نئی دہلی، 23  جولائی  / تجارت و صنعت اور ریلوے کے وزیر  پیوش گوئل  کل نئی دلّی میں  عالمی اختراعاتی عدد اشاریہ  ( جی آئی آئی ) کاآغاز کریں گے ۔  پہلی مرتبہ جی آئی آئی  کا آغاز ابھرتی  ہوئی معیشت کے تحت ہو رہا ہے ۔  صنعت و داخلی تجارت کے فروغ کا محکمہ  ( ڈی پی آئی آئی ٹی )  ، جو تجارت و صنعت کی وزارت ، حکومتِ ہند کے تحت کام کرتا ہے ،  عالمی حقوقِ املاکِ دانشوراں  سے متعلق  تنظیم  ( ڈبلیو آئی پی او ) اور کنفیڈریشن آف انڈین انڈسٹری ( سی آئی آئی ) مشترکہ طور پر اس کا اہتمام کر رہی ہیں ۔

          گذشتہ چند برسوں کے دوران اختراعاتی پہلو  حکومت کی اقتصادی پالیسی میں مرکزی حیثیت کا حامل  موضوع رہا ہے ۔  اب اس کے مثبت نتائج سامنے آنے لگے ہیں اور  بھارت  جی آئی آئی میں کارکردگی کے لحاظ سے ترقی کی جانب رواں دواں ہے ۔ بھارت نے  چار برسوں میں  24 مقامات کی ترقی حاصل کی ہے ۔ 2015 ء میں یہ 81 ویں مقام پر تھا ، جو 2016 ء میں 66 ویں مقام پر پہنچ گیا اور 2017 ء میں جی آئی آئی کے سلسلے میں بھارت نے 60 واں مقام حاصل کر لیا اور پھر 2018 ء میں عالمی اختراعاتی عدد اشاریے میں بھارت 57 ویں مقام پر پہنچ گیا ۔   بھارت کی کوششوں سے یہ بات ظاہر ہوتی ہے کہ کس طریقے سے پالیسی کی شکل میں کی جانے والی کوشش سے اختراعات کو فروغ حاصل ہوتا ہے ۔ 

          2019 ء جی آئی آئی کا موضوع صحت مند زندگی  کے لئے  ماحول ساز گار کرنا -  مستقبل میں طبی اخترعات ہے ۔ اس کا مقصد طبی اختراعات کے کردار  کی تحقیق ہے کیونکہ یہ حفظانِ صحت کے مستقبل کا لائحہ عمل طے کرتا ہے ۔ 

          بھارت کو  وسطی اور جنوبی  ایشیائی خطے میں ہر سال  یعنی 2011 ء سے از حد اختراعاتی ملک کا درجہ دیا جاتا رہا ہے ۔ بھارت نے لگاتار   فی کس مجموعی گھریلو   پروڈکٹ کے معاملے میں  عمدہ ترین اختراعاتی کارکردگی کا مظاہرہ کیا ہے ۔

          بھارت  دنیابھر میں دوسری اوسط آمدنی والی معیشت کے طور پر شمار ہوتا ہے یعنی اس کی اختراعاتی کوششیں ، سائنٹفک اشاعتیں ، یونیورسٹیاں اور پیٹنٹ کنبے بہترین کارکردگی کا مظاہرہ کررہے ہیں ۔

          بھارت  اختراعاتی پیمانوں مثلاً اطلاعاتی اور مواصلاتی ٹیکنا لوجی ( آئی سی ٹی )  خدمات  برآمدات  ، سائنس اور انجینئرنگ کے گریجویٹوں کی تعداد ، یونیورسٹیوں کی عمدگی اور سائنٹفک اشاعتوں  ،  معیشت میں وسیع پیمانے پر سرمایہ کاری اور خلاقانہ  گُڈس برآمدات کے لئے  دنیا میں سرکردہ اور سر فہرست ممالک میں شمار ہوتا ہے ۔ 

 

۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

U. No. 3345

(रिलीज़ आईडी: 1579990) आगंतुक पटल : 128