কেন্দ্রগী গৃহ মন্ত্রী শ্রী অমিৎ শাহগী মীৎয়েং মখাদা, তাং ১৪.০৬.২০২০দা দা. বিনোদ পাউলনা লুচিংদুনা দিল্লীগী কোবিদ-১৯ লাকশিন্নবা থৌরাংশিংগী রিপোর্ত অমা পীশিন্নবা কম্মিতী অমা শেমখি। দা. পাউলগী রিপোর্ত অদু কেন্দ্রগী য়ুম্লৈ-কৈরৈ মন্ত্রীনা ময়াই তাংবল লৌখিবা মীফম অমদা লানথোকখি। মীফম অদু কেন্দ্রগী হকশেল অমসুং য়াইফ-য়ুম্বাল মন্ত্রালয় মন্ত্রী, দিল্লীগী লেফতনেন্ত গবর্নর, মুখ্য মন্ত্রী অমসুং উপ মুখ্য মন্ত্রী/হকশেল মন্ত্রীগী মথক্তা কেন্দ্রগী য়ুম্লৈ-কৈরৈ অমসুং হকশেল অমসুং য়াইফ-য়ুম্বাল সেক্রেতরী অমসুং দিল্লীগী চীফ সেক্রেতরীসু শরুক য়াখি।

দা. পাউলনা পীখৎলকখিবা লাকশিন্নবগী থৌরাং অসিদা য়াওরিবা মরু ওইবা ৱাফমশিং মখাদা পীরিঃ

• কন্তেন্মেন্ত জোনশিংগী পনখৈ নৌনা য়াত্থোকপা, হায়রিবা জোনশিং অসিদা চেকশিন্না শেন্নবা অমসুং থবকশিং য়েংশিনবা।
• আরোগ্যা সেতু ওমসুং ইতিহাস এপ শীজিন্নদুনা অনাবা মী পুম্নমক্কী কন্তেক্ত ত্রেসিং তৌবা অমসুং অনাবশিংগা শম্নরুবা মীওইশিং ক্বারেন্তিন তৌবা।
• দিল্লীগী মপুং ফাবা ঈ পাউ লৌবা য়ানবা কন্তেন্মেন্ত জোনগী মপান্দা লৈবা য়ুমশিং ফাওবা য়াওনা খঙদোকপা অমসুং য়ুম খুদিংমক শেন্নবা।
• কোবিদ-১৯ পোজিতিব কেসশিং হোস্পিতাল কোবিদ কেয়র সেন্তর নত্ত্রগা হোমা আইসোলেসন্দা থম্বা। কোবিদ কেয়র সেন্তরশিং চেকশিন্না মথৌ তৌবা অমসুং হীরম অসিগী মতাংদা ভোলুন্তরী ওর্গনাইজেসন/এন.জি.ও.শিংগী মতেং লৌবা।

মীওই ২০,০০০গী সেম্পল তেস্ত তৌবা য়াওনা দিল্লীদা রাং ২৭.০৬.২০২০দগী ১০.০৭.২০২০ ফাওবা সেরোলোজিকেল সর্বে তৌরগনি। মসিনা দিল্লীদা কমদৌনা লাইনা অসি শদোক্লিবনো হায়বসি খঙবদা মতেং পাংলগনি অমসুং মপুং ফাবা থৌরাং অমা লৌখৎপদ মতেং পাংলগনি।

দা. ভি.কে. পাউলনা পুথোক্লক্লিবা থৌরাং অসিগে মখাদা, দিল্লীদা লৈবা জিল্লা খুদিংমক মরুওইবা মতেং মতীক চানা পীগদবা হোস্পিতালশিংগা শম্নরগনি।

পুখৎলক্লিবা রিপোর্ত অসিদা মথক্তা পল্লিবা থবকশিং অসিগী দিল্লী সরকারনা ২২.০৬.২০২০গী মনুংদা থৌরাং তৌবা লোইশিনবদা চঙগদবা মতম য়াওরে, মসিনা জিল্লাগী থাক্তা লৈবা কাংবুসু ২৩.০৬.২০২০গী মনুংদা শেম্লগনি, মসিনা কন্তেন্মেন্ত জোনশিং ২৬.০৬.২০২০গী মনুংদা নৌনা পনখৈ শেম্বা লোইরগনি, কন্তেন্মেন্ত জোন খুদিংমক্কী সর্বে চাম্মদা চাম্মা তৌবা অমসুং দিল্লীগী লেমহৌরিবা মফমশিংদা ০৬.০৬.২০২০ ফাওবগী মনুংদা মপুং ফানা সর্বে তৌবা। কেন্দ্রগী য়ুম্লৈ-কৈরৈ মন্ত্রীনা দিল্লী সরকারদা কনাগুম্বা অমা লৈতবা মতমদা মখোয়না লৈতবা নুমিত্তগী হোস্পিতালদা নুমিৎ কয়ানিগী মমাংদা পুখৎলকখিবগে হায়বনচিংবা খঙদোক্নবা হোৎননবা য়াথং পীখ্রে। মীদু হোম আইসোলেসন্দা লৈব্রা নত্ত্রগা হোস্পিতালদা মতম চানা পুখৎপ্রা পুখত্তব্রা হায়বদু খঙদোকপদা মরুওইবা পান্দম থম্বা। লৈতবা খুদিংমক ভারত সরকারদা রিপোর্ত তৌগদবনি। য়ুম্লৈ-কৈরৈ মন্ত্রীনা মসিমসু হায়খি, কোবিদ-১৯ পোজিতিব কেস খুদিংমক অহানবদা কোবিদ সেন্তরদা হান্না পুশিনগদবনি অমসুং য়ুমদা মফম মতীক চানা লৈতবা অমসুং অতোপ্পা শোকহনলকপা য়াবা লাইনা লৈতবশিংনা য়ুমদা আইসোলেৎ ওইনা লৈহনবা য়াহনগনি। ভারত সরকারদা মীওই কয়া মশানা আইসোলেৎ তৌদুনা লৈজরিবগে হায়বদু তাক্কদবনি। য়ূম্লৈ-কৈরৈ মন্ত্রীনা কন্তেন্মেন্ত জোনশিং পনখৈ শেমদোকপদা তেক্নিকেলগী ওইবা মতেং লৌগদবনি হায়না পাউতাক পীখ্রে। য়ুম্লৈ-কৈরৈ মন্ত্রীনা দা. পাউলনা লুচিংবা কাংবু অসিবু থাগৎপা ফোংদোকখি অমসুং দিল্লীগী মুখ্য মন্ত্রীদা হৌদোরক্লিবা থৌরাং অসিবু থবক ওইনা পাঙথোক্নবা পাউতাক পীখি।

*****