সাইন্স অমসুং তেক্নোলোজী মন্ত্রালয়
সোল্সতাইস রিং ওফ ফাইয়র ইক্লিপ্স, জুন ২১, ২০২০
নুমিৎতা হকথেংননা য়েংবনা মীত্তা অমদি উবা ঙম্বগী পাঙ্গলদা শাথিনা শোকহনবা য়াই। নুমিত্তা য়েংননবা অখন্নবা অনোকশিং লৈ। অনোকশিং অসিনা নুংশা মঙালবু চুমথোক্তুনা য়েংবদা শোক্নিংঙাই ওইহন্দে।"
Posted On:
20 JUN 2020 11:25AM by PIB Imphal
বাই তি. ভি. ভেঙ্কতেস্বরন
অতাঙবা নোংথক্কী থৌদোক অমা ওইরিবা এনুলর (খুদোপকুম্না কোয়বা) সোলার ইক্লিপ্স (নুমিৎকী ৱাইতেপ), রিং ওফ ফাইয়র ইক্লিপ্স হায়নসু পাক্তক্ননা খঙনবা অসি লাক্লিবা নোংমাইজিং অসিদা উবা ফংগনি। চহীসিগী অহানবা নুমিৎকী ৱাইতেপ অসি মালেমগী অৱাংথংবা তঙ্খায়দা নুংথিলগী মতম খ্বাইদগী শাংবা কালেন থারুক্তা থোক্লরে । অনুপগর, সুরতগর, সিরসা, জখাল, কুরুক্ষেত্র, য়মুনানগর, দেহরাদুন, তপোৱন অমদি জোসিমথ ফাউদুনা চৎকদৌরিবা এনুলর ইক্লিপ্স অসি গী লম্বী পরীংদা লৈবা মীওইশিংনা এনুলর ফেজ অসি উবা ফংগনি অদুগা ভারতকী অতৈ মফমশিংদা লৈবা মীওইশিংনা শরুক খরগী ওইবা ৱাইতেপ উবা ফংগনি।
থানা নুমিৎ অমদি মালেমগী মরক্তা লৈবা মতমদা মাগী মমি মালেমগী লৈমায়দা তাই। মিৎকুপ খরদি থানা নুমিৎ অসিবু মপুং ফানা খুমজিল্লি। থাগী অম্ব্রেল সেদো তাবা মম্না লৈবা মফমশিংদা লৈবা মীওইশিংনা মপুং ফাবা ৱাইতেপ উবা ফংগনি। সিথরপ তৌবা থাগী পেনম্ব্রেল সেদো তাবা মফমশিংদা লৈবা মীওইশিংনা শরুক খরগী ওইবা ৱাইতেপ উবা ফংগনি। । ৱাইতেপ খুদিংমক্তা নুমিৎ, থা অমদি মালেম অসি মপা চপ চাননা লৈতবসু য়াই অমদি অসিগুম্বা ফীভমদা ঐখোয়না শরুক খরগী ওইবা ৱাইতেপ উবা ফংগনি। নোংথক্কী পোৎশক অহুম অসিনা অচুম্বা লৈই অমগী মপাদা লৈবা মতমদা ঐখোয়না মপুং ফাবা ৱাইতেপ উবা ফংগনি।
“এনুলর সোলার ইক্লিপ্স অসি মপুং ফাবা নুমিৎকী ৱাইতেপকী অকক্নবা ফীভম অমখক্নি। মপুং ফাবা নুমিৎকী ৱাইতেপ অমগুম্না মসিদসু থা অসি নুমিৎকা মপা চাননা লৈগনি। অদুম ওইনমক নুমিৎ অসিদা থাগী চাউবগী চাং অসি নুমিৎতগী শরুক খজিক্তমক হন্থগনি। মরম অসিনা থানা নুমিৎকী ময়ায়গী শরুকশিং খুমজিনখিদুনা নুমিৎকী মপানগী অকোয়বা শরুক্তু মীৎকুপ খরগী ওইনা অতিয়াসিদা ‘মৈগী খুদোপ’ অমগুভ থোক্তুনা লৈগনি” হায়না ইন্তর-য়ুনিভর্সিতী সেন্তর ফোর এসস্ত্রোনোমী এন্দ এস্ত্রোফিজিক্স, পুনেগী সমির ধুরদেনা শন্দোক্না তাক্লি।
ৱাইতেপ থোক্লিঙৈ মতমদা মালেম অমসুং থাগী মরক্তা লৈনরিবা অরাপ্পা অসিগগী মতুং ইন্না থোক্কদৌরিবা ৱাইতেপ অদুগী মওং মতৌ লেপ্পী। মালেম অমসুং থাগী অরাপ্পা অসি থাগী য়েরুম মওং মানবা লম্বী অসিনা মরম ওইরগা মতম পুম্নমক্তা হোংদুনা লৈ। মসিনা তাক্লিবদি করিগুম্বা মতম খরদা মালেমগা নকশিন্নবা মতমদা থা অসি অতিয়াদা খরা হেন্না চাউনা থোক্কনি অদুগা খরা লাপথোক্নবা মতমদনা খরা পীকথনা উগনি। মতৌ অসুংম্না জুন ২১, ২০২০দা থোক্কদৌরিবা ৱাইতেপ অসিদগি থাগী চাউবগী চাং অসি নুমিত্তগী চাদা ১গী চাংদা হন্থৈ ।
নুমিৎকী ৱাইতেপ হৌরকপা মতমদা নুমিৎকী মশক মওংসি শরুক খরা চীকখ্রবা সেম অমগুম্না উগনি। নুমিৎকী অপীকপা শরুক খরা থাগা অকোয়বদুনা খুমজিনখিগনি। মসিগু মতুংদা থাগী অকোয়বদুনা তপ্না তপ্না নুমিৎকী হেন্না পাকথোক চাউথোকপা শরুকপু খুমজিল্লক্কনি। এনুলর সোলার ইক্লিপ্সকী মনুংদা য়াম্না পীকপা লম্বী অমগী মপাদা থাগী মমী অসি মালেমদা তাগনি অদুগা মীয়াম্না থানা অসুম অসুম চঙশিল্লক্তুনা নুমিৎকী ময়ায় থংবা শরুকপু খুমজিনখিবা উগনি। থানা নুমিৎপু মপুং থানা খুমজিনবদি ঙমদবা মরম্না থাগী অকোয়বগী শরুক্তা অঙানবা নুংশা মঙালগী খুদোপকু্মবা শক্লোন অমা উবা ফংগনি। মসিীদগী অসিগুম্বা মখলগী নিমিৎকী ৱাইতেপপু ‘মৈগী খুদোপ’ হায়বা মমীং অসি কৌনখিবনি।
“করিগুম্বা ঐখোয়না তাঞ্জা অসি নান্থোকহনখ্রবদি ঐখোয়না মথংগী নুমিৎকী ৱাইতেপকীদমক থা ২৮ ঙাইবা তাবনি। ভারত্তা উবা ফংগদবা শরুক খরগী ওইগদৌরিবা মথংগী নুমিৎকী ৱাইতেপ অসি ওক্তোবর ২২, ২০২২দা থোক্কনি। মসি ভারতকী নোংচুপথংবা শরুক্তা উবা ফংগনি” হায়না এস্ত্রোনোমিকেল সোসাইতী ওফ ইন্দিয়াগী পব্লিক আউতরীচ এন্দ ইদুকেসন কম্মিতীগী চেয়রপর্সন অনিকেত সুলেনা ফোঙদোক্লি।
নুমিৎ অসি য়াম্না লংবা পোৎশক অমনি অদুগা নুমিত্তা হকথেংননা য়েংবনা মীৎ অমদি উবা ঙম্বগী পাঙ্গলদা শাথিনা অমাং অতা থোকহনবা ঙম্মী। নুমিত্তা য়েংননবগীদমক্তা অখন্নবা অনোকশিং লৈ। হায়রিবা অনোকশিং অসিনা খুদোংথিনিংঙাই লৈতনা য়েংবা য়ানবা নুংশা মঙালবু চুমথোকই। “অয়াম্বা মতমদা এস্ত্রোনোমিকেল সোসাইতী ওফ ইন্দিয়াগী পব্লিক আউতরীচ এন্দ ইদুকেসন কম্মিতীনা অমদি অতৈ এস্ত্রোনোমিকেল ইনস্তিত্যুসন/ প্লানেতরিয়মশিং অমসুং অতৈ সাইন্সপু চাউখৎহল্লিবা এজেন্সীশিংনা হেক হেক মীয়াম্না ৱাইতেপ অসি শোক্ননিংঙাই লৈতনা য়েংবা য়াননবা থৌরাং লৌখৎপনি। অদুবু হন্দক্কী মতাংসিদি লোকদাউন্না মরম ওইরগা ঐখোয়না সোলার ফিল্তরশিং ফংহনবা ঙমদ্রে। মখা তানা ঐখোয়না মীয়ামদা পীনিংপা পাউতাক্তি লাইচৎ অসিগী য়েংদুনা ৱাইতেপ অসি য়েংনবগীদমক মীয়াম মশিং য়াম্না পুনশিনবিগনু হায়বসিনি। ৱাইতেপ অসি অদোমগী য়ুমদগী খুদোংথিবা লৈতনা য়েংবা য়ানবগী অরায়বা লম্বী কয়া লৈরি” হায়না মুম্বাইদা লৈবা নেহরু প্লানেতরিয়মগী দাইরেক্তর অর্বিন্দ পরান্জপ্য়েনা ফোঙদোকখি।
ৱাইতেপ অসিনা কোরোনাভাইরসকী লাইচৎ অসি লোইশিনখ্রগনি হায়না শন্দোরক্লিবা তোকঙাবু হুল্লদুনা অনিকেত সুলেনা হায়খিবদা “নুমিৎকী ৱাইতেপ অসি থানা নুমিৎকী মমাঙদা অতেনবা মতম খরগী ওইনা চঙশিল্লকপদা থোকহনবনি। মালেমদগী উবদা মালেমগী মফমশিংদা পুন্না চহীদা ৱাইতেপ ২দগী ৫রকফাওবা তৌই। ৱাইতেপনা মালেমদা লৈবা মাইক্রোওর্গানিজমদা শাফু পীদে। মতৌ অসুম্না ৱাইতেপ মনুংদা চাক চাবা অমদি মপান্দা থোকপদা করিসু খুদোংথিনিংঙাই লৈতে। ৱাইতেপ মনুংদা নুমিত্তগী অঙকপা মঙাল মশেক অমত্তা থাদোরক্তে।”
ৱাইতেপ য়েংনবগী পাম্বৈশিং:-
সনগ্লাস, অনোক, এক্সপোজ তৌরবা অনোক এক্স-রে সীত নৎত্রগা গ্লাসকী মথক্তা থাউমৈগী তেঙ্গালী তৈশিন্দুনা শীজিন্নবিগনু। মখোয় শীজিন্নবদা খুদোংথিনিংঙাই ওই। অদুগা নুমিৎকী মমিবু ঈশিংগী ঈ মায়দা য়েংবসু শোক্নিংঙাই ওই।
নুমিৎদা হকথেংননা য়েংনবগীদমক নম্বর ১৩ নৎত্রগা ১৪গী য়োৎ শৌবগী গ্লাস শীজিন্নবা য়াই।
কার্দ সীত অমদি পিন মখুল অমা হূৎলগা নুংশাদা পায়দুনা লৈয়ু। খর লাপথোক্লগা স্ক্রীন অমা থম্মু। নুমিৎকী মমি স্ক্রীনদুদা তাবা উগনি। কার্দ সীত অমদি স্ক্রীন অনিগী লাপ্নবদু চত্থোক চৎশিন তৌরগা নুমিৎকী মমিদু চাউথোকহনবা য়াগনি।
মোঙশোং নৎত্রগা উ পাম্বী অমদী মরুমদা য়েংউ। উনাশিংগী মরক্কী অহাংবশিংদুনা পিনহোলগুম্না মথৌ তৌদুনা ৱাইতেপ তৌবা নুমিৎকী মমি লৈমায়দা মশীং য়াম্না তাবা উগনি।
নহাক্না চাজুমসু পিনহোল মমি শেম্নবগীদমক শীজিন্নবা য়াগনি।
‘কম্পেক্ত’ মেক-অপ কিত মিংশেল অমা ময়ায়দা অপীকপা মখুল অমা ফাৎপা অমুবা চেনা য়োমশিল্লু। নুমিৎকী মমিদু খরা লাপথোকপা ফক্লাঙ অমদা তাহল্লু। নহাক্না ৱাইতেপ তৌরিবা নুমিৎকী কাপথোকপা মমি অমা উবা ফংগনি।
খঙজিনবা ৱাবা ৱাফমশিং
ভুজনা ভারতকী খ্বাইদগী অহানবা ওইনা অয়ুক পুং ৯:৫৮দা ৱাইতেপ হৌরকপদা উবা ফংগনি। ৱাইতেপ অসি পুং ৪গী মতুংদা অসামগী দিব্রুগরদা নুংথিল পুং ২:২৯দা লোইশিনগনি। ভারতকী নোংচুপ থংবা পনখৈদা লৈবা ঘেরসনানা অয়ুক পুং ১১:৫০দা খ্বাইদগী অহানবা ওইনা ৱাইতেপকী এনুলর তাঙ্কক উবা ফংগনি। মসি মফমদুদা সেকেন্দ ৩০ শাংগনি। উত্তরাখন্দদা লৈবা কলঙ্ক চীংদোলদনা নুংমিৎ য়ুংবা মতুং পুং ১২:১০ দা খ্বাইদগী ইকোন কোন্না এনুলর ইক্লিপ্স উবা ফংবা মফম ওইগনি অমদি সেকেন্দ ২৮ শাংগনি।
জুন ২১, ২০২০গী এনুলর ইক্লিপ্স
তেবল ১
এনুলর ইক্লিপ্স উগদবা মফমশিং।
মফম হৌবা খ্বাইদগী চাউবা লোইবা মতম
- ১০:২৪ এ.এম. ১২:০৫ পি. এম. ১:৫০ পি.এম. ১৪.০
- ১০:১২ এ.এম. ১১:৫০ এ.এম. ১:৩৬ পি.এম. ২৯.৮
- ১০:২৮ এ.এম. ১২:১০ পি.এম. ১:৫৫ পি.এম. ২৮.০
- ১০:২১ এ.এম. ১২:০১ পি.এম. ১:৪৭ পি.এম. ৩০.৪
থানা নুমিৎকী শরুক্কী চাউরাক্ন চাদা ৯৯.৫রোম খুমজিনগনি।
তেবল ২
শরুক খরগী ৱাইতেপ উগদবা মফমশিং
মফম হৌবা খ্বাইদগী চাউবা লোইবা খুমজিনবগী চাং
- ১০:১৯ এ.এম. ১২:০২ পি.এম. ১:৫০ পি.এম. ৯০
- ১০:০৩ এ.এম. ১১:৪১ এ.এম. ১:৩২ পি.এম. ৮২
- ১০:১৯ এ.এম. ১১:৫৭ এ.এম. ১:৪১ পি.এম. ৯৪
- ১০:১২ এ.এম. ১১:৪৭ এ.এম. ১:৩১ পি.এম. ৪৭
- ০৯:৫৮ এ.এম. ১১:৩৩ এ.এম. ১:২৩ পি.এম. ৮৬
- ১০:২২ এ.এম. ১১:৫৮ এ.এম. ১:৪১ পি.এম. ৪৬
- ১১:০৭ এ.এম. ১২:৫৪ পি.এম. ২:২৯ পি.এম. ৮৯
- ১০:৫৭ এ.এম. ১২:৪৫ পি.এম. ২:২৪ পত.এম. ৮৪
- ১০:১৪ এ.এম. ১১:৫৫ এ.এম. ১:৪৪ পি.এম. ৬০
- ১০:১০ এ.এম. ১১:৫১ এ.এম. ১:৪২ পি.এম. ৭৮
- ১০:১৪ এ.এম. ১১:৫৫ এ.এম. ১:৪৪ পি.এম. ৯১
- ১০:১৫ এ.এম. ১১:৫৬ এ.এম. ১:৪৪ পি.এম. ৫৯
- ১০:০৮ এ.এম. ১১:৪৭ এ.এম. ১:৩৫ পি.এম. ৯১
- ০৯:৫৯ এ.এম. ১১:৩৫ এ.এম. ১:২৪ পি.এম. ৮৫
- ১০:১৭ এ.এম. ১১:৪১ এ.এম. ১:১৫ পি.এম. ৩৩
- ১০:১০ এ.এম. ১১:৩৮ এ.এম. ১:১৭ পি.এম. ৪০
- ১০:৪৬ এ.এম. ১২:৩৫ পি.এম. ২:১৭ পি.এম. ৭২
- ১০:২৯ এ.এম. ১২:০৬ পি.এম. ১:৪৭ পি.এম. ৮৭
- ১০:২৬ এ.এম. ১২:১১ পি.এম. ১:৫৮ পি.এম. ৮৮
- অবু ১০:০৫ এ.এম. ১১:৪৪ এ.এম. ১:৩৪ পি.এম. ৮৭
- ১০:০০ এ.এম. ১১:৩৭ এ.এম. ১:২৭ পি.এম. ৭০
- ১০:২৫ এ.এম. ১২:০৮ পি.এম. ১:৫৪ পি.এম. ৯৬
- ১০:১১ এ.এম. ১১:৫৩ এ.এম. ১:৪২ পি.এম. ৬৬
- দিল্লী ১০:১৯ এ.এম. ১২:০১ পি.এম. ১:৪৮ পি.এম. ৯৫
- ব্লেয়র ১১:১৫ এ.এম. ১২:৫৩ পপ.এম. ২:১৮ পি.এম. ৩৯
- ১০:০২ এ.এম. ১১:৪০ এ.এম. ১:৩০ পি.এম. ৬৭
- ০৯:৫৯ এ.এম. ১১:৩৫ এ.এম. ১:২৫ পি.এম. ৮২
- ১০:৫৭ এ.এম. ১২:৪৬ পি.এম. ২:২৪ পি.এম. ৮৩
- ১০:২৩ এ.এম. ১১:৫৯ এ.এম. ১:৪০ পি.এম. ৮৬
- ১০:১৪ এ.এম. ১১:৩৯ এ.এম. ১:১৫ পি.এম. ৩৫
- ১০:০৭ এ.এম. ১১:৪৭ এ.এম. ১:৩৬ পি.এম. ৮৬
*****
(Release ID: 1632946)
Visitor Counter : 189