ইন্দিয়ন মেতিওরোলোজিকেল বিভাগকী নেস্নল ৱেদর ফোর্কাস্তিং সেন্তর/সাইক্লোন ৱার্নিং দিবিজনগী খ্বাইদগী নৌনা ফোংবা (আই.এস.তি. পুং ১০.০০)গী মতুং ইন্না:

কা হেন্না শাথিবা নোংলৈ-নুংশিৎ ‘অম্ফান’ (উম-পুন হায়না পান্নবা) অসি বে ওফ বেঙ্গলগী নোংচুপ-ময়াইলোমগী অৱাং-অৱাং থংবদা নক্না হৌখিবা পুং ০৬ মনুংদাপুংদা কি.মি. ২২গী খোঙজেলদা ঙসি মে ২০, ২০২০গী আই.এস.তি. পুং ০৮.৩০দা চাউরাকনা পারাদীপ (ওরিশা)গী নোংপোক-খানোংপোলোমদা কি.মি. ২০০ফাওবা, দীঘা (নোংচুপ বঙ্গাল)গী খা-খারোমদা কি.মি. ২০০,অমসুং খেপুপারা (বঙ্গলাদেশ)কী খানোংচুপলোমদা কি.মি. ৩৬০দা বে ওফ বেঙ্গলগী অৱাংনোংচুপলোমগী লেতিচুদ ১৯.৪° অৱাং মনাক্তা অমসুং লোঙ্গীচুদ ৮৭.৭° নোংপোক্তা নক্না উংদুনা লৈখি। মসি অৱাং-অৱাং নোংপোক্লোমদা বে ওফ বেঙ্গলগী অৱাংনোংচুপ লান্না অমসুং নোংচুপ বেঙ্গল –বঙ্গলাদেশকী সমুদ্র খোঙবানগী দীঘা (নোংচুপ বঙ্গাল) অমসুং হাতিয়া ইথৎ (বঙ্গলাদেশ)কী মরক্তা সুন্দরবন্স নক্না ঙসি মে ২০, ২০২০গী নুংথিলদগী নুমিৎদাংৱাইরমগী মতমদা পুংদা কি.মি. ১৫৫-১৬৫দগী পুংদা কি.মি. ১৮৫ ফাওবগী খ্বাইদগী য়াম্না নুংশিৎনা লৈমায়দা হুম্বগা লোয়ননা শিৎলবা য়ানা লৈ। সিস্তেমনা হৌজিক লেপ্পা লৈতনা ভিশাখাপতনম (আন্ধ্র প্রদেশ), পারাদীপ (ওরিশা) অমসুং গোপালপুর (ওরিশা)গী দোপপ্লর ৱেদর রাদর (দি.দবল্যু.আর)না ত্রেক তৌরি। হৌখিবা পুং ২৪ অসিদা ওরিশাগী অৱাংথংবা শমুদ্র মপানগী জিলাশিংগী মী তাদবা মফমশিংদা অকনবাদগী য়াম্না কন্না নোং চুখ্রে অমসুং নোংচুপ বঙ্গালগী সমুদ্র মপান্দা য়াম্না কনবা নোং চুখ্রে। নোংপুবা নুশিৎকী খোংজেল পুংদা কি.মি. ১০০-১১০তগী পুংদা কি.মি. ১২৫ য়ৌদুনা ওরিশাগী অৱাংথংবা সমুদ্র মপানগী জিলাশিংগী অকোয়বদা অমসুং পুংদা কি.মি. ৫৫-৬৫ ফাওবদগী পুংদা কি.মি. ৭৫ য়ৌদুনা ওরিশাগী খাথংবা সমুদ্র মাপন্দা চুখ্রে।

মখাগী তেবল অসিদা ফোরকাস্ত ত্রেক অমসুং অয়াংবগী মতাংদা পীরি:

 (১) অকনবা নোংজুগী চেকশিনৱা:

ওরিশা

মে ২০,২০২০ দনা অৱাংথংবা ওরিশাগী সমুদ্র খোংবালগী (বালেশ্বর, ময়ুর্বঞ্জ, জাজপুর, কেন্দ্রপুর অমসুং কিয়োনঝরগর জিলাশিং) মীয়াম্না তাদবা মফমশিংদনা য়াম্না কনবা নোংদগী কা হেন্না কনবা নোং ফাওবা চুরবা য়াই।

নোংচুপ বঙ্গাল

মী য়াম্নাতাদবা নোংচুপ বঙ্গালগী গঙ্গা খোঙবান্দা (নোংপোক & নোংচুপ মেদিনিপুর,খা অমদি খা &অৱাং পার্গনাস ২৪, হাউরা, হুগ্লি, কলকতা অমদি থংনবা জিলাশিং)দা মে ২০, ২০২০দা কা হেন্না কনবা নোংচুরবা য়াই অমসুং মে ২১ ২০২০দা মনুং চনবা জিলাশিংদা তোঙান্না অকনবা নোং চু্রবা য়াই।

নোংচুপ বঙ্গালগী সব-হিমালয় অমসুং সিক্কিম

অয়াম্বা মফমশিংদা নোং খজিক্তংদগীময়ায় ওইরপ ফাওবগী চাংদা লোয়ননা মালদা অমসুং দিনাসপুরগী মফম খরদা মে ২০দা অকনবা নোংদগী য়াম্না কনবা নোং চুরবা য়াই অমসুং নোংচুপ বঙ্গালগী সব-হিমালয় অমসুং সিক্কিমগী অয়াম্বা জিলাশিংদনা মে ২১,২০২০দা য়াম্না কনবা নোং চুরবা য়াই।

অসম অমসুং মেঘালয়

মে ২১দাঅয়াম্বা মফমশিংদা নোং খজিক্তংদগীময়ায় ওইরপ ফাওবদগী অসমগী নোংচুপ থংবা জিলাশিং & মেঘালয়গী মফম খরদা অকনবা নোংদগী কা হেন্না কনবা নোং চুরবা য়াই।

 (২) নুংশিৎকী চেকশিনৱা

নোংচুপ বঙ্গাল & ওরিশা

• খা থংবা ওরিশাগী সমুদ্র খোঙবাল অমদি অকোয়বদা নোং পুবা নুংশিৎ পুংদা কিলোমীতর ৫৫দগী ৬৫ ফাওবগী চাংদগী হেনগৎতুনা পুংদা কিলোমীতর ৭৫ ফাওবা য়ৌনা অমসুং অৱাং থংবা ওরিশাগী সমুদ্র খোঙবাল অমদি অকোয়বদা পুংদা কিলোমীতর ৪০-৫০ ফাওবগী চাংদগী হেনগৎতুনা পুংদা কিলোমীতর ৬০ ফাওবগী চাংদা শিৎলবা য়াই। ঙসি নুংথিলদা হায়রিবা অমদি অকোয়বদালোয়ননা অহিংদা নোংচুপ বঙ্গালগী সমুদ্র খোঙবাল অমদি অকোয়বদা শন্দোরকপা য়াই।

• নুংশিৎকী খোঙজেল অসি তপ্না তপ্না হেনগৎলক্তুনা নোং পুবা নুংশিৎ ওইরক্তুনা পুংদা কিলোমীতর ৯০দগী ১০০ ফাওবগী পুংদা কি.মি. ১১০দা খংহেন হেনগৎতুনা মে ২০গী মতমদাওরিশাগী (জগৎসিংপুর, কেন্দ্রাপুর, ভদ্রাক, বালাসোর, অমসুং ময়ুর্ভঞ্জগী জিলাশিং) জিলাশিংদা শিৎলি অমসুং নোং নুংশিৎ অসি কিলোমীতর ৫৫দগী ৬৫ ফাওবগী চাংদা হেনগৎতুনা পুংদা কিলোমীতর ৭৫ ফাওবা ওরিশাগী সমুদ্র খোঙবালগী লেমহৌরিবা জিলা (পুরি, খোর্দা, কত্তক, জাজপুর)গী অকোয়বদা শিৎলি।
• মসিনা তপ্না তপ্না হেনগৎলক্তুনা মথক্তা পনখ্রিবা ওরিশাগী অৱাংথংবা জিলাশিংগী অকোয়বদা নুমিৎয়ুংবা মমাংদগী নুমিদাং ৱাইরম ফাওবা পুংদা কিলোমীতর ১০০-১১০দগী ১২৫ ফাওবগী চাংদা হেনগৎতুনা হুমজিল্লকপা য়াই।
• নোং পুবা নুংশিৎ অসিনা পুংদা কি.মি. ৮০-৯০ ফাওবদগী পুংদা কি.মি. ১০০দা হেনগৎতুনা নোংচুপ বঙ্গালগী সমুদ্র খোংবাল (নোংপোক & নোংচুপ মেদিনিপুর, খা অমদি অৱাংগী পার্গনাস ২৪, হাউরা, হুগ্লি, কলকতা অমদি থংনবা জিলাশিং)গী অকোয়বদা শিৎলি।
• নোং পুবা নুংশিৎ অসিনা পুংদা কিলোমীতর ১৫৫দগী ১৬৫ ফাওবগী চাংদগী পুংদা কিলোমীতর ১৮৫ ফাওবগী চাংদা হেনগৎতুনা নোংপোক মেদিনিপুর অমসুং অৱাং অমদি খাগী পার্গনাস ২৪, জিলাশিংদা অমসুং পুংদা কিলোমীতর ১১০-১২০ ফাওবগী চাংদগী পুংদা কিলোমীতর ১৩০ ফাওবগী চাংদা হেনগৎতুনা নোংচুপ বঙ্গালগী কলকতা, হুগ্লি , হাউরা অমদি নোংচুপ মেদিনিপুর জিলাশিংদা কঙফালদা য়ৌরকপা মতমদা (২০গী নুংথিলদগী নুমিদাং ফাওবা) শিৎলবা য়াই।

অরুবা সমুদ্রগী শরুক

• নোং পুবা নুংশিৎ অসিনা পুংদা কিলোমীতর ১৬৫-১৭৫ ফাওবগী চাংদগী হেনগৎতুনা পুংদা কিলোমীতর ১৯৫ ফাওবগী চাংদা বে ওফ বেঙ্গলগী অৱাং নোংচুপ অমসুং নোংচুপ-ময়াইগা থংনবদা শিৎলি। নোং পুবা নুংশিৎ অসিনা পুংদা কিলোমীতর ১৫০-১৬০ ফাওবগী চাংদগী হেনগৎতুনা পুংদা কিলোমীতর ১৭৫ ফাওবগী চাংদা ময়াইথংবা বে ওফ বেঙ্গলগী অৱাংগা থংবা শরুকশিংদা শিৎলি। মসিনা ঙসি নুমিদাং ৱাইরমগী মতমদা বে ওফ বেঙ্গলগী অৱাংথংবদা য়ৌরকপদা পুংদা কিলোমীতর ১৫৫-১৬৫ ফাওবগী চাংদগীহেনগৎতুনা পুংদা কিলোমীতর ১৮৫ ফাওবগী চাংদা তপ্না তপ্না হন্থরক্কনি।

 (3) সমুদ্রগী ফীভম:

• সমুদ্রগী ফীভম অসি ফেনোমিনেল ওই অমসুং নোংচুপ-মায়াইথংবা বে ওফ বেঙ্গলদা মথংগী পুং ৬ ফাওবা অমসুংঅৱাং নোংচুপথংনবা মথংগী পুং ১২মখা চত্থখিবা য়াই।

 (৪) ঙামীশিংদা পীবা চেকশিনৱা

• অৱাংথংবা বে ওফ বেঙ্গল অমসুং বে ওফ বেঙ্গলগা তাইনবা ময়াইথংবা মফমশিংদামথংগী পুং ২৪গী মতমদা ঙামীশিং চংদনবা খঙহনখ্রে। অদুগা অৱাংথংবা বে ওফ বেঙ্গলগী অকোয়বদা লৈরিবা ওরিশাগী অৱাংথংবা, নোংচুপ বঙ্গাল অমসুং তাইনবা বঙ্গলাদেশকী সমুদ্র খোঙবানশিংদা চংদনবা ঙামীশিংদা হায়খ্রে।

 (৫) নোংলৈ নুংশিৎ শিৎলগনি হায়না পানবা:

• এস্ত্রোনোমিকেল তাইদকী মথক্তা চাউরাক্না মীতর ৪-৫তা শিৎকদবা নোংলৈ নুশিৎ অসিনা কংফাল য়ৌরকপা মতমদা খা & অৱাংথংবা পার্গানাস ২৪গী লো লাইয়িং এরিয়াশিং অমসুং নোংচুপ বঙ্গালগী নোংপোকথংবা মেদিনিপুর জিলাশিংগীলো লাইয়িং এরিয়াশিংদা মীতর ৩-৪ ফাওবগী মথক্তা খংহৌদনা শিৎলবা য়াই। (ফিগর এনক্লোজ তৌরি)

 (৬) মাং তাকহল্লবা য়াই হায়না পানবশিংঅমসুং পাংথোক্কদবা থবকশিং

 (অ) নোংচুপ বঙ্গাল (নোংপোকথংবা মেদিনিপুর, খা & অৱাংথংবা পার্গনাস ২৪, হাউরা, হুগ্লি, কলকতাগী জিলাশিং)

মাং তাকহল্লবা য়াই হায়না পানবশিং:

• কৎচা য়ুম খুদিংমক চাউনা মাং তাকহনবা, শেমজিন্দ্রবা পক্কা য়ুমশিং খরা মাং তাকহনবা। অপাইবা পোশকশিংদগী চাউনা খুদোংথীবা নংবা য়াবা।
• পাৱর অমসুং কম্যুনিকেসন পোলশিং য়াম্না চাউনা ফুকপা।
• মফম কয়াদা রেল/লম্বেল পাকশন্না শম্নবা ঙমদবা।
• হৌরিবা মহৈ মরোংশিং, প্লান্তেসনশিং, ওরচার্দশিং পাকশন্না মাংহনবা।
• য়ুবীশিং অমসুং পাল্ম পাম্বীশিং হুমদোকপা।
• মনা পুংবা পাম্বীশিং ফুক্তোকপা।
• অচৌবা হীশিং অমসুং জহাজশিং মশাগী উচুক্তগী পাইথোকখিবা য়াই।

ঙামীশিংগী চেকশিনৱা & পাংথোক্কদবা থবকশিং:

• মে ২০২০ ফাওবা ঙা ফাবগী থবকশিং পুমলেপ লেপ্পা।
• রেল অমসুং লম্বীগী ত্রাফিক হোংদোকপা নত্ত্রগা লেপ্পা।
• শোকহনগদৌরিবা মফমশিংদা লৈবা মীওইশিং য়ুমদগী মপান থোক্তবা। লো লাইয়িং এরিয়শিংদগী ময়ুম হোংদোক্নবা মীয়ামদা হায়বা।
• মোতোর বোতশিং অমসুং অপীকপা জহাজশিং চৎথোক-চৎশিন তৌদবা।

 (আ) ওরিশা (জগৎসিংপুর, কেন্দ্রপারা, বাদ্রক, বালেশ্বর, জাজপুর & ময়ুরভঞ্জ)

মাং তাকহল্লবা য়াই হায়না পানবশিং:

• ইগী য়ুম খুদিংমক মাং তাকহনবা/কৎচা য়ুম খুদিংমক চাউনা মাং তাকহনবা। অপাইবা পোৎশকশিংদগী চাউনা খুদোংথীবা নংবা য়াবা।
• পাৱর অমসুং কম্যুনিকেসন পোলশিং কোনবা/ফুকপা।
• কৎচা অমসুং পক্কা লম্বেলশিং চাউনা মাং তাকহনবা। রেলৱেজতা , মথক্তা পুরিবা পাৱর লাইনশিং অমসুং সিগ্নেলিং সিস্তেমশিং য়াম্না পীকনা অকাইবা পীবা।
• হৌরিবা মহৈ মরোংশিং, প্লান্তেসনশিং, ওরচার্দশিং পাকশন্না মাংহনবা, অশংবা য়ুবীশিং কেনবা অমসুং পাল্ম পাম্বীশিংগী মনা শেগায়বা। হৈনৌগুম্বা মনা পুংবা পাম্বীশিং হুমদোকপা।
• অপীকপা হীশিং, মশানা শাজবা হীশিং উচুক্তগী পাইথোকখিবা য়াই।

ঙামীশিংগী চেকশিনৱা & পাংথোক্কদবা থবকশিং:

• মে ২০২০ ফাওবা ঙা ফাবগী থবকশিং পুমলেপ লেপ্পা।
• রেল অমসুং লম্বীগী ত্রাফিক হোংদোকপা নত্ত্রগা লেপ্পা।
• শোকহনগদৌরিবা মফমশিংদা লৈবা মীওইশিং য়ুমদগী মপান থোক্তবা।
• মোতোর বোতশিং অমসুং অপীকপা জহাজশিং চৎথোক-চৎশিন তৌহনদবা।

৭. কঙফামদা য়ৌরকখ্রবা মতুংগী মীৎয়েং:

 কঙফালদা য়ৌরক্লবা মতুং সিস্তেম অসি অৱাং-অৱাং নোংপোক্লোমদা, নোংচুপ বঙ্গালগী গঙ্গাগী খোঙবাল & বঙ্গলাদেশলোমদা শিৎলগা তপ্না তপ্না মপাঙ্গল শোন্থরবা য়াই। মসি মে ২১গী অয়ুক ফাওবা নোংলৈ নুংশিৎকী চাং অদুদি অদুমক হন্থরোই অমসুং মসিগী মতুং তারকপদা বঙ্গলাদেশ লোমদা দীপ দিপ্রেসসন অমা ওইনা মপাঙ্গল শোন্থখিগনি।

মসিগী শাফুগী মখাদা নোং পুবা নুংশিৎকী খোঙজেল অসি পুংদা কিলোমীতর ৭০-৮০দগী পুংদা কিলোমীতর ৯০ ফাওবগী চাংদা নোংচুপ বঙ্গালগী গঙ্গা খোঙবানগী মনুংথংবা জিলাশিং (মুরসিদবাদ & নাদিয়)দা ২০গী অহিংদগী ২১ অয়ুক ফাওবগী মনুংদা য়ৌবা য়াই।

নোংচুপ বঙ্গালগী গঙ্গা খোঙবালগী মনুংথংবা জিলাশিংদা মে ২১দানোং খজিক্তংদগী ময়ায় ওইরপ ফাওবগী চাংদা নোং চুরবা য়াই। মে ২০দা মাল্দা & দিনাজপুর জিলাশিংগী অমসুং মে ২১, ২০২০দা নোংচুপ বঙ্গালগী সব-হিমালয় অমসুং সিক্কিমগী অয়াম্বা জিলাশিংদা নোং খজিক্তংদগী ময়ায় ওইরপ ফাওবগী চাংদা নোং চুরবা য়াই লোয়ননা মফম খরদা অকনবদগী য়াম্না কনবা নোং চুরবা য়াই। মে ২১দা নোং খজিক্তংদগীময়ায় ওইরপ ফাওবগী চাংদা অয়াম্বা মফমশিংদা নোং চুরবা য়াই লোয়ননা অকনবদগী কা হেন্না কনবা নোংনোংচুপথংবা অসম & মেঘালয়গী জিলাশিংগী মফম খরদা চুরবা য়াই।

নোংচুপ বঙ্গালগী গঙ্গা খোঙবালগী মনুংথংবা জিলাশিংদা মাং তাকহল্লবা য়াই হায়না পানবা অমসুং পাংথোক্কদবা থবকশিং।

•  (i) পাৱর অমসুং কম্যুনিকেসন পোলশিংদা অমাং-অতা খরা থোকপা (ii) কৎচা লম্বেলশিং চাউনা মাং তাকহনবা অমসুং পক্কা লম্বেলশিং খরা মাং তাকহনবা (iii) ঊশাশিং তেকপা, অপীকপা ঊ-পাম্বীশিং মরু ফুকপা (iv) লফোই অমসুং অৱাথবী পাম্বীশিং মাং তাকহনবা (v) শোকহনগদৌরিবা মফমশিংদা লৈবা মীওইশিং য়ুমদগী মপান থোক্তবা।

সিস্তেম অসিগী অপদেৎকীদমক চানবীদুনা www.rsmcnewdelhi.imd.gov.in অমসুং www.mausam.imd.gov.inদা য়েংবীয়ু।

 (মসিগী লিঙ্ক অসিদা অকুপ্পা ৱারোল অমসুং অপদেৎ তৌরবা গ্রাফিকশিং য়েংবীয়ু)

****