نئی دہلی،15 اکتوبر   2019/ مرکزی وزیر داخلہ جناب امت شاہ  نے آج  گرو گرام  ، مانیسر میں نیشنل سیکورٹی گارڈ(این ایس جی) کے ہیڈکوارٹر میں   نیشنل سیکورٹی گارڈ این ایس جی    کے  35ویں یوم تاسیس کی تقریب میں   مہمان خصوصی کی حیثیت سے صدارت کی۔ وزیر داخلہ نے پروگرام کے دوران    ملک کے خلاف  کسی بھی  دہشت گردانہ  حملے سے نمٹنے کے لئے   این ایس جی کی  تیاریوں   کے شاندار  مظاہرے اورنمائش  کا   جائزہ لیا۔  

 

 

جناب شاہ نے این ایس جی کےان  شہیدوں  کو خراج عقیدت پیش کرکے اپنے خطاب  کی شروعات کی  جنہوں نے   ملک کے لئے   عظیم  قربانیاں   دی ہیں۔ انہوں نے   اس بات پر فخر  اور اعتماد کا اظہار کیا  اور کہا  کہ   دہشت گردی کی تمام  حرکتوں    سے ملک کو  بچانے میں   ایجنسی کی صلاحیتیں  غیر  متوازن  ہیں اور اس نے ہمیشہ    سرووترا  سرووتم  سرکشا کے   اپنے   موٹو کو  برقرار رکھا ہے۔

جناب امت شاہ نے کہا کہ دہشت گردی  کسی بھی جدید  ترقی یافتہ معاشرہ کے لئے ایک لعنت ہے اور  عوام کی  ترقی اور  نشوونما کے لئے ایک بڑی رکاوٹ ہے۔ ہندستان  سرحد کے اس پار کی دہشت گردی کے خلاف   دنیا کی سب سے طویل جنگ لڑ رہا ہے۔ انہوں نے کہا کہ    دہشت گردی کو قطعی  برداشت نہ کرنے کی    مودی حکومت کی پالیسی   کو چیلنج نہیں کیا جاسکتا ہے اور این ایس جی  فورس  پوری طرح   سے باصلاحیت    فورس ہے اور  ملک کو دہشت گردی سے   تحفظ فراہم کرنے کے لئے   ہر طریقے سے   لیس ہے۔  اور حکومت کی پالیسی کو برقرار  رکھنے کی بھی پوری اہلیت  رکھتی ہے۔

مرکزی وزیر داخلہ نے کہا کہ  ہندستان  ملک میں سرحد پار کی  دہشت گردی   کو  جڑ سے ختم کرنے کے لئے ایک فیصلہ کن لڑائی میں  مصروف عمل ہے۔  مودی حکومت نے  کشمیر میں دیرپا قیام امن کے لئے   دفعہ 370  منسوخ کرنے  کا جو فیصلہ کیا ہے وہ ایک جرات مندانہ قدم ہے۔     جناب شاہ نے کہا  کہ یہ      ملک کی اندرونی سلامتی کو   برقرار رکھنے میں   ہندستان کے  کمانڈو کے  رول کی  خاص اہمیت کو اجاگر کرتی ہے۔ جناب شاہ نے اس اعتما د کا اظہار کیا  کہ این ایس جی   غلطی نہ کرنے والی  عالمی نوعیت کی فورس  کے   مودی حکومت کے ویژن کے تئیں  ہمیشہ    پابند رہے گی اور وہ ہندستان میں  دہشت گردی کو جڑ سے ختم کرنےمیں فیصلہ کن رول  ادا کرے گی۔

جناب شاہ نے کہا کہ   آج کے دور میں غیر روایتی  ہتھیاروں کا    راج ہے ،این ایس جی ملک کو تحفظ فراہم  کرانے کے لئے پوری طرح تیار ہے چاہے یہ  اکشر دھام   ، 26/11، پٹھان کوٹ ایئر بیس پر حملہ ہو  یا کوئی  دیگر  ہائی جیک مخالف کارروائی ہو یا بم کو ناکارہ بنانے کی کارروائیاں ہوں ،   جناب شاہ   نے کہا کہ   این ایس جی نے    آج  کسی بھی  ممکنہ دہشت گردانہ   حملے   کا مقابلہ کرنے کی  اپنی صلاحیت کو   دنیا  میں  ثابت کردیا ہے۔  انہوں نے مزید کہا کہ یہ     ملک کے عوام    کے ذہنوں میں اس اعتماد  کو   تحریک دیتی ہے کہ     وہ  محفوظ ہاتھوں میں ہے۔

جناب شاہ نے مطلع کیا کہ دہشت گردانہ خطرے کے پیش نظر    حکومت ہند نے 2016 میں  ، گاندھی نگر  میں این ایس جی  کا پانچواں علاقائی ہب قائم کیا تھا۔  این ایس جی کے بہادر اور بے لوث  کمانڈو ز  کو  دہشت گرد مخالف جدید   صلاحیتوں اور  ہتھیاروں  سے لیس کیا گیا ہے۔ ہتھیاروں پر انسانی صلاحیتوں  کی اہمیت بتاتے ہوئے وزیر داخلہ نے کہا کہ  حالانکہ  این ایس جی کی موبلیٹی سرویلینس  اور  این ایس جی  کی   کاؤنٹر   ڈرون فائر پاور جیسی      صلاحیتوں کو   اپ گریڈ کیا گیا ہے، پھر بھی  کوئی بھی ہتھیار  ایک  کمانڈو کی    بہادری اور حب الوطنی   سے  مقابلہ  نہیں کرسکتا ۔

 این ایس جی کی طر ف سے کی جارہی  مختلف سرگرمیوں کے بارے میں بات کرتے ہوئے   جناب شاہ نے کہا  کہ ایک طرف این ایس جی نے  مختلف ملکوں کی  خصوصی فورسیز کے ساتھ   تربیت حاصل کی ہے اور بہترین   طریقہ کار کا تبادلہ کیا ہے تو دوسری  طرف این ایس جی  کے افسروں نے بھارت ابھیان اور دیگر   ماحولیاتی تحفظ  کی کوششوں میں شرکت کی  ہے جو ملک میں خدمت کی ایک اور شکل ہے۔ وزیر داخلہ نے  ماؤنٹ ایوریسٹ پر  قومی پرچم لہرانے   پر   این ایس جی  کے دستے کو  مبارک باد بھی دی۔

پروگرام کے دوران جناب شاہ نے این ایس جی کے کمانڈوز اور ان کے گھر کے افراد   کو  شجاعت اور مثالی خدمات کے لئے تمغے بھی پیش کئے۔ 

۔۔۔۔۔۔۔۔۔۔

 

 م ن۔ح ا  ۔ ج۔

U- 4606

 

(Release ID: 1588154) Visitor Counter : 88