نئی دہلی،20 اگست۔  ‘‘سب کے لئے ہاؤزنگ: این اے آر ای ڈی سی او پندرہواں قومی کنوینشن:زمین جائیداد انعکاس پوائنٹ: مستقبل کیلئے تیار ی’’ کا افتتاح کرتے ہوئے ہاؤزنگ اور شہری اُمور کے وزیر جناب ہردیپ سنگھ پوری نے کہا ہے کہ آر ای آر اے  کو ایسی زبردست  کامیابی حاصل ہوئی ہے جس کی بازگشت دور تک محسوس کی جاسکتی ہے۔ آر ای آر اے اپنا اثر دکھائے گا اور اس کے اثرات نظر آنے لگیں گے۔ انہوں نے کہا کہ ہمیں کچھ چیزیں ترتیب دینی ہیں تاہم ریگولیٹر کو شراکت داروں کے ذریعے تسلیم کیا جانا ہوگا اور ایسے لوگ جو پہلے متاثر ہوئے تھے ان کے لئے بھی  انصاف فراہم ہوگا۔ اس تقریب کا اہتمام قومی زمین جائیداد ترقیات کونسل این اے آر ای ڈی سی او کی جانب سے یہاں کیا گیا تھا ۔ اس تقریب میں این اے آر ای ڈی سی او  کے صدر جناب نرنجن ہیرانندانی  اور اس شعبے کے دیگر شراکت دار موجود تھے۔ این اے آر ای ڈی سی او کا قیام 1998 میں ہاؤزنگ اور شہری ترقیات کی وزارت حکومت ہند کے زیر اہتمام ایک خود مختار ریگولیٹری باڈی کے طور پر عمل میں آیا تھا۔

وزیر موصوف نے کہا کہ انہیں پورا یقین ہے کہ سب کے لئے مکان فراہم کرنے کے تمام تر نشانوں کو معینہ وقت کے اندر حاصل کرلیا جائیگا۔  ہم نے اضافی طو ر پر 1.12 ملین مزید مکانات کے نشانے مقرر کر رکھے ہیں اور ہم نے پہلے ہی 85 لاکھ مکانات کی تعمیر کی منظوری دے دی ہے اور 50 لاکھ مکانات کی تعمیر کا کام جاری ہے اور 27 لاکھ مکانات پہلے ہی فراہم کیے جاچکے ہیں۔

مسودہ ماڈل ٹیننسی ایکٹ (ایم ٹی اے) 2019 کا ذکر کرتے ہوئے ،جسے ریاستوں اور مرکز کے زیر انتظام علاقوں کو ان کی آراء جاننے کیلئے  ارسال کیا جاچکا ہے، وزیر موصوف نے کہا کہ مختلف النوع شراکت داروں سے اس سلسلے میں 400 سے زائد ردعمل حاصل ہوئے ہیں۔ انہوں نے مزید کہا کہ کرایہ داری سے متعلق پالیسی وضع کیے جانے کے بعد ، ہاؤزنگ پالیسی اور وزارت کی جانب سے دیگر اقدامات کیے جارہے ہیں اور امید کی جاتی ہے کہ یہ تمام اقدامات ہماری معیشت کے  سب سے اہم شعبوں میں سے اس ایک شعبے کو اچھی شروعات کرنے کا موقع فراہم کریں گے۔

 

 U. No. 3796

(Release ID: 1582481) Visitor Counter : 63