نئی  دہلی  13 مارچ 2020 ۔حکومت ہند نے انسانی اعضا کی پیوند کاری کے ایکٹ 1994  کو نافذ کیا ہے،جس میں  پارلیمنٹ کے ذریعہ انسانی اعضا  کی پیوند کاری ( ترمیمی ) ایکٹ 2011  پاس کئے جانے کے بعد 2011  میں ترمیم کی گئی ہے۔ یہ ایکٹ انسانی اعضا اور خلیوں کو معالجاتی مقصد  اور انسانی اعضا اور خلیوں کی کاروباری تجارت سے متعلق قواعدوضوابط کو طے کرنے ، اعضا کو نکالنے ، انہیں اسٹور کرنے نیز منتقل کرنے کی روک تھام نیز اتفاقی طور پر رونما ہونے والے دیگر معاملات کو منظم کرنے سے متعلق ہے ۔

          مزیدبرآں  وزارت برائے صحت وخاندانی فلاح وبہبود  ، حکومت ہند نے انسانی اعضا اور خلیوں کی پیوند کاری سے متعلق ضوابط ، 2014  مشتہر کئے ہیں۔مذکورہ بالا ایکٹ او رضوابط  اعضا کے عطیہ  کے سلسلے میں  پالیسی فراہم کرتے ہیں۔

          صحت چونکہ ایک ریاستی معاملہ ہے ، ریاستوں کو ان کے نفاذ سے قبل انہیں  اختیار کرنا ہوگا۔ اصل ایکٹ یعنی انسانی اعضا کی پیوند کاری سے متعلق ایکٹ 1994  تمام ریاستوں اور مرکز کے زیر انتظام خطوں ( یوٹی ) میں  قابل اطلاق  ہے ۔ سوائے آندھرا پردیش  اور تلنگانہ ریاست کے ، جن کے یہاں  اس معاملے پر اپنا ایکٹ ہے ۔

          حکومت ہند کے نوٹی فکیشن کے بعد  انسانی اعضا کی پیوند کاری  (ترمیمی ) ایکٹ  ، 2011  گوا ، ہماچل پردیش ،مغربی بنگال اور مرکز کے زیر انتظام تمام خطوں  میں  10جنوری 2014  کو  نافذ ہوا ہے ۔بعد ازاں جن ریاستوں نے آج کی تاریخ تک اس   ترمیمی ایکٹ کو اپنایا ہے ، وہ راجستھان ،سکم ، جھارکھنڈ ، کیرالہ ،اوڈیشہ ، پنجاب ، مہاراشٹر ، آسام ، منی پور ، بہار ،چھتیس گڑھ،  گجرات اور اترپردیش  ہیں۔دیگر ریاستوں نے ترمیمی ایکٹ کو  اب تک نہیں اپنایا ہے ۔

          یکم جنوری 2018سے  زیر التوا  انسانی اعضا کے معاملات  کی تعداد  کی ریاستی / مرکز کے زیر انتظام خطے کے اعتبار سے تفصیلات درج ذیل ہیں۔ زیر التوا کی وجہ اعضا کی مانگ اور سپلائی کے درمیان خلا کا ہونا ہے ۔

 

 

          صحت اورخاندانی فلاح وبہبود کے وزیر مملکت جناب اشونی  کمار چوبے نے آج یہاں لوک سبھا میں ایک تحریری جواب میں یہ اطلاع دی ہے۔

۰۰۰۰۰۰۰۰۰۰۰۰۰۰۰۰۰۰۰۰۰

 

U-1201

(Release ID: 1606236) Visitor Counter : 71