কেন্দ্রগী সোসিএল জস্তিস অমসুং এম্পাৱর্মেন্ত মন্ত্রী, দোক্তর থাৱরচান্দ গেহলোৎনা রাঞ্চিগী খিজ্রি, নমকুম ব্লোক ওফিস মনুংদা লৈবা কম্পোজিৎ রিজনেল সেন্তর (সি.আর.সি.) অসি কোবিদ-১৯গী লায়না লাইচৎ অসিগী চৈরক্তা ১৭.০৬.২০২০দা ভিদিও কনফরেন্সিংগী খুত্থাংদা শঙ্গারগনি। ভিদিও কনফরেন্সিংগী খুত্থাংদা পাঙথোক্কদৌরিবা শঙগাবগী থৌরম অসিদা ত্রাইবেল এফ্যির্সকী মন্ত্রী, শ্রী অর্জুন মুন্দা; ঝর্খন্দ সরকারগী লেবর্সকী মন্ত্রী, শ্রী সৎয়ানন্দ ভোগতা; রাঞ্চিগী মেম্বর ওফ পার্লিয়ামেন্ত, শ্রী সঞ্জে সেথ; দি.ই.পি.দবল্যু.দি.গী সেক্রেতরী, মিস শাকুন্তলা দি. গম্লিন; দি.ই.পি.দবল্যু.দি.গী জোইন্ত সেক্রেতরী, দিক্তর প্রাবোধ সেথ অমসুং রাঞ্চিগী খিজ্রিগী এম.এল.এ.,শ্রী রাজেস কচপ য়াওগনি।

সি.আর.সি.-রাঞ্চি শঙগারবা মতুংদা, মথৌ তৌবা হৌরগনি অমসুং ঝার্খন্দগী স্তেৎ অসিগী অমসুং থংনবা মফমশিংগী মীমান্দ্রবা মীওইশিংগী ওইবা ফিজিকেল মেদিসিন, ফিজিওথেরাপী, ওক্ব্যুপেস্নেল থেরাপী, ওদিওলোজী অমসুং স্পীচ থেরাপী, সাইকোলোজী, প্রোসথেতিক্স অমসুং ওর্থোতিক্স, স্পেসিএল এদুকেসন, অর্লি ইন্তরভেন্সন অমসুং ত্রিৎমেন্ত অসিনচিংবা য়াওনা রিহেবিলিতেসন সর্ভিসশিং পীরগনি। পি.দবল্যু.দি.শিংগী স্কিল দেবেলপমেন্ত প্রোগ্রাম য়াওনা এম্পাৱর্মেন্ত ওফ পর্সন্স ৱিথ দিসএবিলিতী বিভাগকী মখল কয়াগী স্কিমশিং সেন্তর অসিদা ইমপ্লিমেন্তসু তৌগনি অমসুং ভারতকী ইকাইখুম্নরিবা প্রধান মন্ত্রীগী “সবকা সাথ, সবকা বিকাস, সবকা বিশৱাস” কী ৱাখল্লোন অদুসু ওইথোকহল্লগনি।

থৌরম অসিদা, সেন্তরনা ৱিল চ্যিয়র মশিং ৪৬, ত্রাইসাইকল মশিং ৮০, ক্রৎচেস মশিং ৬৪, স্মার্ত ফোন মশিং ৪০, ফীতুনবা মেছিন মশিং ২, লেপতোপ মশিং ২ অমসুং মোবাইল শেম্নবা কিৎ মশিং ২ দিব্যাঙ্গজনশিংদা সোসিএল দিসতেন্সিং কাংলোনশিং ঙাক্লগা পীনবা শেম শাখ্রে অমসুং মথৌ তাবা রিহেবিলিতেসন সর্ভিসশিং লায়রবা দিবয়াঙ্গজনদা পীরগনি।

সেন্তর অসি ওরিশাগী কত্তকতা লৈবা স্বামি বিবেকানান্দ নেস্নল ইন্সতিত্যুত ওফ রিহেবিলিতেসন ত্রেনিং অমসুং রিসর্সকী শরুক অমা ওইনা চল্লাইগনি।

*****

(Release ID: 1632037) Visitor Counter : 112