ভারত সরকারগী দিপার্তমেন্ত ওফ সাইন্স এন্দ তেক্নোলোজীগী মখাদা লৈবা ওতোনোমস ইন্সতিত্যুৎ অমা ওইরিবা মোহালীদা লৈবা ইন্সতিত্যুৎ ওফ নেনো সাইন্স এন্দ তেক্নোলোজী (আই.এন.এস.তি.)গী সাইন্তিস্তশিংনা হন্দক্তা ঙাগী গিলশিংদগী য়াম্না ফবা, মমল হোংবা ইলেক্ত্রো-কেতলিস্ত অমা পুথোকখ্রে, মসিনা এনভাইরমেন্তেল্লী ফ্রেন্দলী ওইবা ইনর্জী কনভর্জন দিভাইসশিং পুথোকপদা মতেং পাংলগনি।

মসিগী বাইও-ইন্সপায়র কার্বোন নেনোস্ত্রকচর অসিনা রিন্যুৱেবল ইনর্জী কনভর্জন অমসুং ফুয়েল সেল, বাইওফুয়েল সেল অমসুং মেতাল-এয়র বেতরীগুম্বা স্তোরেজ তেক্নোলোজীশিং পুথোক্নবা হোৎনবদা অপনবা অমা ওইরিবা অসি লান্থোকপদা মতেং পাংলগনি।

স্ত্রেতেজী অসিনা মমল হোংবা, য়াম্না ফবা বাইও-ইন্সপায়র ইলেক্ত্রোকেতলিস্ত পুথোক্নবগী পাম্বৈশিংদা খুমাং চাউশিলহল্লগনি, মসিনা কার্বোনদা কমর্সিয়েল প্লেতিনম (পি.তি./সি.) কেতলিস্ততগী হেন্না ফৈ অমসুং ইনর্জী কনভর্জন অমসুং স্তোরেজ এপ্লিকেশনশিংগীদমক্তা নেক্স-জেনরেসন ননপ্রিসিয়স কার্বোন-বেস ইলেক্ত্রোকেতলিস্ত ওইনা শিজিন্নবা য়াগনি। মসিদগী ফংলকপা ফলশিং অদু হন্দক্তা অমেরিকান  সোসাইতী, ২০২০, (দি.ও.আই: 10.1021/acs.inorgchem.0c00446). https://pubs.acs.org/doi/abs/10.1021/acs.inorgchem.0c00446না ফোংবা ইনওর্গানিক কেমিস্ত্রীগী জর্নেলদা ফোংখ্রে।

দা. রামেন্দ্র সুন্দর দে অমসুং আই.এন.এস.তি.গী ওইবা মহাক্কী তীমনা আইরন (এফ.ই.), অমসুং শাগী অরেম্বা ওইনা ফংবা ঙাগী গিলশিং (এফ.জি.)দগী ফংবা মেঙ্গানিস (এম.এন.) অমসুং এন-দোপ্ত পোরস কার্বোন (এফ.ই., এম.এন., এন-এফ.জি.সি.) হায়রিবা বাইনরী ত্রানজিশন মেতালশিংদা বেজ তৌবা য়াম্না এক্তিব ওইবা ওক্সিজেন রিদক্সন রিয়েক্সন (ও.আর.আর.) ইলেক্ত্রোকেতলিস্ত অমা থিজিনখি। হায়রিবা অসিগী তোপ তোপ্পা পোরস স্ত্রকচর লৈ অমসুং মৈশা পীশিল্লবা মতুংদা কনেক্তিব কার্বোন নেৎৱর্কশিং পুথোকপা ঙম্মি অমসুং মসি য়াম্না ফবা ইলেক্ত্রোদ মেতরিয়েল অমা ওইবা য়াই। কেতলিস্ত অসিনা পি.ঐচ. (পি.ঐচ.<১, ৭, অমসুং>১৩)গী চাউরবা রেঞ্জদা এক্তিব ওক্সিজেন রিদক্সন রিয়েক্সন ঊৎপা ঙম্মি অমসুং কমর্সিয়েল পি.তি./সি. কেতলিস্ততগী হেন্না ফজনা মথৌ পাংথোকখি।

মখোয়না কেতলিস্ত অসিবু এয়র কেথোদ অমা ওইনা শিজিন্নরগা য়ুমদা শাবা রিচার্জেবল জিঙ্ক-এয়র বেতরী (জেদ.এ.বি.) অমা শাগৎখি, মসিনা শাংলবা মতমগী রিগোরস সাইক্লিংগী মতুংদা স্তেবল ওইবগুম্বা চার্জ-দিসচার্জ ভোল্তেজ প্লেতুশিং উৎখি। মসিনা কমর্সিয়েল পি.তি./সি.দা বেজ তৌবা জেদ.এ.বি.গী পর্ফোর্মেন্সতগী হেনখি। সাইনতিস্তশিংনা কেতলিস্ত অসিনা খ্বাইদগী হেনবা পর্ফোর্মেন্স পীবা ঙম্বগী মরম অদু আইরন-মেঙ্গানীসতা বেজ তৌবা বাইনরী মোইতী লৈবগী মরম্ননি হায়বা খঙবা ঙমখি, মসিনা ওক্সিজেন-ওক্সিজেন বোন্দশিং শোন্থহন্দুনা ওক্সিজেন (O₂) বাইন্দিং অমসুং অল্কলাইন মেদিয়মদা ওক্সিজেন রিদক্সন রিয়েক্সন (ও.আর.আর.) কেতলাইতিক পর্ফোর্মেন্স হেনগৎহনবদা কান্নহল্লি।

রিসর্চরশিংনা পুথোরকপা ৱাফমগী মতুং ইন্না ত্রানজিশন মেতালশিং অমসুং সিন্থেসিস প্রোতোকোল ইঞ্জিনীয়রিং তৌবগা লোইননা হেতেরো এতোমশিং চেকশিন্না খনবনা য়াম্না ফবা অমসুং এনভাইরমেন্তেল্লী ফ্রেন্দলী ওইবা ইনর্জী কনভর্জন দিভাইসশিংগীদমক্তা য়াম্না এক্তিব ওইবা মমল হোংবা ইলেক্ত্রোকেতলিস্ত থিনবগীদমক্তা ওইনা অনৌবা পাম্বৈ অমা ওইরগনি।

[রিফরেন্স: অন রেভেল্লিং দ রোল ওফ এফ.ই.-এম.এন. বাইনরী এক্তিব সাইৎস ইলেক্ত্রোকেতলিস্ত ফোর ইফিসিয়েন্ত ওক্সিজেন রিদক্সন রিয়েক্সন এন্দ রিচার্জেবল জেদ.এন.-এয়র বেতরীস

সুভজিৎ সরকার, অশ্মিতা বিস্বাস, তানিয়া পুর্কৈত, মনিশা দাস, নৱপ্রীত কম্বোজ অমসুং রামেন্দ্র সুন্দর দে, এ.সি.এস., ২০২০, (দি.ও.আই.: 10.1021/acs.inorgchem.0c00446)]