জল শক্তি মন্ত্রালয়গী নেসনল জল জীভন মিসননা স্তেৎ অসিগী য়ুমথোংশিংদা তোতি ঈশিং ১০০% পীবা ঙম্নবা অরুনাচল প্রদেশকী চহীগী এক্সন প্লান অদু অয়াবা পীখ্রে। স্তেৎ অসিনা মার্চ ২০২৩ ফাওবদা য়ুমথোং পুম্নমক্তা তোতি ঈশিং ১০০% পীনবা খন্নখ্রে। ২০২০-২১দা জল জীভন মিসনগী মখাদা স্তেৎ অসিগীদমক লুপা কোতি ২২৫ ভারত লৈঙাকনা পীনবা অয়াবা পীখ্রে। য়ুমথোং খুদিংদা তোতি পুশিনহনবা অমসুং চপ মান্ননা শেল থুমগী ফীভম ফগৎলকপা অসিগুম্বা উবা ফংবা আউৎপুৎশিংগী পন্দম ফংবদা য়ুম্ফম ওইরগা পর্ফোরমেন্স গ্রান্তশিংগী মওংদা স্তেৎশিংদা অহেনবা ফন্দশিং পী।খুঙ্গংগী য়ুমথোং লাখ ২.১৮ লৈবগী মনুংদা, স্তেৎ অসিনা ২০২০-২১দা তোতি ঈশিং ৭৭,০০০ পুশিনবা য়ানবা হোৎনরি। হোৎনবা অসিদা শোথরবা দিস্ত্রিক, তেস্ত তৌবদা ঈশিংদা কেমিকেল য়াওবগী চাং ৱাংনা ফংবা মী তাবা মফমশিং, সন্সদ অদর্শ গ্রামিন যোজনাগী খুঙ্গংশিং অসিনচিংবদা হেন্না কনশিনবা মীৎয়েং থম্লগা য়ুমথোংশিংদা ফংহন্নবা হোৎনরি।

অরুনাচল প্রদেশতা ঈশিং ফংহনবা অসি অৱাবা নত্তে অদুবু ইমপ্লেমেন্ত তৌবদা থেংনবা অৱাবশিং অদুদি চিংগী মফম ওইবগী ৱাবা, মী লাপনা খুন্দবা অমসুং নোংজু নুংশাগী ফীভম ফৎতবা অসিনি। অদুম ওইনমক স্তেৎ লৈঙাক অসিনা খুঙ্গং/মী তাবা মফম পুম্নমক কোনশিন্দুনা খুঙ্গংগী য়ুমথোং খুদিংমক্তা তোতি ঈশিং য়ৌহন্নবা ৱাখল মুন্না খন্থরগা পোরমশিং য়াৎখি। জল জীভন মিসন অসিনা অফবা তোতি ঈশিং প্রজাশিংগী য়ুমদা ফংহন্দুনা নুপী অঙাংগী অৱা পোৎলুম হন্থহন্নবা স্তেৎ অসিদা অফবা খুদোংচাবা অমা পীরে।

স্তেৎ অসিনা ‘লাইনা পান্দম ফংগদবশিং’দা মীয়েং থম্লি হায়বদি ঈশিংগী সপ্লাইগী স্কিম অসিগী পাইপ হান্ননা তীংবা লোইখ্রবা খুঙ্গংশিং/মী তাবা মফমশিংগী লেমহৌরিবা য়ুমথোং খুদিংদা ই-রাই লাইনা তোতি ঈশিং মতম চংদনা ফংহন্নবা অসিনি। স্তেৎ অসিনা সমাস অসিগী অৱাবা কাংলুপতা চনবা লেমহৌরিবা য়ুমথোকশিংদা তোতি ঈশিং থুনা ফংহন্নবা হোৎনরি। কোবিদ-১৯গী লাইচৎ অসিগী মনুং অসিদা মীয়ামগী তোতি য়াফম/থক্নবা ঈশিং ফংফমদা মী য়াম্না তীনহন্দনবা লৈঙাক অসিনা হৌৎনবি। খুঙ্গংদা ঈশিংগী সপ্লাইগী থবকশিং শুবা হৌদুনা অথুবা মতমদা য়ুমথোং খুদিংদা তোতি ঈশিং ফংহনবা স্তেৎনা খঙহনখ্রে, মসিনা সোসিএল দিস্তে্ন্সিং চৎনা কাংলোনসু ঙাক্লগনি অমসুং মসিগী মথক্তা অহেনবা ওইনা মফম অদুগী মীয়ামবু থবক পীবা অমসুং খুঙ্গংগী শেনমিৎলোন্দসু ফগৎহল্লগনি।

খুঙ্গংগী মীয়ামশিংনা থৱায় য়াওনা শরুক য়াবগা লোয়ননা ভিলেজ এক্সন প্লান (ভি.এ.পি.) অসি কান্নগদবা মওংদা ইমপ্লিমেন্ত তৌনবা মরিক চুম্বা পোরম য়াৎখ্রে। মতম শাংনা চৎহনবা ঙম্নবা খুঙ্গংশিংদা ঈশিং সপ্লাই তৌনবা সিস্তেম অসি প্লান, ইমপ্লেমেন্ত, মেনেজমেন্ত, চল্লাইবা অমসুং য়েংশিনবদা মফম অদুগী মীয়াম্না অচৌবা থৌদাং লৌগনি। মফম অদুগী মীয়ামশিংনা খুঙ্গং অসিগী ঈশিংগী সপ্লাই তৌনবা সিস্তেম অসিবু চাই নাইনা য়েংশিনবা অমসুং চল্লাইবা অমদি ফীভম য়েংশিনবগী থৌদাং লৌনবা তৌগনি। খুৎশা হৈবা থবকশিং তম্বিনবা শেমশারি মসিনা থবক ফংদ্রিবা নহাশিংদা পাইপ শেম্বা, চেক শুবা, ফিৎ তৌবা, মৈ শেম্বা অসিনচিংবা তম্বিগনি, অসুম তৌদনা খুঙ্গংগী থাক্তা হৈথৌ শীংথৌরবা মী কয়া লৈরগনি অমসুং মফম অদুদা কান্নবসু পীরগনি।

মতম শাংনা চাংনাইনা থক্নবা তোতি ঈশিংগী সপ্লাই তৌনবা সিস্তেমগীদমক হৌজিক লৈরিবা থক্নবা ঈশিং লাকফমশিং অসি মখল কয়াগী তোঙান তোঙানবা খুঙ্গংগী থাক্তা লৈবা এম.জি.এন.আর.ই.জি.এস, এস.বি.এম.(জি), ১৫শুবা এফ.সি. গ্রান্তশিংদগী পি.আর.আই.শিং, দিস্ত্রিক মিনরেল দেভেলোপমেন্ত ফন্দ, সি.এ.এম.পি.এ., লোকেল এরিয়া দেভেলপমেন্ত ফন্দ অসিনচিংবা প্রোগ্রামশিং অসিগী খুত্থাংদা লৈরিবা ফন্দ পুম্নমক হৈ-শীংনা শীজন্নদুনা হেনগৎহন্নবা তৌগদবনি। ২০২০-২১গী মনুংদা পি.আর.আই.শিংদা ১৫শুবা ফাইনান্স কম্মিসন গ্রান্তশিংগী মখাদা স্তেৎ অসিদা লুপা কোতি ২৩১ কাইথখ্রে; শেমফম অসিগী ৫০%দি ঈশিং অমসুং সেনিতেসনদা শুকশোই-শোইদনা শীজিন্নগদবনি।

জল জীভনগী মখাদা, দিস্ত্রিক্কী অমসুং স্তেৎকী থাক্তা ঈশিংগী ক্বালিতী তেস্ত তৌনবা লেবরেতরী লৈহনবা হায়বা অসিনা মরু ওইনা লৌরি। ঈশিংগী ক্বালিতী য়েংশিনবদা মীয়াম্নসু মতেং পাংবা মথৌ তাই। মীয়ামবু এম্পাৱর অমসুং শরুক য়ানবা প্রোভিজনশু শেমখ্র, মতম চানা কিতৎশিং লৈশিনবা, মীয়াম্দা কিতৎশিং সপ্লাই তৌবা, খুঙ্গং খুদিংদা য়ামদ্রবদা নুপী মঙা খন্দোকপা, ফিল্দ তেস্ত কিৎশিং করম্না শীজিন্নগদগে হায়না নুপীশিংদা ত্রেনিং পীবা অসিগুম্বা মখল কয়াগী য়াৎথোক্লবা থবক থৌরমশিং অসিদা পাংথোকনবা এক্সন প্লান শেমখ্রে।

প্রধান মন্ত্রী শ্রী নরেন্দ্র মোদী না অগস্ত ১৫, ২০২০দা লৈবাক অসিদা লৈবা খুঙ্গংগী য়ুম খুদিংদা ২০২৪ ফাওবদা য়ুমথোং খুদিংগী ঈশিং তাহন্নবা পান্দম থমদুনা জল জীভন মিসন লাউথোকখ্রে। স্তেৎশিংগা চুংশিন্নদুনা ইমপ্লেমেন্ত তৌ্গদৌরিবা মিসন অসিগী পান্দমদি খুঙ্গংগী য়ুমথোং খুদিংদা চাংনাইনা নোংমদা লিতর ৫৫গী কেপিতা(এম.পি.সি.দি.)গী চাংদা তোতি ঈশিং ফংহন্নবা অমসুং মতম কুইনা শাংনা চৎন্দুনা খুঙ্গংগী মীয়ামগী পুন্সি মহিং ফগৎহনবনি।

*****