نئی دہلی، 03 مارچ /امورِ داخلہ کے مرکزی وزیر  مملکت   جناب  جی کشن ریڈی نے   آج  لوک سبھا میں قومی تفتیشی ایجنسی  ( این آئی اے ) کی  کارکردگی سے  متعلق  دریافت کئے گئے ایک سوال کے تحریری جواب میں  بتایا کہ  این آئی اے کی تخلیق  این آئی اے ایکٹ  ، 2018 کے تحت  ہوئی تھی ، جسے   قومی اور بین الاقوامی  اثرات کے حامل  دہشت گردی سے متعلق  معاملات  اور  ملک کی خود مختاری  ، سلامتی  اور اتحاد  پر اثر انداز  ہونے والے جرائم کی  جانچ پڑتال  کرنے  اور  اُن پر مقدمہ چلانے  کا  اختیار ہے ۔

          اپنے قیام  کے  وقت سے لے کر  اب تک  مرکزی حکومت نے این آئی اے کو  319 معاملات  جانچ پڑتال کے لئے  سونپے  ۔ درج کئے گئے کُل معاملات میں سے 237 معاملات میں  فرد جرم داخل کی جا چکی ہے ۔  62 معاملات میں  فیصلے بھی سنائے جا چکے ہیں ، جن میں سے 56 معاملات میں  سزا ہوئی ہے ۔ ان معاملات میں مجموعی  طور پر  276 افراد کو ماخوذ کیا گیا ہے ۔  جناب ریڈی نے بتایا کہ ماخوذ  کئے جانے کی شرح  90.32 فی صد ہے ۔ 

 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(م ن ۔ م م  ۔ ع ا  )      ( 03– 03 – 2020 )

U. No.1011

(Release ID: 1605004) Visitor Counter : 99