাল সাইন্তিস্ত, ইমতেকনা ইন্দিয়া সাইন্স ৱাইয়রগা ৱারী শানবদা ফোংদোকখি।

ৱার্কশোপ অমগী মনুংদা অঙাংশিংগা লোইননা দা. অল্কা রাও

এসেস্মেন্ত তৌনবগীদমক, অনাবগী সেম্পল ওইনা য়ুংগুম্বা অমা মনুং মপান ফাওনা উবা গ্লাস স্লাইদ অমদা হাপকনি অমসুং সেল ফোন অমদা হাপ্পবা ফোল্দস্কোপকী মখাদা য়েংগনি। মোবাইলগী জুম ফঙ্কসন শীজিন্নদুনা সেম্পল ইমেজ অদু চাউথোকহনবা য়াই, অদুগা হায়রিবসিমক মোবাইলগী মেমোরী কার্দতা কোন্না য়েংনবা/অনাবগী রেকোর্দকীদমক থমহৌবসু য়াই। ফোল্দস্কোপ অসি চেজেৎশিং শীজিন্নদুনা শেমগৎপা য়াই অমসুং কপ্লর অমসুং গ্লু দ্রোপশিং শীজিন্নদুনা সেল ফোন্দা হাপ্পা য়াই।

রিসর্চরশিংনা ফোল্দস্কোপ্পু মসিগী মগুনশিং য়েংদুনা ক্লিনিকেল মাইক্রোস্কোপকা তোঙান-তোঙানবা ক্লিনিকেল সেম্পল মঙা লৌখত্তুনা চাংদম্নখি। তোঙান-তোঙানবা ক্লিনিকেল সেম্পলশিংগী মনুংদগী দেন্তেল প্লেগ সেম্পলশিং অমসুং য়ুরিন সেম্পলশিংদা লৈবা ইনফেক্সনশিং নীংথীনা পুথোক্লকখি। কাঙবু অসিনা অনাবা চহী ৩-১৩ ফাওগী মনুংদা লৈবশিংগী দেন্তেল প্লেগ সেম্পল ৩১ নৈনখি অমসুং চহী ১১-৬২ ফাওদা লৈবা অনাবা ২৫গী য়ুরিন সেম্পল নৈনখি।

"ঐখোয়না ফোল্দস্কোপ্পু মহৈ মশীংগী লমদা শীজিন্নবা খুৎলাই ওইনা লৌদুনা চহী ১২গী মহৈরোই ৮০দা চীল য়া শেংনা থম্নবা পুক্নিং থৌগৎনবা হোৎনখি অমসুং ফোল্দস্কোপ ইন্তর্বেন্সন গ্রুপনা নোন ইন্তর্বেন্সন গ্রুপতগী হেন্না ফবা থেংনখি।" রাও না হায়খি।

নৈনবদা ফংলিবশিং অসিদা য়ুম্ফম ওইরগা, কিদনীগী নূং শেম্নবগী মরু ওইবা মরম অমা ওইরিবা ফোল্দস্কোপতা কেলসিয়ম ওক্সালেৎ ক্রিস্তেল উবা ঙম্বা থেংনখি। "মসিগী খুৎলাই অসিনা ঈশিংগী ক্বালিতীনা মরম ওইদুনা কিদনীদা নূং লৈগনবা মফমশিংদা কান্নবা মওংদা শীজিন্নবা য়ারগনি।" হায়না রাওনা হায়খি। শুপচিন্না হায়রবদা, লৈনরিবা অসিগী দেতানা পীরিবসি ফোল্দস্কোপ অসি য়ুমদা দাইগনোস তৌনবা শীজিন্নবা য়াবা, ইশাগী হকশেল য়েংশিনজবা য়াবা অমসুং শেম শাবদা শেল কয়া চঙদবা খুৎলাই অমনি হায়বসি ফংখি। নৈনবদা ফংখিবশিং অদু জর্নেল ওব মাইক্রোস্কোপী দা ফোংখ্রে।

*****