نئیدہلییکم جون۔جناب راؤ اندرجیت سنگھ نے آج  اعدادوشمار اور پروگرام پر عمل درآمد کے  مرکزی وزیر مملکت  (آزادانہ چارج)  کی ذمہ  داریاں سنبھالیں ۔ انہوں  نے کہا کہ حکومت کی غریب نواز اورعوام نواز پالیسیاں  ہماری ترجیحات ہیں ۔ مرکزی وزیر نے یہ بھی کہا کہ مستفدین  تک   پہنچنے کے لئے اعدادشمار کا موثر استعمال  وقت کی ضرورت ہے ۔

انہوں  نے اب تک کئے گئے کاموںمیں پیش رفت کے جائزے کے لئے وزارت کے سینئیر افسران کے ساتھ ایک مختصر میٹنگ بھی کی۔

وزیر موصوف کامختصر خاکہ حیات

     جناب راؤ اندرجیت سنگھ ہریانہ کے علاقے  ریواڑی میں 11فروری  1950 کو  پیدا ہوئے تھے۔انہیں   2019  کی 17ویں لوک سبھا   میں  گروگرام کی نمائندگی کے لئےچنا گیا ہے ۔ انہوں  نےدلی یونیورسٹی کے شعبہ قانون سے  ایل ایل  بی  کی  ڈگری اور دلی  یونیورسٹی کے ہندوکالج سے بی اے آنرز کی ڈگری حاصل کی ۔

     انہوں نے  منصوبہ  بندی  کے  مرکزی وزیر مملکت  (آزادانہ چارج ) شہری ترقی کےوزیر مملکت   ،  ہاؤسنگ اور شہری غریبی دور کرنے  کے وزیر مملکت  کی حیثیت سے  5  جولائی  2016  سے  3  ستمبر  2017  تک  خدمات انجام دیں ۔ وہ  9  نومبر  2014   سے  5 جولائی  2016  تک  دفاع کے وزیر مملکت رہے ۔ انہوں  نے  منصوبہ  بندی  ، اعدادوشمار اور پروگرام پرعمل درآمد کے وزیر مملکت  (آزادانہ چارج ) کی حیثیت سے اور 27  مئی  2014  سے  9  نومبر  2014 تک  دفاع کے وزیر مملکت   کے  طور پر خدمات انجام دیں  ۔

     لوک سبھا  کے ممبر پارلیمنٹ کے طور پر یہ ا ن کی پانچویں مدت ہے ۔اس سے پہلے انہوں نے  2014  میں سولہویں  لوک سبھا  میں اور2009  میں  15 ویں لوک سبھا  میں گروگرام  لوک سبھا حلقے کی  نمائندگی  کی اور 2004  میں  14ویں لوک سبھا  اور 1998  میں  12ویں  لوک سبھا میں  موہندر گڑھ  لوک سبھا  حلقے  کی  نمائندگی کی ۔ انہیں 1977 سے  1982  تک  ،1982سے  1987 تک ،1991سے  1996 تک  اور 2000سے  2004 تک  ہریانہ کے جتوسنا  ودھان سبھا حلقے کے لئے چار مرتبہ رکن اسمبلی  بھی چنا گیا۔ وہ  1991سے  1996 تک  ہریانہ سرکار میں کابینہ وزیر رہے  اور ماحولیات وجنگلات  اور میڈیکل  وٹیکنیکل تعلیم  کے قلمدان سنبھالے ۔ انہوں نے  1986سے 1987 تک ہریانہ میں  خوراک اور سول سپلائز کے وزیر مملکت  (آزادانہ چارج ) کےفرائض  انجام دئے ۔

۰۰۰۰۰۰۰۰۰۰۰۰۰۰۰۰۰۰۰۰۰

U-2283