కోవిడ్-19 ని సమర్థవంతంగా ఎదుర్కోడానికి చేపట్టే నిర్వహణ చర్యల్లో ప్రభుత్వ, ప్రైవేట్ రంగాల ఉమ్మడి వ్యూహంపై కేంద్ర ఆరోగ్య శాఖ ఎంట్రీ డాక్టర్ హర్షవర్ధన్ కీలక సమావేశం నిర్వహించారు. దేనిలో ఢిల్లీ-ఎన్సిఆర్ పరిథిలో ఉన్న ప్రైవేట్ ఆస్పత్రుల యాజమాన్యాలు, నిర్వాహకులు పాల్గొన్నారు. నీతి ఆయోగ్ (ఆరోగ్యం) సభ్యుడు డాక్టర్ వి.కె.పాల్, శాఖ కార్యదర్శి శ్రీమతి ప్రీతి సుడన్ కూడా పాల్గొన్నారు. 

నిర్వహణ పరంగా దేశ వ్యాప్తంగా తీసుకుంటున్న చర్యలపై ఈ సందర్బంగా ఒక ప్రెజెంటేషన్ ఇచ్చారు. కలిసికట్టుగా జరిగిన ఉమ్మడి ప్రయత్నాల వల్ల ఇప్పటి వరకు మంచి ఫలితాలు సాధిస్తున్నామని, ఇంకా గట్టి చర్యలు చేపట్టాల్సిన అవసరం ఉందని డాక్టర్ హర్షవర్ధన్ చెప్పారు. 

ఆస్పత్రుల్లో పడకల సామర్థ్యం అందుకు తగ్గ సంసిద్ధత, ఐసోలేషన్ వార్డులు, శాంపిల్ కలెక్షన్, వైద్య పరీక్ష ఇందుకు అనుసరిస్తున్న విధివిధానాలు మొదలైన చర్యలన్నిటిని క్షుణ్ణంగా కేంద్ర మంత్రి అడిగి తెలుసుకున్నారు. ఇప్పటికే 35 ల్యాబ్ లను గుర్తించామని, వాటి సంఖ్యను మరో 100వరకు పెంచుతున్నామని ఆరోగ్య శాఖా కార్యదర్శి వివరించారు. ఉమ్మడి విధానాలు, వ్యూహాలు అమలు చేయాలని డాక్టర్ హర్షవర్ధన్ పిలుపునిచ్చారు. వాస్తవమైన, ఖచితమైన, అధికారికమైన సమాచారం ప్రజలకు చేరాలని, ఇందుకు సామజిక మాధ్యమాలను సమర్థవంతంగా వినియోగించాలని డాక్టర్ హర్షవర్ధన్ సూచించారు. 

వ్యాధి నిరోధక చర్యల నిర్వహణలో ప్రభుత్వం తీసుకుంటున్న చర్యలను, సకాలంలో స్పందించిన తీరును ప్రైవేట్ ఆస్పత్రులు ప్రశంసించాయి. ప్రభుత్వంతో కలిసి ఈ మహమ్మారి ని పారద్రోలడానికి పనిచేస్తామని ఆస్పత్రులు హామీ ఇచ్చాయి. 

ఈ సమావేశంలో ఆరోగ్య మంత్రిత్వ శాఖా అధికారులతో పాటు ప్రైవేట్ ఆస్పత్రులు మెడేంట, అపోలో, మాక్స్, ఫోర్టిస్, సిగ్నస్, ఆర్టెమిస్, ఆసియన్ (ఫరీదాబాద్), మెట్రో, పరస్, సర్వోదయ, విపిఎస్, నయతి యాజమాన్యాలు పాల్గొన్నారు. ఫిక్కీ, ఐఎంఏ ప్రతినిధులు పాల్గొన్నారు. 

****

(रिलीज़ आईडी: 1607057) आगंतुक पटल : 163