ا قتصادی امور کی کابینہ کمیٹی
یوٹی جموں وکشمیر اور لداخ میں باغبانی کے لئے وزیراعظم کے ترقیاتی پیکج پر نظر ثانی اور تین سال کی توسیع
Posted On:
11 DEC 2019 6:08PM by PIB Delhi
نئی دہلی،11؍دسمبر، وزیراعظم جناب نریندر مودی کی صدارت میں اقتصادی امور سے متعلق کابینہ کمیٹی نے باغبانی کی مربوط ترقی کے مشن ایم آئی ٹی ایچ کے تحت مرکز کے زیرا نتظام علاقے جموں وکشمیر اور لداخ میں باغبانی کی ترقی کے لئے وزیراعظم کے ترقیاتی پیکج ( پی ایم ڈی پی) کے منظور شدہ عناصر پر نظر ثانی ؍ دوبارہ معقول بنانے کے لئے اس میں 31 مارچ 2022 تک کی مدت کی توسیع کو اپنی منظوری دے دی ہے۔
سی سی ای اے نے درج ذیل کو منظوری دی ہے:
- پی ایم ڈی پی کے عمل در آمد کے لئے معینہ وقت میں 2016 کے بعد 31 مارچ 2019 تک کے لئے توسیع کردی گئی تھی یعنی یہ توسیع اگر ضرورت محسوس کی گئی تو وزیر زراعت اور کسانوں کی فلاح وبہبود کی منظوری سے اس میں زیادہ سے زیادہ 12 ماہ تک کی مزید توسیع کے التزام کے ساتھ 31 مارچ 2022 تک کردی گئی ہے۔
- پی ایم ڈی پی کے قبل کے منظور شدہ عناصر پر نظر ثانی ؍ اس کے دوبارہ معقول بنانے کے لئے اگر ضرورت محسوس کی گئی تو زراعت اور کسانوں کی فلاح وبہبود کی منظوری کے ساتھ 500 کروڑ روپے کے مجموعی مالی حد کے ساتھ نظر ثانی کے لئے جموں وکشمیر اور لداخ کے درمیان 500 کروڑ روپے کے خرچ کی منظوری دی ہے۔
- لداخ سمیت غیر منقسم ریاست جموں وکشمیر میں باقی ماندہ 59.07 کروڑ روپے کے غیر خرچ شدہ رقم کو دوبارہ استعمال میں لایا جائے گا۔
پی ایم ڈی پی کے تحت منصوبہ عمل کو مرکز کے زیر انتظام علاقے لداخ کے لئے 39.67 کروڑ روپے اور مرکز کے زیر انتطام جموں وکشمیر کے لئے 460.33 کروڑ روپے کے ساتھ ملاکر 500 کروڑ روپے خرچ میں تبدیلی کی گئی ہے۔
مرکز کے زیر انتظام علاقہ جموں وکشمیر اور لداخ خطے میں پی ایم ڈی پی کا عمل در آمد سے تقریبا 44 لاکھ یومیہ روزگار کے مواقع پیدا ہونے کی امید ہے اور اس کے نتیجے میں متعلقہ شعبے جیسے گریڈنگ ؍ پیکنگ اکائیوں ، کولڈ ایٹ موسفیئر ( سی اے) ؍ کولڈ اسٹوریج اکائیوں اور ٹرانسپورٹیشن کے سیکٹر وغیرہ میں روزگار کے مواقع پیدا ہوں گے۔ چونکہ زیادہ شجر کاری میں ٹیکنالوجی اور باغوں کے پابندی سے رکھ رکھاؤ کی ضرورت ہوتی ہے اس لئے اس کے نتیجے میں پیداواریت میں اضافے کے نتیجے میں کسانوں کی آمدنی میں اضافے کی وجہ سے باغبانی کے شعبے میں مجموعی اجرتوں میں اضافہ ہوگا۔
۔۔۔۔۔۔۔۔۔۔۔۔۔۔۔
۰۰۰۰۰۰۰۰
(م ن-ش س- ق ر)
U-5759
(Release ID: 1596029)
Visitor Counter : 75