ওতোনোমস ইন্সতিত্যুৎ অমা ওইরিবা কোলকতাগী এস.এন. বোস নেস্নেল সেন্তর ফোর বেসিক সাইন্স (এস.এন.বি.এন.সি.বি.এস.)গী সাইন্স এন্দ তেক্নোলোজী বিভাগকী সাইন্তিস্তশিংনা ইলেক্ত্রোন পুংবা অমদা ইলেক্ত্রোনশিং অসি অমগা অমগা য়েৎশিন্নবা মওংদা লৈ হায়বা খঙননবা অনৌবা প্রোতোকোল অমা পুথোকখ্রে । মসিনা ক্বান্তম ইনফোর্মেসন প্রোসেসিং তাক্স লাইথোকহনবদা পাম্বৈ অমা ওইহনলগনি । হাইরিবা  প্রোতোকোল অসি নিয়ম অমদি খুদম চাংদম কয়া তৌরবা মতুংদা পুথোকপনি।

ক্বান্তম এন্তেংগলমেন্ত হায়বা অসি ক্বান্তম মেকানিক্সকী য়াম্না মরুওইবা মওং-মতৌ অমনি, মসিনা  ক্বান্তম তেলিপোর্তেসন অমদি সুপর-দেন্স কোদিংনচিংবাসু থোকহন্বা ঙম্মি। হাইরিবা অসি মপান্থোংগী ওইবা থৌওংনি, পুংবা নৎত্রগা চবুন ওইনা লৈবা পার্তিকল খুদিংনা  ক্বান্তম স্তেত্তা লৈবা মতমদা মশাগী মথন্তা মনিংতম্বা মওংদা লৈবা ঙমজদবা অদু পার্তিকলশিংনা পুংবা নৎত্রগা চবুন ওইনা লৈবদা থৌওং অসি উৎথোকই । ক্বান্তম ইনফোর্মেসন প্রোসেসিং তাক্স অমসুং ক্বান্তম ক্রিপ্তোগ্রাফিক প্রোতোকোলশিং লাইহন্নবা হোৎনবদা য়েৎনবা মওংদা লৈবা ক্বান্তমনা অচৌবা মতেং ওইরি।

অদুমকপু ক্বান্তম য়েৎশিন্ননা লৈবগী মওং অসি য়াম্না নৌই অমদি করিগুম্বা ফোতোনশিংনা অকোইবদা চংশিল্লকপা মতমদা লাইনা মাংবা ঙম্মি। মরম অদুনা পাম্বৈ অমা ওইনা শিজিন্ননবগিদমক ফোতোন পুংবানা য়েৎশিন্নরগা লৈ হায়বসি খঙদোকপা য়াম্না মরু ওই। হায়রিবা অসি খঙদোক্নবগীদমক ওন্নবা পাম্বৈ মথৌ তাই অদুবু হায়রিবা পাম্বৈ অসি হেক তৌখিবসু য়াই নৎত্রগনা এভেসদ্রোপর শিজিন্নবা য়াই । হায়রিবা ওইথোকপা য়াবশিং অসিদগী কন্নবগীদমক দিভাইস-ইন্দিপেন্দেন্ত সেল্ফ-তেস্তিং (দি.আই.এস.তি.)গী পাম্বৈ শিজিন্নবা য়াই ।

মসিগী মেথদ অসিনা ফোতোন অনিগী খঙদ্রিবা ক্বান্তমগী মওং চমম্নহনবদা অচুম-চুমদা খঙদোকপা অদু রাজ্য তান্না চুমদ্রিং য়ৌহন্দনা নত্রগা ওন্ননবা খুৎলায়শিংদা মপুং ওইনা থাজবা ঙমহল্লি। মপুং ওইবা দিভাইসকী মনিংতম্বা অদুদা তৌহনবা মতমদা ক্বান্তমগী অরেপ্পা লৈতবা প্রিন্সিপলদা শিজিন্নবা য়ানবা তৌবদা মখা পোনবা অসি অরুবা থবক অমনি। মখল-মখা কয়াদা থবক পাংথোকপগী ফীভমশিংদা, পার্তীশিংদুগী মরক্তগী অমদা মপুং ওইনা থাজবা য়াই, তৌইগুম্বসুং বেঙ্কিং ত্রাঞ্জেক্সনশিংদা সর্ভর-ক্লাইন্তকী মরিগী মতাংগুম্বদা অতোপ্পা অদুদা থাজদবা য়াই। অসিগুম্বা ফীভমশিংদা, ক্বান্তম ইনফোর্মেসন থিওরীনা নাকল অমত্তা ওইবা দি.আই.এস.তি. (১-এস.-দি.আই.এস.তি.) তৌবা ঙমহল্লি।

ফিজিকেল রিভিয়ুদা এ.দা ফোংলকপা প্রোতোকোলদা এস.এন.বি.এন.সি.বি.এস. অমসুং মহাক্কী তীমদগী দা.অর্চনা এস. মজুমদারগী থিওরীতিকেল ওইবা ৱাখল্লোন অসি ক্বান্তম স্তীয়রিংদা পাংথোকহনবদা ফাইন-গ্রেন অনসর্তেনিতী অদু পাংথোকপদা য়ুম্ফম ওই। ৱাখল্লোন অসি বৈজিং কম্প্যুতেস্নেল সাইন্স রিসর্চ অমসুং ক্বান্তম ইনফোর্মেসনগী কি লেবোরেতরী, হেফৈগা তেংবাংনদুনা চাংয়েংগী ওইবা মওংদা মায় পাক্না পাংথোকখ্রে। চাংয়েং অসিদা বিতা বেরিয়ম বোরেৎ( বি.বি.ও. ) ক্রিস্তেল অসি নন-লাইনিয়র ওপ্তিকেল ক্রিস্তেল, এসেলর ক্রিস্তেল শিজিন্নখিবা ওল-ওপ্তিকেল সেত-অপ অমা শিজিন্নখি অদুবু লেজরগী মঙালগী ফোতোনশিংদা য়েৎশিন্নবা পুংবাশিং শেমখি। তীম অসিনা বোব অসি থাজনীংঙাই ওইবা পার্তী ওইনা অমসুং এলাইস অসিনা থাজনীংঙাই ওইনা মঙোন্দগী পুথোক্নরিবা শরুক ওইরিবা ফোতোনশিংগী পুংবা  অচুম-চুমদা খঙদোক্নবা  শিজিন্নখি।

ফীগর: এক্সপরিমেন্তেল মোদেলগী অয়েকপা লাই

 

মখোয়গী চাংয়েং ওইনা পাংথোকপগী রন অমদা, এলিসকী লেবদা ফোতোন অমা চৎলি(মখা থংবা ওইদা) অমসুং অতোপ্পা অদুনা বোবকী লেবতা(মথক থংবা য়েৎতা)।  ফোতোনশিং অদু পুথোক্ত্রিঙৈগী মমাংদা মখোয়না বীম স্প্লিত্তরশিং, ফেজ-শিপ্তরশিং অমসুং ক্বান্তম গেৎ ওপরেসনশিং খল কয়াগী ওপ্তিকেল ওপরেসনশিং তৌহনখি।  পুথোক্তুনা খঙদোক্নবা স্তেতিস্তিক্সশিং শিজিন্নদুনা, তীম অসিনা খ্বাইদগী তাবা ইররদা ফোতোনশিং য়েৎশিন্নবগী মওং অদুখক্তা নত্তনা য়েৎশিন্নবগী মেগ্নিচুদ অদু খঙদোকপগী খুদম পীখি। 

তীম অসিনা লেজর অমসুং বি.বি.ও. ক্রিস্তেলশিংনা থোকহল্লক্লিবা ফোতোনশিংগী য়েৎশিন্নবা পুংবাশিং অসি শোয়নীংঙাই ওইদনা ই-পাও ফাওনবগী থবকশিং পাংথোকপদা থাজনীংঙাই ওইনা শিজিন্নবা য়াই হায়না   লোইশিনখি।

[পব্লিকেস লিঙ্ক: https://doi.org/10.1103.PhysRevA.98.022311,

https://doi.org/10.1103.PhysRevA.101.020301

মরিক চুম্বা ৱারোলগীদমক্তা, অর্চনা এস. মজুমদার (archan@bose.res.in)দা  পাউ ফাওরকপা য়াগনি।]

****

(Release ID: 1626017) Visitor Counter : 164