نئی دہلی،19؍ نومبر، مرکز نے آج مطلع کیا ہے کہ جموں وکشمیر میں پانچ اگست 2019 کو  دفعہ – 307 منسوخ کئے جانے کے بعد سے پتھراؤ کرنے اور امن وقانون سے متعلق  190 معاملات درج کئے گئے ہیں جس  میں 765  افراد کو گرفتار کیا گیا ہے۔ یکم جنوری 2019 سے  چار اگست 2019  تک  اس طرح کے 361 معاملے درج کئے گئے تھے۔

حکومت نے پتھراؤ کرنے  کی لعنت  کو روکنے  کے لئے  کثیر رخی پالیسیاں اپنائی  ہیں اور  اس کی روک تھام میں اس حد تک کامیاب ہوئی ہے کہ  بڑی تعداد میں پتھراؤ کرنے والوں ، پتھراؤ کے لئے  اکسانے اور  بھیڑ کو  آمادہ کرنے والوں کی نشان دہی کی گئی ہے اور  ان کے خلاف  پی ایس اے کے تحت  گرفتاری  اور  احتیاطی گرفتاریوں سمیت بہت سے اقدامات کئے ہیں۔ تحقیقات سے پتہ چلا ہے کہ مختلف علیحدگی پسند تنظیمیں اور مظاہرین، جو  حریت میں شامل ہیں،  کشمیر وادی میں پتھراؤ کے واقعات  کے پیچھے  انہیں ہاتھ ہے۔ این آئی اے نے اب تک 18 افراد کے خلاف  دہشت گردی کے لئے فنڈ  فراہم کرنے کی  فرد جرم داخل کی ہے۔

ایک متعلقہ سوال کا جواب دیتے ہوئے حکومت نے بتایا ہے کہ  جموں وکشمیر میں  اگست 2019 سے  اکتوبر 2019 کے درمیان  سرحد پار سے  لائن آف کنٹرول سے متصل علاقوں میں جنگ بندی کی خلاف ورزی کے 950 واقعات کی اطلاع  دی گئی ہے۔

کشمیر کے اسکولوں میں5 اگست سے  حاضری کے اوسط سے متعلق ایک سوال  کے جواب میں حکومت نے کہا کہ  یہاں جاری امتحانات کے دوران طلباء کی حاضری  99.7 فیصد رہی۔ ابتدا میں  طلباء کی حاضری کم تھی لیکن اس میں رفتہ رفتہ اضافہ ہوگیا۔

حکومت نے یہ بھی  بتایا کہ  اس نے  حال ہی میں جموں وکشمیر میں  سیاحوں کے لئے کوئی  ایڈوائزری جاری نہیں کی ہے اور  پچھلے 6 ماہ کے دوران  12934 غیر ملکی سیاحوں سمیت  کُل  3410219 سیاحوں نے  جموں وکشمیر کا دورہ کیا ہے اور اس  ہفتے کے دوران  سیاحت سے  25.12 کروڑ روپے کی آمدنی ہوئی ہے۔

مذکورہ بالا معلومات آج لوک سبھا میں امور داخلہ کے وزیر مملکت جناب جی کشن ریڈی نے  ایک تحریری سوال کے جواب میں فراہم کی۔

۔۔۔۔۔۔۔۔۔۔۔۔۔۔۔

U-5189

(रिलीज़ आईडी: 1592220) आगंतुक पटल : 138