সাইন্স অমসুং তেক্নোলোজী মন্ত্রালয়

আই.এ.এস.এস.তি.না অচা-অথকশিংদা কার্সিনোজেনিক অমসুং ম্যুতেজেনিক কম্পাউন্দশিং খঙদোক্নবা ইলেক্ত্রোকেমিকেল সেন্সিং প্লেৎফোর্ম দিবেলপ তৌখ্রে

Posted On: 22 MAY 2020 2:47PM by PIB Imphal

ইন্সতিত্যুৎ ওফ এদভান্স স্তদী ইন সাইন্স এন্দ তেক্নোলোজী (আই.এ.এস.এস.তি.), গুৱাহাতীনা, অচা-অথকশিংদা খুদম ওইনা ক্যোর্দ মীৎ, বেকন, চীজগী মওং খরা অমসুং ফেৎ-লিক্না য়াওবা শঙ্গোমশিংদা করিগুম্বা মতমদা ফংবা কার্সিনোজেনিক নত্ত্রগা ম্যুতেজেনিক কম্পাউন্দ এন-নাইত্রোসোদীমেথিলামাইন (এন.দি.এম.এ) অমসুং এন-নাইত্রোসোদিএথানোলামাইন (এন.দি.ই.এ.) অসি খঙদোক্নবগীদমক্তা ইলেক্ত্রোকেমিকেল প্লেৎফোর্ম অমা দিবেলপ তৌখ্রে। মসি দি.এন.এ.দা কার্বোন নেনোমেতরিয়েলশিং (কার্বোন দোৎশিং) ইম্মোবিলাইজ তৌরগা মোদিফাই তৌরবা  ইলোক্ত্রোদ অমা দিবেলপ তৌরগা ফংখিবনি।

সাইনতিস্তশিংনা হায়খি মদুদি শহরদা লৈবা ইন্দিয়নশিংগী ওন্থোরক্লিবা চাবা-থকপগী মওংনা মরম ওইরগা মখোয়দা ক্যোর্দ মীৎ, বেকন, চীজগী মওং খরা অমসুং ফেৎ-লিক্না য়াওবা শঙ্গোম অমসুং  ঙা গুম্বা চানা-থক্নবা পোৎচৈশিংদা নাইত্রোসমিন ফেমিলীগা মরী লৈনবা হকচাংদা শোকহনবা কেমিকেলশিংদা এক্সপোজ তৌখ্রে। অসিগুম্বা কেমিকেলশিং অসিদা ঐখোয়গী দি.এন.এ.গী কেমিকেল কোম্পোজিসন ফাউবদা ওন্থোকপা ঙম্বা এন.দি.এম.এ. অমসুং এন.দি.ই.এ.গুম্বা কেমিকেল য়াওই। অদুনা হায়রবশিং অসি খঙদোকপা ঙম্বা তেক্নিক শেমগৎপা হায়বসি য়াম্না মরু ওই।

নাইত্রোসমিনবু খঙদোক্নবা শিজিন্নরিবা অয়াম্বা তেক্নিকশিংদা Μm শিজিন্নবদা অকক্নবা ঙমখৈ লৈ। জর্নল এ.সি.এস. এপ্লাইদ বায়ো মেতরদা ফোংখিবা স্তদী অসিদা সাইন্তিস্তশিংনা এন-নাইত্রোসমিনগী সেন্সিতিব অমসুং সিলেক্তিব ওইনা খঙবা ঙম্নবগীদমক্তা, কার্বোন দোৎশিংগী লৈমাইদা ইম্মোবিলাইজ তৌরবা দি.এন.এ.শিজন্নরগা ইলেক্ত্রোকেমিকেল বায়োসেন্সর অমা পুথোকখ্রে। এন.দি.এম.এ অমসুং এন.দি.ই.এ.গীদমক্তা  খঙদোকপা ঙম্বগী ঙমখৈ অসি মথংশিৎনা ৯.৯×১০-৯ M অমসুং ৯.৬×১০-৯নি।

ইলেক্ত্রোকেমিকেল বায়োসেন্সর অসি এন.দি.এম.এ. অমসুং এন.দি.ই.এ.গী দি.এন.এ. ওন্থোকপা ঙম্বগী মগুনশিং অদু শিজিন্নরগা পুথোকখিবনি। কার্বোন্দা য়ুম্ফম ওইবা নেনোমেতরিয়েল, কার্বোন দোৎশিং (সি.দি.শিং) অসি শিজিন্নখি, হায়রিবা অসি বায়োকোমপাতিবলে ওইবা অমসুং এনভাইরনমেন্ত ফ্রেন্দলী ওইবা মেতরিয়েলনি হায়না হান্নদগী লেখ্রবা পোৎশক্নি। মহৌশাগী ওইবা মওংদা পুথোকপা কাইতোসান, (শ্রিম্প, লোবস্তর, অমসুং ৱাইখুগী মকুশিংদগী ফংবা মহৌশাগী ওইবা বায়োপোলিমর) অসি সি.দি.শিং সিন্থেসাইজ তৌবদা শিজিন্নবা এনভাইরনমেন্ত-ফ্রেন্দলী ওইবা সস্তেনেবল মেতরিয়েলনি।

মসিইলেক্ত্রোকেমিকেল সেন্সর অমা ওইবনা, ইলেক্ত্রোদ অদু কার্বোন দোৎশিং তুংশিন্দুনা (কার্বোন নেনোপার্তিকলশিং) অমসুং মখোয়দা য়াওরিবা বেক্তরিয়েল দি.এন.এ. অদু ইম্মোবিলাইজ তৌদুনা পুথোকপনি। ইলেক্ত্রোদ সিস্তেম অসি করেন্ত পিক ওনবদা শিজিন্নখি। এন.দি.এম.এ. অমসুং এন.দি.ই.এ.না ইলেক্ত্রোদতা য়াওরিবা দি.এন.এ.গী কেমিকেল স্ত্রকচর ওন্থোকই, মসিনা হেন্না কন্দক্ত তৌবা ওইহল্লি অমসুং মসিনা মরম ওইরগা করেন্ত পিক্তা হেনগৎহল্লি।

সাইন্তিস্তশিংনা বেজকী জুরা A, T, G, C, অসিদা গ্বনাইন (G) অসি ইলেক্ত্রোকেমিকেলগী ওইনা এক্তিব ওইবগী খুদোংচাবা অসি লৌখি। এন.দি.এম.এ. য়াওবনা  গ্বনাইন অসি ৬-ওমিথাইলগ্বনাইন নত্ত্রগা ৭-মেথাইল গ্বনাইনদা  ওন্থোকখি অমসুং দি.এন.এ. এদক্স শেম্নবা এন.দি.ই.এ.  গ্বানাইন্না ৮-ওক্সোগ্বনাইনদা ওন্থোকখি।  শেমখিবা দি.এন.এ. এদক্স অদু এলেক্ত্রোকেমিকেলগিী ওইনা এক্তিব ওই, মসিনা ইলেক্ত্রোকেমিকেল সেৎ-অপ্তা পিক করেন্ত হেনগৎলকপনা কেমিকেলশিং খঙবদা মতেং পাংঙি।

অতোপ্পা স্ত্রকচর মান্নবা কেমিকেল কমপাউন্দ খরা সিস্তেম অসিদা অপনবা পীবা ঙম্ব্রা হায়বা য়েংনবা হাপচিনখি। অদুবু কেমিকেলশিং অসিনা দি.এন.এ. সিক্বেন্স ওম্থোকপা ঙমদবনা মখোয়না সিস্তেম অসিদা শোকহন্দে।

 

(ফোংবগী লিঙ্ক: https://dx.doi.org/10.1021/acsabm.0c00073.)

****



(Release ID: 1626311) Visitor Counter : 173