ಸಿಆರ್‌ಪಿಎಫ್‌ನ ನೇರ ನೇಮಕಗೊಂಡ ಗೆಜೆಟೆಡ್ ಅಧಿಕಾರಿಗಳ 51 ನೇ ಬ್ಯಾಚ್‌ನ ಇ-ಪಿಒಪಿ (e-POP) ಸಮಾರಂಭ

ದೇಶದ ಆಂತರಿಕ ಭದ್ರತೆ ಮತ್ತು ರಾಷ್ಟ್ರ ನಿರ್ಮಾಣಕ್ಕೆ ನೀವು ಅತ್ಯುನ್ನತ ಕೊಡುಗೆ ನೀಡುತ್ತೀರಿ ಎಂದು ನನಗೆ ವಿಶ್ವಾಸವಿದೆ:

ಶ್ರೀ ಅಮಿತ್ ಶಾ

ಸಿಆರ್‌ಪಿಎಫ್ ದೇಶದ ಆಂತರಿಕ ಭದ್ರತೆಯ ಬೆನ್ನೆಲುಬು: ಗೃಹ ಸಚಿವರು

ದೇಶದಲ್ಲಿ ಕೋವಿಡ್-19 ಸಾಂಕ್ರಾಮಿಕ ರೋಗದ ವಿರುದ್ಧದ ನಮ್ಮ ಹೋರಾಟದಲ್ಲಿ ಸಿಆರ್‌ಪಿಎಫ್ ತನ್ನ ಅತ್ಯುತ್ತಮ ಸೇವೆಗಳನ್ನು ನೀಡುತ್ತಿದೆ: ರಾಜ್ಯ ಸಚಿವರಾದ ಶ್ರೀ ಜಿ. ಕಿಶನ್ ರೆಡ್ಡಿ

ಕೇಂದ್ರ ಮೀಸಲು ಪೊಲೀಸ್ ಪಡೆಯ (ಸಿಆರ್‌ಪಿಎಫ್) ನೇರ ನೇಮಕಗೊಂಡ ಗೆಜೆಟೆಡ್ ಅಧಿಕಾರಿಗಳ (ಡಿಎಜಿಒ) 51 ನೇ ಬ್ಯಾಚ್‌ನ ಇ-ಪಿಒಪಿ (ಪಾಸಿಂಗ್ ಔಟ್ ಪೆರೇಡ್) ಸಮಾರಂಭ ಇಂದು ನವದೆಹಲಿಯಲ್ಲಿ ನಡೆಯಿತು. 42 ತರಬೇತಿ ಅಧಿಕಾರಿಗಳ ಮೂಲಭೂತ ತರಬೇತಿಯನ್ನು ಪೂರ್ಣಗೊಳಿಸಿದ ನಂತರ ಆನ್‌ಲೈನ್ ಕಾನ್ಫರೆನ್ಸಿಂಗ್ ಮೂಲಕ ಆದರೆ ಕೋವಿಡ್-19 ರ ವಿರುದ್ಧ ಹೋರಾಡಲು ಸೂಚಿಸಲಾದ ಸಾಮಾಜಿಕ ಅಂತರದ ಮಾನದಂಡಗಳನ್ನು ಕಟ್ಟುನಿಟ್ಟಾಗಿ ಪಾಲಿಸಿ ಆನ್‌ಲೈನ್ ಕಾರ್ಯಕ್ರಮವನ್ನು ನಡೆಸಲಾಯಿತು, ಸಿಆರ್‌ಪಿಎಫ್ ಮಹಾನಿರ್ದೇಶಕ ಶ್ರೀ ಎ.ಪಿ.ಮಹೇಶ್ವರಿ ಅವರು ವಿಡಿಯೋ ಕಾನ್ಫರೆನ್ಸ್ ನಲ್ಲಿ ಕೇಂದ್ರ ಗೃಹ ಸಚಿವ ಶ್ರೀ ಅಮಿತ್ ಶಾ ಅವರ ಸಂದೇಶವನ್ನು ಓದಿದರು.

ತಮ್ಮ ಸಂದೇಶದಲ್ಲಿ, ಗೃಹ ಸಚಿವರು ತರಬೇತಿ ಅಧಿಕಾರಿಗಳಿಗೆ "ನಿಮ್ಮ ತರಬೇತಿಯ ನಂತರ ಕಾರ್ಯಾಚರಣೆಯ ಕಾರ್ಯಗಳನ್ನು ಪೂರೈಸುವಲ್ಲಿ ಮತ್ತು ನಿಮ್ಮ ಕರ್ತವ್ಯಗಳನ್ನು ನಿರ್ವಹಿಸುವಲ್ಲಿನ ಹಲವಾರು ಸವಾಲುಗಳನ್ನು ಸಮರ್ಥವಾಗಿ ಎದುರಿಸಲು ನೀವು ಒಂದು ನಿರ್ದಿಷ್ಟ ಮಟ್ಟದ ಪರಿಪಕ್ವತೆಯನ್ನು ಸಾಧಿಸಿದ್ದೀರಿ ಎಂದು ನಾನು ನಂಬುತ್ತೇನೆ" ಎಂದು ಹೇಳಿದರು.

ದೇಶದ ಭದ್ರತೆಗೆ ಸಿಆರ್‌ಪಿಎಫ್ ನೀಡಿದ ಅಪಾರ ಕೊಡುಗೆಯನ್ನು ಶ್ಲಾಘಿಸಿದ ಶ್ರೀ ಷಾ, ಸಿಆರ್‌ಪಿಎಫ್ ಪಡೆಗಳು ದೇಶದ ಆಂತರಿಕ ಭದ್ರತೆಯ ಬೆನ್ನೆಲುಬು ಎಂದು ಬಣ್ಣಿಸಿದರು. ಸಿಆರ್ಪಿಎಫ್ ನ 2200 ಕ್ಕೂ ಹೆಚ್ಚು ಧೈರ್ಯಶಾಲಿ ಹುತಾತ್ಮರಿಗೆ ಅವರು ಗೌರವ ಸಲ್ಲಿಸಿದರು, ಅವರು ಸರ್ವೋಚ್ಚ ತ್ಯಾಗ ಮಾಡಿದ್ದಾರೆ, ದೇಶವನ್ನು ರಕ್ಷಿಸುತ್ತಿದ್ದಾರೆ. ಗೃಹ ಸಚಿವರು ತರಬೇತಿ ಅಧಿಕಾರಿಗಳಿಗೆ, “ಇಂದು ಹೊಸದಾಗಿ ನೇಮಕಗೊಂಡ ಅಧಿಕಾರಿಗಳು ಸಿಆರ್‌ಪಿಎಫ್‌ಗೆ ಹೊಸ ಶಕ್ತಿಯನ್ನು ತುಂಬುತ್ತಾರೆ ಎಂಬ ವಿಶ್ವಾಸವಿದೆ. ನಿಮ್ಮ ಕೈಕೆಳಗಿನ ಸೈನಿಕರನ್ನು ಮುನ್ನಡೆಸುವ ಮೂಲಕ ನೀವು ಪರಿಣಾಮಕಾರಿ ನಾಯಕತ್ವವನ್ನು ನೀಡುತ್ತೀರಿ ಎಂದು ನಾನು ನಿರೀಕ್ಷಿಸುತ್ತೇನೆ ” ಎಂದು ಹೇಳಿದರು.

ತರಬೇತಿ ಅಧಿಕಾರಿಗಳಿಗೆ ರಾಷ್ಟ್ರದ ಸೇವೆಯನ್ನು ತಮ್ಮ ಪ್ರಧಾನ ಕರ್ತವ್ಯವೆಂದು ಪರಿಗಣಿಸಲು ಪ್ರೇರೇಪಿಸಿದ ಶ್ರೀ ಶಾ, “ನೀವು ನಿಮ್ಮ ಕರ್ತವ್ಯಗಳನ್ನು ಪೂರ್ಣ ಪ್ರಾಮಾಣಿಕತೆ ಮತ್ತು ಭಕ್ತಿಯಿಂದ ನಿರ್ವಹಿಸುವಿರಿ ಮತ್ತು ನಿಮ್ಮ ಬಗ್ಗೆ ನಿಷ್ಕಳಂಕ ಚಿತ್ರಣವನ್ನು ಸ್ಥಾಪಿಸುವಲ್ಲಿ ಯಶಸ್ವಿಯಾಗುತ್ತೀರಿ ಎಂದು ನನಗೆ ವಿಶ್ವಾಸವಿದೆ. ಈ ಪಡೆಯ ಖ್ಯಾತಿ ಮತ್ತು ವೈಭವಕ್ಕೆ ಅನುಗುಣವಾಗಿ ದೇಶದ ಸಮಗ್ರತೆ, ಏಕತೆ ಮತ್ತು ಸಾರ್ವಭೌಮತ್ವವನ್ನು ಕಾಪಾಡಿಕೊಳ್ಳಲು ನಿಮ್ಮನ್ನು ಮೀಸಲಿಡುವ ಮೂಲಕ ನೀವು ಪಡೆಯ ಅದ್ಭುತ ಸಂಪ್ರದಾಯಗಳನ್ನು ಶ್ರೀಮಂತಗೊಳಿಸುತ್ತೀರಿ .”

ಅಂತಿಮವಾಗಿ, ತರಬೇತಿ ಅಧಿಕಾರಿಗಳು, ಅವರ ಕುಟುಂಬಗಳು ಮತ್ತು ಇಡೀ ಪಡೆಗೆ ಅಭಿನಂದನೆ ಸಲ್ಲಿಸಿದ ಗೃಹ ಸಚಿವರು, "ದೇಶದ ಆಂತರಿಕ ಭದ್ರತೆ ಮತ್ತು ರಾಷ್ಟ್ರ ನಿರ್ಮಾಣಕ್ಕೆ ನಿಮ್ಮ ಅತ್ಯುನ್ನತ ಕೊಡುಗೆಯನ್ನು ನೀಡುತ್ತೀರಿ ಎಂದು ನನಗೆ ವಿಶ್ವಾಸವಿದೆ" ಎಂದು ಹೇಳಿದರು.

ವಿಡಿಯೋ ಕಾನ್ಫರೆನ್ಸಿಂಗ್ ಮೂಲಕ ಕಾರ್ಯಕ್ರಮವನ್ನುದ್ದೇಶಿಸಿ ಮಾತನಾಡುವಾಗ, ರಾಜ್ಯ ಸಚಿವರಾದ (ಗೃಹ ವ್ಯವಹಾರ) ಶ್ರೀ ಜಿ. ಕಿಶನ್ ರೆಡ್ಡಿ ಅವರು ಡಿ ಎ ಜಿ ಒ ಗಳ ತರಬೇತಿಯನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿದ್ದಕ್ಕಾಗಿ ಅಭಿನಂದಿಸಿದರು ಮತ್ತು ರಾಷ್ಟ್ರದ ಏಕತೆ ಸಮಗ್ರತೆ ಮತ್ತು ಭದ್ರತೆಗಾಗಿ ತಮ್ಮ ಪ್ರಾಣವನ್ನು ತ್ಯಾಗ ಮಾಡಿದ 2200 ಸಿಆರ್ ಪಿಎಫ್ ಸಿಬ್ಬಂದಿಗೆ ನಾವು ರಾಷ್ಟ್ರವಾಗಿ ಗೌರವ ಸಲ್ಲಿಸುತ್ತೇವೆ ಎಂದು ಹೇಳಿದರು.

ಈ ತರಬೇತಿಯು ಅಧಿಕಾರಿಗಳ ಮನೋಸ್ಥೈರ್ಯವನ್ನು ಹೆಚ್ಚಿಸುತ್ತದೆ ಮತ್ತು ಅವರು ಪಡೆಕ್ಕೆ ಪರಿಪೂರ್ಣ ಆಜ್ಞೆಯನ್ನು ನೀಡಲು ಸಾಧ್ಯವಾಗುತ್ತದೆ ಎಂದು ರಾಜ್ಯ ಸಚಿವರು ಹೇಳಿದರು. ಸಿಆರ್ ಪಿಎಫ್ ತನ್ನ ಸೇವೆಗಳನ್ನು ರಾಷ್ಟ್ರಕ್ಕೆ ಒದಗಿಸುವ ಮೂಲಕ ಕೋವಿಡ್ -19 ಸಾಂಕ್ರಾಮಿಕ ರೋಗದ ವಿರುದ್ಧದ ನಮ್ಮ ಹೋರಾಟದಲ್ಲಿ ತನ್ನ ಅತ್ಯುತ್ತಮ ಕೊಡುಗೆ ನೀಡುತ್ತಿದೆ.

ಸಿಆರ್‌ಪಿಎಫ್ ಸಿಬ್ಬಂದಿಯನ್ನು ಎಲ್ಲೆಲ್ಲಿ ನಿಯೋಜಿಸಲ್ಪಟ್ಟಿದ್ದರೂ ಜನರ ನಂಬಿಕೆ ಮತ್ತು ವಿಶ್ವಾಸವನ್ನು ಯಾವಾಗಲೂ ಗಳಿಸಿದ್ದಾರೆ ಎಂದು ಶ್ರೀ ರೆಡ್ಡಿ ಹೇಳಿದರು. ದೇಶವನ್ನು ಏಕೀಕರಿಸಿದ ದಿನಗಳಿಂದ ನಕ್ಸಲೈಟ್ ದಂಗೆ, ಈಶಾನ್ಯದಲ್ಲಿ ಪ್ರತ್ಯೇಕತಾವಾದ ಮತ್ತು ಪಂಜಾಬ್ ಮತ್ತು ಜಮ್ಮು ಕಾಶ್ಮೀರಗಳಲ್ಲಿ ಭಯೋತ್ಪಾದನೆ ಯಶಸ್ವಿಯಾಗಿ ನಿಭಾಯಿಸಲು ಪಡೆಯು ಮಹತ್ವದ ಪಾತ್ರ ವಹಿಸಿದೆ ಎಂದು ಅವರು ಹೇಳಿದರು.

ಈ ಅಧಿಕಾರಿಗಳಿಗೆ ತರಬೇತಿ ನೀಡಲು ಹೊಸ ತಂತ್ರಜ್ಞಾನಗಳು ಮತ್ತು ಆಧುನಿಕ ತಂತ್ರಗಳನ್ನು ಬಳಸಿದ್ದಕ್ಕಾಗಿ ಸಿಆರ್ ಪಿಎಫ್ ಅನ್ನು ರಾಜ್ಯ ಸಚಿವರು ಶ್ಲಾಘಿಸಿದರು, ಇದು ಅವರನ್ನು ಸಂಪೂರ್ಣ ವೃತ್ತಿಪರರನ್ನಾಗಿ ಮಾಡುತ್ತದೆ ಮತ್ತು ಸೇವೆಯಲ್ಲಿ ಯಾವುದೇ ಸವಾಲನ್ನು ಎದುರಿಸುವ ಸಾಮರ್ಥ್ಯವನ್ನು ಹೊಂದುವಂತೆ ಮಾಡುತ್ತದೆ ಎಂದು ಹೇಳಿದರು.

ಒಂದು ವರ್ಷದ ಕಠಿಣ ತರಬೇತಿಗೆ ಒಳಪಟ್ಟ ನಂತರ 5 ಸ್ನಾತಕೋತ್ತರ ಪದವೀಧರರು ಮತ್ತು 21 ಎಂಜಿನಿಯರಿಂಗ್ ಪದವೀಧರರು, 2 ವೈದ್ಯರು ಮತ್ತು 2 ಕಾನೂನು ಪದವೀಧರರು ಸೇರಿದಂತೆ 42 ತರಬೇತಿ ಅಧಿಕಾರಿಗಳು ಇಂದು ಅಕಾಡೆಮಿಯಿಂದ ತೇರ್ಗಡೆ ಹೊಂದಿ ಹೊರಬಂದಿರುವರು. ಈ ಸಂದರ್ಭದಲ್ಲಿ ತರಬೇತಿ ಅಧಿಕಾರಿಗಳಿಗೆ ಪ್ರಶಸ್ತಿ ಮತ್ತು ಟ್ರೋಫಿಗಳನ್ನು ಸಹ ನೀಡಲಾಯಿತು.

***