ইন্দিয়ন মেতিওরোলোজিকেল বিভাগকী নেস্নল ৱেদর ফোর্কাস্তিং সেন্তর/সাইক্লোন ৱার্নিং দিবিজনগী খ্বাইদগী নৌনা ফোংবা (আই.এস.তি. পুং 20৩০)গী মতুং ইন্না:  (মরু ওইবা অপদেৎশিং অদু মচুনা তাক্লি)

কা হেন্না শাথিবা নোংলৈ-নুংশিৎ ‘অম্ফান’ (উম-পুন হায়না পান্নবা) অসি বে ওফ বেঙ্গলগী নোংচুপ-ময়াইলোমগী অৱাং-অৱাং থংবদা নক্না হৌখিবা পুং ০৬ মনুংদা পুংদা কি.মি. ১৭কী খোঙজেলদা মে ১৯, ২০২০গী আই.এস.তি. পুং ১৭৩০দা চাউরাকনা পারাদীপ (ওরিশা)গী খারোমদা কি.মি.  ৩২০ নকনা, দীঘা  (নোংচুপ বঙ্গাল)গী খা-খা নোংচুপলোমদা কি.মি. ৪৭০,অমসুং খেপুপারা (বঙ্গলাদেশ)কী খা-খা নোংচুপলোমদা কি.মি. ৬১০দা অৱাংলোমগী লেতিচুদ ১৭.৪°  মনাক্তা অমসুং বে ওফ বেঙ্গলগী নোংচুপ-ময়াইলোমদা লোঙ্গীচুদ ৮৭.০° নোংপোক্লোমদা উংদুনা লৈখি।

মসি অৱাং-অৱাংনোংপোক্লোমদা বে ওফ বেঙ্গলগী অৱাংনোংচুপ লান্না অমসুং নোংচুপ বেঙ্গল লানথোক্তুনা সুন্দরবন্স নক্না বঙ্গলাদেশকী সমুদ্র খোঙবানগী দীঘা (নোংচুপ বঙ্গাল)অমসুং হাতিয়া ইথৎ (বঙ্গলাদেশ)কী মরক্তা মে ২০, ২০২০গী নুংথিলদগী নুমিদাংৱাইরমগী মতমদা পুংদা কি.মি. ১৫৫-১৬৫দগী পুংদা কি.মি. ১৮৫ ফাওবগী খ্বাইদগী য়াম্না নুংশিৎনা লৈমায়দা হুম্বগা লোয়ননা শিৎলবা য়ানা লৈ।

সিস্তেমনা  হৌজিক লেপ্পা লৈতনা ভিশাখাপতনম (আন্ধ্র প্রদেশ), পারাদীপ (ওরিশা) অমসুং গোপালপুর (ওরিশা)গী  দোপপ্লর ৱেদর রাদর  (দি.দবল্যু.আর)না ত্রেক তৌরি।

 

 

মখাগী তেবল অসিদা ফোরকাস্ত ত্রেক অমসুং অয়াংবগী মতাংদা পীরি:

তাং/মতম  (আই.এস.তি.)	লৈরিবা ফিভম (লেতিচুদ০N/ লোঙ্গীচুদ০E)	খ্বাইদগী য়াম্না নুংশিৎনা লৈমায়দা হুম্বগী অয়াংবা  (পুংদা ওইবা কি.মি. )	নোংলৈ নুংশিৎনা লৈদুনা শিৎপগী কাংলুপ
১৯.০৫.২০/১৭৩০	১৬.৪/৮৭.০	১৯০-২০০য়াংনা শিৎলম্বদগী ২২০ ফাওবা খংশিৎ শিৎপা	কা হেন্না শাথিবা নোংলৈ-নুশিৎ
১৯.০৫.২০/২৩৩০	১৮.৪/৮৭.২	১৮০-১৯০ য়াংনা শিৎলম্বদগী ২১০ ফাওবা খংশিৎ শিৎপা	কা হেন্না শাথিবা নোংলৈ-নুশিৎ
২০.০৫.২০/০৫৩০	১৯.৪/৮৭.৪	১৭০-১৮০ য়াংনা শিৎলম্বদগী ২০০ ফাওবা খংশিৎ শিৎপা	কা হেন্না শাথিবা নোংলৈ-নুশিৎ
২০.০৫.২০/১১৩০	২০.৬/৮৭.৮	১৬০-১৭০ য়াংনা শিৎলম্বদগী ১৯০ ফাওবা খংশিৎ শিৎপা	কা হেন্না শাথিবা নোংলৈ-নুশিৎ
২০.০৫.২০/১৭৩০	২০.৯/৮৮.৩	১৫০-১৬০ য়াংনা শিৎলম্বদগী ১৮০ ফাওবা খংশিৎ শিৎপা	য়াম্না শাথিবা নোংলৈ-নুশিৎ
২১.০৫.২০/০৫৩০	২৩.৮/৮৯.২	৮০-৯০য়াংনা শিৎলম্বদগী ১০০ ফাওবা খংশিৎ শিৎপা	নোংলৈ-নুশিৎ
২১.০৫.২০/১১৩০	২৫.০/৯০.০	৪০-৫০ য়াংনা শিৎলম্বদগী ৬০ ফাওবা খংশিৎ শিৎপা	দিপ্রেসসন

(১) অকনবা নোংজুগী চেকশিনৱা:

ওরিশা

মে ১৯ দা ওরিশাগী সমুদ্র খোংবালদা অয়াম্বা মফমশিংদা নোং খজিক্তংদগী ময়ায় ওইরপ ফাওবগী চাংদা নোং চুরবা য়াই লোয়ননা মী য়াম্না তাদবা মফমশিং জগৎসিংপুর, কন্দ্রাপুর অমসুং ভদ্রাক জিলাশিংদা অকনবদগী য়াম্না কনবা নোং চুরবা য়াই অমসুং জোইপুর, বালাসোর, কত্তক, ময়ুর্ভঞ্জ, খোর্ধা & পুরীগী জিলাশিংদা তোঙান্না য়াম্না কনবা নোং চুরবা য়াই অমসুং মে ২০,২০২০ দনা অৱাং থংবা ওরিশাগী সমুদ্র খোংবালগী (জগৎসিংপুর, ভদ্রাক অমসুং কিয়োনঝরগর জিলাশিং) মীয়াম্না তাদবা মফমশিংদনা য়াম্না কনবা নোংদগী কা হেন্না কনবা নোং ফাওবা চুরবা য়াই।

নোংচুপ বঙ্গাল

ঙসি মে ১৯গী নুমিৎদাংৱাইরমদগী হৌরগা নোংচুপ বঙ্গালগী গঙ্গা খোঙবানদা লৈবা জিলাশিংগী  (নোংপোক মেদিনিপুর, খা অমদি অৱাংগী পার্গনাস ২৪) অয়াম্বা মফমশিংদা নোং খজিক্তংদগী ময়ায় ওইরপ ফাওবগী চাংদা নোং চুরবা য়াই । মে ২০দা নোংজুগী চাং অসি তপ্না তপ্না কানশিল্লকপা য়ানা লৈ।অয়াম্বা মফমশিংদা নোং কন্না অমদি মফম খরদা য়াম্না কনবা নোং চুরবা য়াই, মী য়াম্না তাদবা নোংচুপ বঙ্গালগী গঙ্গা খোঙবানদা  (নোংপোক & নোংচুপ মেদিনিপুর, খা অমদি অৱাংগী পার্গনাস ২৪, হাউরা, হুগ্লি, কোলকতা অমদি থংনবা জিলাশিং)দা মে ২০, ২০২০দা কা হেন্না কনবা নোংচুরবা য়াই অমসুং মে ২১ ২০২০দা মনুং চনবা জিলাশিংদা তোঙান্না অকনবা নোং চু্রবা য়াই।

নোংচুপ বঙ্গালগী সব-হিমালয় অমসুং সিক্কিম

অয়াম্বা মফমশিংদা নোং খজিক্তংদগী ময়ায় ওইরপ ফাওবগী চাংদা নোং চুরবা য়াই লোয়ননা মালদা অমসুং দিনাসপুরগী মফম খরদা মে ২০দা অকনবা নোংদগী য়াম্না কনবা নোং চুরবা য়াই অমসুং নোংচুপ বঙ্গালগী সব-হিমালয় অমসুং সিক্কিমগী অয়াম্বা জিলাশিংদনা মে ২১,২০২০দা য়াম্না কনবা নোং চুরবা য়াই।

অসাম অমসুং মেঘালয়

মে ২১দাঅয়াম্বা মফমশিংদা নোং খজিক্তংদগীময়ায় ওইরপ ফাওবগী চাংদা নোং চুরবা য়াই লোয়ননা অসামগী নোংচুপ থংবা জিলাশিং & মেঘালয়গী মফম খরদা অকনবা নোংদগী কা হেন্না কনবা নোং চুরবা য়াই।

 (২) নুংশিৎকী চেকশিনৱা

নোংচুপ বঙ্গাল & ওরিশা

• খা থংবা ওরিশাগী সমুদ্র খোঙবাল অমদিঅকোয়বদা নোং পুবা নুংশিৎ পুংদা কিলোমীতর ৫৫দগী ৬৫ ফাওবগী চাংদগী হেনগৎতুনা পুংদা কিলোমীতর ৭৫ ফাওবা য়ৌনা অমসুং অৱাং থংবা ওরিশাগী সমুদ্র খোঙবাল অমদি অকোয়বদা পুংদা কিলোমীতর ৪০-৫০ ফাওবগী চাংদগী হেনগৎতুনা পুংদা কিলোমীতর ৬০ ফাওবগী চাংদা শিৎলবা য়াই। ঙসি নুংথিলদা হায়রিবা নোং নুংশিৎ অসি কিলোমীতর ৫৫ দগী ৬৫ ফাওবগী চাংদা হেনগৎতুনা পুংদা কিলোমীতর ৭৫ ফাওবা অৱাং থংবা ওরিশাগী সমুদ্র খোঙবাল অমদি অকোয়বদা লোয়ননা অহিংদা নোংচুপ বঙ্গালগী সমুদ্র খোঙবাল অমদি অকোয়বদা শন্দোরকপা য়াই।

• নুংশিৎকী খোঙজেল অসি তপ্না তপ্না হেনগৎলক্তুনা নোং পুবা নুংশিৎ ওইরক্তুনা পুংদা কিলোমীতর ৭৫ দগী ৮৫ ফাওবগী চাংদগী হেনগৎতুনা মে ২০গী অয়ুক্তগী পুংদা কিলোমীতর ৯৫গী চাংদা অৱাং থংবা ওরিশাগী সমুদ্র খোংবাল  (জগৎসিংপুর, কন্দ্রাপুর, ভদ্রাক, বালাসোর, অমসুং ময়ুর্ভঞ্জগী জিলাশিং) অমদি নোংচুপ বঙ্গালগী সমুদ্রখোংবাল (নোংপোক & নোংচুপ মেদিনিপুর, খা অমদি অৱাংগী পার্গনাস ২৪, হাউরা, হুগ্লি, কোলকতা অমদি থংনবা জিলাশিং)দা হুমজিল্লকপা য়াই। মসিদগী হেনজিল্লক্তুনা মথক্তা পনখ্রিবা ওরিশাগী অৱাং থংবা জিলাশিংগী অকোয়বদা পুংদা কিলোমীতর ১০০-১১০ দগী ১২৫ফাওবগী চাংদগী হেনগৎতুনা হুমজিল্লকপা য়াই।
• নোং পুবা নুংশিৎ পুংদা কিলোমীতর ১৫৫ দগী ১৬৫ ফাওবগী চাংদগীপুংদা কিলোমীতর ১৮৫ ফাওবগী চাংদা হেনগৎতুনা নোংপোক মেদিনিপুর অমসুং অৱাং অমদি খাগী পার্গনাস ২৪, জিলাশিংদা অমসুং পুংদা কিলোমীতর১১০-১২০ ফাওবগী চাংদগী পুংদা কিলোমীতর ১৩০ ফাওবগী চাংদা হেনগৎতুনা নোংচুপ বঙ্গালগী কোলকতা,  হুগ্লি , হাউরা অমদি নোংচুপ মেদিনিপুর জিলাশিংদা কঙফালদা য়ৌরকপা মতমদা (২০গী নুংথিলদগী নুমিদাং ফাওবা) শিৎলবা য়াই।
• কনবা খংহেন হেনগৎলকপা নুংশিৎ অসিনা পুংদা কিলোমীতর ৫৫-৬৫ ফাওবগী চাংদগী হেনগৎতুনা পুংদা কিলোমীতর ৭৫ ফাওবগী চাংদা মে ২০, ২০২০দা ওরিশাগী পুরী, খোর্ধা,কত্তক,জোইপুর জিলাশিংদা শিৎলবা য়াই।

অরুবা সমুদ্রগী শরুক

• নোং পুবা নুংশিৎ পুংদা কিলোমীতর ১৯০-২০০ ফাওবগী চাংদগী হেনগৎতুনা পুংদা কিলোমীতর ২২০ ফাওবগী চাংদা বে ওফ বেঙ্গলগী নোংচুপ-ময়াই অমসুংঅৱাংগা থংনবদা শিৎলবা য়াই। নোং পুবা নুংশিৎ পুংদা কিলোমীতর ১৭০-১৮০ ফাওবগী চাংদগী হেনগৎতুনা পুংদা কিলোমীতর ২০০ ফাওবগী চাংদা  বে ওফ বেঙ্গলগী অৱাংগা থংবা শরুকশিংদা মে ২০গী অয়ুক্তগী  শিৎলবা য়াই। মসি বে ওফ বেঙ্গলগী অৱাংগী কাঙফল য়ৌরকপদা পুংদা কিলোমীতর ১৫৫-১৬৫ ফাওবগী চাংদগী হেনগৎতুনা পুংদা কিলোমীতর ১৮৫ ফাওবগী চাংদা ওইবা য়াই।

 (3) সমুদ্রগী ফীভম:

• সমুদ্রগী ফীভম অসি ফেনোমিনেল ওই অমসুং নোংচুপ-মায়াইথংবা বে ওফ বেঙ্গলগী মখা থংবা অমসুং অৱাং নোংপোক্কা থংনবা শরুকশিংদা মথংগী পুং ১২ মখা চত্থখিবা য়াই। মসিনা মে ২০, ২০২০গী অয়ুক্তগী বে ওফ বেঙ্গলগী অৱাং থংবা শরুকশিং অমসুং অৱাং থংবা বে ওফ বেঙ্গলগী অকোয়বা মফমশিং ফেনোমিনেল ওইগনি।

 (৪) ঙামীশিংদা পীবা চেকশিনৱা

• মে ১৯ দগী মে ২০, ২০২০ মনুংদা বে ওফ বেঙ্গগী নোংচুপ –ময়াই থংবরোমদা মথংগী পুং ২৪গী মতমদা অৱাং থংবা বে ওফ বেঙ্গল অমসুং  বে ওফ বেঙ্গলগা তাইনবা ময়াই থংবা মফমশিংদা ঙামীশিং চংদনবা খঙহনখ্রে।
• অদুগা মে ২০, ২০২০ ফাওবা অৱাং থংবা বে ওফ বেঙ্গলগী অকোয়বদা লৈরিবা ওরিশাগী অৱাং থংবা, নোংচুপ বঙ্গাল অমসুং তাইনবা বংলাদেশকী সমুদ্রা খোঙবানশিংদা চংদনবা ঙামীশিংদা হায়খ্রে।

 (৫) নোংলৈ নুংশিৎ শিৎলগনি হায়না পানবা:

• এস্ত্রোনোমিকেল তাইদকী মথক্তা চাউরাক্না মিতর ৪-৫তা শিৎকদবা নোংলৈ নুশিৎ অসিনা কংফাল য়ৌরকপা মতমদা খা & অৱাং থংবা  পার্গানাস ২৪গী লো লাইয়িং এরিয়াশিং অমসুং নোংচুপ বঙ্গালগী নোংপোকথংবা মেদিনিপুর জিলাশিংগীলো লাইয়িং এরিয়াশিংদা  মীতর ৩-৪ ফাওবগী মথক্তা খঙহৌদনা শিৎলবা য়াই।  (ফিগর এনক্লোজ তৌরি)

 (৬) মাং তাকহল্লবা য়াই হায়না পানবশিংঅমসুং পাংথোক্কদবা থবকশিং

 (অ) নোংচুপ বঙ্গাল (নোংপোকথংবা মেদিনিপুর, খা & অৱাং থংবা পার্গনাস ২৪, হাউরা, হুগ্লি, কোলকতাগী জিলাশিং) 

মাং তাকহল্লবা য়াই হায়না পানবশিং:

• কৎচা য়ুম খুদিংমক চাউনা মাং তাকহনবা, শেমজিন্দ্রবা পক্কায়ুমশিং খরা মাং তাকহনবা। অপাইবা পোৎশকশিংদগী চাউনা খুদোংথীবা নংবা য়াবা।
• পাৱর অমসুং কম্যুনিকেসন পোলশিং য়াম্না চাউনা ফুকপা।
• মফম কয়াদা রেল/লম্বেল পাকশন্না শম্নবা ঙমদবা।
• হৌরিবা মহৈ মরোংশিং, প্লান্তেসনশিং, ওরচার্দশিং পাকশন্না মাংহনবা।
• য়ুবীশিং অমসুং পাল্ম পাম্বীশিং হুমদোকপা।
• মনা পুংবা পাম্বীশিং ফুক্তোকপা।
• অচৌবা হীশিং অমসুং জহাজশিং মশাগী উচুক্তগী পাইথোকখিবা য়াই।

ঙামীশিংগী চেকশিনৱা & পাংথোক্কদবা থবকশিং:

• মে ২০২০ ফাওবা ঙা ফাবগী থবকশিং পুমলেপ লেপ্পা।
• রেল অমসুং লম্বীগী ত্রাফিক হোংদোকপা নত্ত্রগা লেপ্পা।
• শোকহনগদৌরিবা মফমশিংদা লৈবা মীওইশিং য়ুমদগী মপান থোক্তবা। লো লাইয়িং এরিয়শিংদগী ময়ুম হোংদোক্নবা মীয়ামদা হায়বা।
• মোতোর বোতশিং অমসুং অপীকপা জহাজশিং চৎথোক-চৎশিন তৌদবা।

 (আ) ওরিশা (জগৎসিংপুর, কেন্দ্রপারা, বাদ্রক, বালেশ্বর, জাজপুর & ময়ুরভঞ্জ)

মাং তাকহল্লবা য়াই হায়না পানবশিং:

• ইগী য়ুম খুদিংমক মাং তাংহনবা/ কৎচা য়ুম খুদিংমক চাউনা মাং তাকহনবা। অপাইবা পোশকশিংদগী চাউনা খুদোংথীবা নংবা য়াবা।
• পাৱর অমসুং কম্যুনিকেসন পোলশিং কোনবা/ফুকপা।
• কৎচা অমসুং পক্কা লম্বেলশিং চাউনা মাং তাকহনবা। রেলৱেজদা , মথক্তা পুরিবা পাৱর লাইনশিং অমসুং সিগ্নেলিং সিস্তেমশিং য়াম্না পীকনা অকাইবা পীবা।
• হৌরিবা মহৈ মরোংশিং, প্লান্তেসনশিং, ওরচার্দশিং পাকশন্না মাংহনবা, অশংবা য়ুবীশিং কেনবা অমসুং পাল্ম পাম্বীশিংগী মনা শেগায়বা। হৈনৌগুম্বা মনাপুংবা পাম্বীশিং হুমদোকপা।
• অপীকপা হীশিং, মশানা শাজবা হীশিং উচুক্তগী পাইথোকখিবা য়াই।

ঙামীশিংগী চেকশিনৱা & পাংথোক্কদবা থবকশিং:

• মে ২০২০ ফাওবা ঙা ফাবগী থবকশিং পুমলেপ লেপ্পা।
• রেল অমসুং লম্বীগী ত্রাফিক হোংদোকপা নত্ত্রগা লেপ্পা।
• শোকহনগদৌরিবা মফমশিংদা লৈবা মীওইশিং য়ুমদগী মপান থোক্তবা।
• মোতোর বোতশিং অমসুং অপীকপা জহাজশিং চৎথোক-চৎশিন তৌহনদবা।

৭. কঙফামদা য়ৌরকখ্রবা মতুংগী মীৎয়েং:

কঙফালদা য়ৌরক্লবা মতুং সিস্তেম অসি অৱাং-অৱাংনোং পোক্লোমদা, নোংচুপ বঙ্গালগী গঙ্গাগী খোঙবাল &বঙ্গলাদেশলোমদা শিৎলগা তপ্না তপ্না মপাঙ্গল শোন্থরবা য়াই। মসি মে ২১গী অয়ুক ফাওবা নোংলৈ নুংশিৎকী চাং অদুদি অদুমক হন্থরোই অমসুং মসিগী মতুং তারকপদা বঙ্গলাদেশ লোমদা দীপ দিপ্রেসসন অমা ওইনা মপাঙ্গল শোন্থখিগনি।

মসিগী শাফুগী মখাদা নোং পুবা নুংশিৎকী খোঙজেল অসি পুংদা কিলোমীতর ৭০-৮০দগী পুংদা কিলোমীতর ৯০ ফাওবগী চাংদা নোংচুপ বঙ্গালগী গঙ্গা খোঙবানগী মনুংথংবা জিলাশিং (মুরসিদবাদ &নাদিয়)দা ২০গী অহিংদগী ২১ অয়ুক ফাওবগী মনুংদা য়ৌবা য়াই।

নোংচুপ বঙ্গালগী গঙ্গা খোঙবালগী মনুংথংবা জিলাশিংদা মে ২১দানোং খজিক্তংদগী ময়ায় ওইরপ ফাওবগী চাংদা নোং চুরবা য়াই। মে ২০দা মাল্দা & দিনাজপুর জিলাশিংগী অমসুং মে ২১, ২০২০দা নোংচুপ বঙ্গালগী সব-হিমালয় অমসুং সিক্কিমগী অয়াম্বা জিলাশিংদা নোং খজিক্তংদগী ময়ায় ওইরপ ফাওবগী চাংদা নোং চুরবা য়াই লোয়ননা মফম খরদা অকনবদগী য়াম্না কনবা নোং চুরবা য়াই।  মে ২১দা নোং খজিক্তংদগী ময়ায় ওইরপ ফাওবগী চাংদা  অয়াম্বা মফমশিংদা নোং চুরবা য়াই লোয়ননা অকনবদগী কা হেন্না কনবা নোং নোংচুপথংবা অসাম &মেঘালয়গী জিলাশিংগী মফম খরদা চুরবা য়াই।

নোংচুপ বঙ্গালগী গঙ্গা খোঙবালগী মনুংথংবা জিলাশিংদা মাং তাকহল্লবা য়াই হায়না পানবা অমসুং পাংথোক্কদবা থবকশিং।

•  (i) পাৱর অমসুং কম্যুনিকেসন পোলশিংদা অমাং-অতা খরা থোকপা  (ii) কৎচা লম্বেলশিং চাউনা মাং তাকহনবা অমসুং পক্কা লম্বেলশিং খরা মাং তাকহনবা (iii) ঊশাশিং তেকপা, অপিকপা ঊ-পাম্বীশিং মরু ফুকপা  (iv) লফোই অমসুং অৱাথবী পাম্বীশিং মাং তাকহনবা  (v) শোকহনগদৌরিবা মফমশিংদা লৈবা মীওইশিং য়ুমদগী মপান থোক্তবা।

 

সিস্তেম অসিগী অপদেতকীদমক চানবীদুনা www.rsmcnewdelhi.imd.gov.in অমসুং www.mausam.imd.gov.inদা য়েংবীয়ু।

 (মসিগী লিঙ্ক অসিদা অকুপ্পা ৱারোল অমসুং অপদেৎ তৌরবা গ্রাফিকশিং য়েংবীয়ু)

****

(Release ID: 1625280) Visitor Counter : 43