దేశీయ ఉక్కు వినియోగాన్ని దేశంలో పెంచడం, చమురు-గ్యాస్ రంగం ఉక్కు అవసరాలను తీర్చడానికి దిగుమతి ఆధారపడటాన్ని తగ్గించడంపై పెట్రోలియం మరియు సహజ వాయువు మరియు ఉక్కు శాఖ మంత్రి శ్రీ ధర్మేంద్ర ప్రధాన్ నొక్కి చెప్పారు. ఈ రోజు ఇక్కడ ‘ఆత్మనిర్భర్ భారత్: ఆయిల్ & గ్యాస్ సెక్టార్‌లో దేశీయ ఉక్కు వాడకాన్ని ప్రోత్సహించడం’ అనే వెబినార్‌ను ఉద్దేశించి ఆయన మాట్లాడుతూ స్టీల్, ఆయిల్ & గ్యాస్ రంగాలకు దగ్గరి సంబంధం ఉందని, దానిని కొత్త స్థాయిలకు తీసుకెళ్లవలసిన సమయం వచ్చిందని అన్నారు. 

ఆత్మనీర్భర్ భారత్ తయారు చేయాలన్న ప్రధానమంత్రి శ్రీ నరేంద్ర మోడీ పిలుపుని ప్రస్తావిస్తూ,  ఆత్మనీర్భర్ భారత్ అంటే బలమైన ఉత్పాదక రంగం, స్వావలంబన ప్రపంచవ్యాప్తంగా సమగ్ర ఆర్థిక వ్యవస్థతో బలమైన భారత్ అని శ్రీ ప్రధాన్ అన్నారు. నిర్మాణం, చమురు & గ్యాస్, ఆటోమొబైల్స్, యంత్రాలు వంటి రంగాలతో బలమైన సంబంధాలు కలిగివున్న భారతీయ ఉక్కు రంగానికి ఆత్మనీర్భర్ భారత్ కావాలనే భారత కలని సాకారం చేయడంలో ప్రాథమిక పాత్ర ఉంది. దేశీయ అవసరాలన్నీ నెరవేర్చిన తర్వాతే ప్రపంచ ఉక్కు రంగంలో భారతీయ ఉక్కు రంగం ప్రధాన పాత్ర పోషించడానికి కృషి చేయగలదని ఆయన అన్నారు. "దేశీయ పరిశ్రమలు పెరగాలి, తద్వారా సరఫరా గొలుసు  స్థానికీకరణను ప్రోత్సహించే మన  ప్రయత్నాలలో ఖర్చు పెరగదు" అని శ్రీ ధర్మేంద్ర ప్రధాన్ తెలిపారు. 

చమురు, గ్యాస్ రంగంపై, పెట్టుబడి అనుకూల విధానాల నేపథ్యంలో గత ఆరేళ్లుగా విపరీతమైన పరివర్తన జరిగిందని మంత్రి చెప్పారు. శుద్ధి కర్మాగారాలు, పైప్‌లైన్‌లు, గ్యాస్ టెర్మినల్స్, నిల్వ సామర్థ్యం, గ్యాస్ సిలిండర్లు, రిటైల్ అవుట్‌లెట్లలో ఈ రంగం విపరీతంగా వృద్ధి చెందుతోంది. వీటన్నింటికీ పెద్ద మొత్తంలో ఉక్కు అవసరం. చమురు-గ్యాస్ రంగం ఉక్కు పైపులు, గొట్టాల అతిపెద్ద వినియోగదారులలో ఒకటి, మన జనాభాలో 70% మందికి నగర గ్యాస్ పంపిణీ నెట్‌వర్క్ విస్తరణ, సామర్థ్యాన్ని పెంచడం, 10,000 సిఎన్‌జి స్టేషన్లను ఏర్పాటు చేయడానికి ప్రణాళిక, ఇ అండ్ పి కార్యకలాపాలు -అవన్నీ ఈ రంగంలో ఉక్కు డిమాండ్‌ను పెంచుతాయి.

ఉక్కు, చమురు-గ్యాస్ రంగాలు రెండూ భారత ఆర్థిక వ్యవస్థకు ముఖ్యమైన స్తంభాలు అని, భారతదేశం 5 ట్రిలియన్ డాలర్ల ఆర్థిక వ్యవస్థ వైపు కదులుతున్నప్పుడు రెండింటికీ ముఖ్యమైన పాత్ర ఉందని ఉక్కు, శాఖ సహాయ మంత్రి శ్రీ ఫగ్గన్ సింగ్ కులాస్టే అన్నారు. దేశీయ ఉత్పత్తులను అధికంగా స్వీకరించాలని, దేశ అభివృద్ధికి తోడ్పడాలని ఆయన పరిశ్రమకు పిలుపునిచ్చారు. 

వెబినార్ ‌లో ఎంఓపిఎన్జి కార్యదర్శి జి శ్రీ తరుణ్‌కపూర్, ఉక్కు శాఖ కార్యదర్శి, శ్రీ ప్రదీప్ కుమార్ త్రిపాఠి, పలు పిఎస్‌యుల సిఎండిలు, స్టీల్, పిఎన్‌జి మంత్రిత్వ శాఖల సీనియర్ అధికారులు, పరిశ్రమల నాయకులు, ఫిక్కీ ఆఫీస్ బేరర్లు, ఇతర వాటాదారులు (వినియోగదారులు అలాగే ఉత్పత్తిదారులు) పాల్గొన్నారు. ఫిక్కీ భాగస్వామ్యంతో ఉక్కు మంత్రిత్వ శాఖ ఈ వెబినార్ ‌ను నిర్వహించింది. 

*****