نئی دہلی، 18نومبر   2019/بل اینڈ ملنڈا گیٹس  فاؤنڈیشن   (بی ایم جی ایف) کے  شریک   صدر  جناب   بل گیٹس نے  آج یہاں   مرکزی وزیر صحت و  کنبہ بہبود  ڈاکٹر ہرش وردھن سے ملاقا ت کی  ۔ انہوں نے   وزارت صحت  اور گیٹس فاؤنڈیشن کے درمیان    ایک مفاہمت نامے پر    ہونے والے دستخط   کی تقریب کی صدارت کی۔ تعاون  نامےپر    وزارت صحت و کنبہ بہبود کے  جوائنٹ سکریٹری (بین الاقوامی صحت ) جناب   لو اگروال   اور بی ایم جی ایف  کے   انڈیا کنٹری  آفس کے ڈائریکٹر  جناب   ہری مینن  نے    دستخط کئے۔  

میٹنگ کے دوران ڈاکٹر ہر ش وردھن نے،   اپنےشہریوں کو   یو ایچ سی   دستیاب  کرانے کے لئے   کئے گئے   اقدامات  اور ایچ ڈبلیو سی   اور   پی ایم جے اے وائی سمیت  آیوشمان بھارت   ،  ژچہ بچہ  شرح اموات کی  قابل ذکر حصولیابیوں، مکمل     ٹیکہ کاری    کے  دائرہ   کو   وسیع کرنے    اور ٹی بی  جیسے شعبوں کی  حصولیابیوں ، نیشنل ڈیجیٹل   بلو پرنٹ فریم ورک  کے ذریعہ   ڈیجیٹل ہیلتھ   کے شعبے میں   بڑے  اقدامات   سے  واقف  کرایا۔ انہوں نے کہا کہ   ہمارے   تصور پرست  وزیراعظم  جناب نریندر مودی  جی  2022 تک ایک نیو انڈیا    کی  تعمیر کا  تصور رکھتے ہیں جس  میں ہر شخص کے لئے  آفاقی صحت سہولت کو یقینی بنانا شامل    ہے۔  

تعاون نامے پر تبصرہ کرتے ہوئے   ڈاکٹر ہرش وردھن نے کہاکہ     گیٹس فاؤنڈیشن کے ساتھ  ہمارا     تعلق   لمبا اور  نتیجہ خیز   رہا ہے،  معاملہ چاہے پولیو کے   خاتمے کا ہو  یا پھر   مکمل   ٹیکہ کاری  کی سہولت میں   توسیع کا۔ تاہم    اب وقت آگیا ہے   کہ ہم ایک موثر  اور معیاری    پرائمری صحت نگہداشت  نظام    کے ذریعہ       اپنے سبھی اہل وطن کو    یونیورسل ہیلتھ کوریج   (یو ایچ سی)   دستیاب کرانے کے لئے   مل کر کام کریں  ۔انہوں نے کہا کہ ہم   اختراعاتی   نقطہ نظر کی اہمیت کو تسلیم کرتے ہیں جس سے نہ صرف نظامات کے  درمیان     کی خلیج   دور ہوگی   بلکہ    ہم نے اب تک  جو کچھ حاصل کیا ہے   اس کی بنیاد بھی    اسی پرہے۔   انہوں نے زور دے کر کہا کہ گیٹس فاؤنڈیشن کے ساتھ  جو  تعاون  نامہ  ہوا ہے  اس سے  دونوں کو فائدہ ہوگا   اور ہم      گیٹس  فاؤنڈیشن کے ساتھ   کام کرنے  اور  صحت نظامات کو   مضبوط  کرنے کی   وزارت صحت و کنبہ بہبود   کی   کوششوں    میں   اپنی مہارت ے ذریعہ   ان کے تعاون   کے  منتظر ہیں۔

وزارت صحت کے ذریعہ کئے گئے  اقدامات کی  حمایت کرتے ہوئے  جناب  بل گیٹس نے کہا کہ    وزارت صحت نے   اس ملک میں    ابتدائی  صحت دیکھ بھال نظام ، خاص طور پر بچوں اور  خواتین   کے لئے ، کو بہتر بنانے کے لئے ایک بڑا تصور   پیش نظر رکھا ہے  ۔ ہمارا فاؤنڈیشن  اس ہدف کے حصول میں    تعاون دے گا  اور  ہم    اس کو حاصل کرنے کے لئے   ہندستان کے ساتھ  شراکت داری کے    متمنی ہیں۔    یہی وجہ ہے کہ   ہم آج   اس   تعاون نامے پر   دستخط کرکے   بہت خوش ہیں۔  

تعاون نامے کے تحت  گیٹس فاؤنڈیشن اپنے گرانٹیز  اور دیگر   شراکت داروں کے توسط سے   تکنیکی    ، منجمنٹ اور  پروگرام ڈیزائن سے متعلق   تعاون دے گا جس میں   خصوصی توجہ      جدت طرازی ،  بہترین طور طریقوں   اور   کارکردگی بندوبست کو    بہتر بنانے پر ہوگی۔   فاؤنڈیشن     پرائمری صحت  کے پہلوؤں کو  مضبوط بنانے   کے سلسلہ میں   وزارت کو تعاون دے گا ۔  ان پہلوؤں میں   ژچہ بچہ  شرح اموات    میں کمی    لانا    ، تغذیاتی خدمات کو بہتر بنانا اور   ٹیکہ کاری کی  رسائی میں اضافہ کرنا ہے۔ کوشش یہ بھی کی جائے گی  کہ     نوجوان   خواتین  کے درمیان     خاندانی منصوبہ بندی  کے وسائل     کی رسائی     بڑھائی جائے    اور    متعدی  بیماریوں  (ٹیوبر کلوسیس  ، وس سیرل ، لیش  میناسیس ، لم فیٹک، فیلیریاسس) کو کم کیا جائے۔

میٹنگ کے دوران   وزارت صحت  و کنبہ بہبود کے سینئر افسران بھی موجود رہے جن میں     جناب  ارون پانڈا،  سکریٹری ( آئی/سی) ،  جناب    سنجیو کمار   ، اسپیشل سکریٹری ، ڈاکٹر اندو بھوشن  ، سی ای او ، این ایچ اے  ، محترمہ وندنا   گرنانی،  اے ایس اینڈ ڈی  اور بی ایم جی ایف  کے نمائندے   شامل ہیں۔ 

۔۔۔۔۔۔۔۔۔۔

 

 م ن۔م م  ۔ ج۔

U- 5167

 

(Release ID: 1592085) Visitor Counter : 112