نئی دہلی،15 ؍فروری،جہاز رانی کے سیکٹر میں اس سال بھارتی اور غیر ملکی  بحری جہازوں پر بھارتی ملاحوں کے روزگار کی تعداد میں غیر معمولی 35 فیصد کا اضافہ ہوا ہے۔ ان کی تعداد، جو  2017 میں  154349 تھی  2018 میں بڑھ کو 208799 تک پہنچ گئی ہے۔ اس کے علاوہ  بحری جہازوں پر تربیت کے لئے  رکھے گئے طلباء کی تعداد  بھی  پچھلے سال کی 14307 سے بڑھ کر  19545 تک پہنچ گئی ہے جس سے 37 فیصد کا اضافہ ظاہر ہوتا ہے۔

بھارتی پرچم والے بحری جہازوں پر ملاحوں کے روزگار کی تعداد، جو پچھلے سال  22103 تھی  اس سال بڑھ کر 27364 تک پہنچ گئی ہے جبکہ  غیر ملکی بحری جہازوں پر روزگار حاصل کرنے والے بھارتی ملاحوں کی تعداد  پچھلے سال  60194 سے بڑھ کر  72327 تک پہنچ گئی ہے۔ سمندری جہازوں پر  ملازمت کرنے والے عہدیداروں کی کُل تعداد  2018 میں  72327 تک پہنچ گئی ہے جبکہ  یہ 2017 میں  60194 پر تھی۔ اس کے علاوہ ریٹنگ کی تعداد  اسی عرصے کے دوران  72052 سے بڑھ کر  109108 تک پہنچ گئی ہے۔ اس سے پہلے  بھارتی ملاحوں کی تعداد 2013 میں  103835 سے بڑھ کر 2015 میں  126945 ہوگئی تھی۔

بھارتی ملاحوں کی تعداد میں  اضافے کا یہ رجحان  پچھلے چار  برسوں کے دوران  بھارتی حکومت کے ذریعے  سمندری تربیت کے معیار  کو بہتر بنانے ، بحری جہازوں پر تربیت کے مواقع  کی فراہمی  اور  امتحانات اور سرٹیفکٹ جاری کرنے کے نظام  کے علاوہ  کاروبار میں آسانی کے لئے سہولیات کی خاطر کئے گئے بہت سے اقدامات کے نتیجے میں  ممکن ہوسکا ہے۔

افسران کے تربیتی نصاب اور  ریٹنگ پر 2016 میں  نظر ثانی کی گئی تھی جس کا مقصد  نہ صرف عالمی معیار کو  پورا کرنا تھا بلکہ  غیر ملکی آجروں کی توقعات کو بھی پورا کرنا تھا۔ پرائیویٹ سیکٹر میں کام کرنے والے تربیتی اداروں کو ریگولیٹ کرنے کے لئے  ’’جامع جانچ پراگرام ‘‘  (سی آئی پی) نظام تیار کیا گیا تھا جس کا مقصد ادارے کے معیار کو  مختلف پیمانوں ، جیسے بنیادی ڈھانچہ ،  طلباء کا معیار ، داخلے ، اساتذہ کا معیار ، تدریسی طریقہ کار ، امتحانات میں کارکردگی ، جہاز پر تربیت اور  طلباء کی ملازمت وغیرہ کا  جائزہ لینا ہے۔ ان اداروں کے کورس کو معیاری بنانے کی خاطر  ایک ای-لرننگ ماڈیول تیار کیا گیا تھا  جسے  تمام بھارتی ملاحوں کو مفت فراہم کیا گیا تاکہ وہ  امتحانات میں شامل ہونے سے پہلے اپنی معلومات اور  صلاحیتوں کو بہتر بناسکیں۔ سپلائی میں اضافے کو یقینی بنانے کی خاطر  نئے تربیتی اداروں کے قیام  یا  موجودہ تربیتی اداروں میں داخلوں کی تعداد میں اضافے  پر  15 سالہ پابندی  کچھ شرائط کے ساتھ ختم کی گئی ہے۔

اگرچہ بھارت نے  تجارتی بحریہ  کی کلاس روم  کی تربیت کے لئے  صلاحیت میں بڑا اضافہ کیا ہے لیکن  طلباء کو  جہاز پر تربیت فراہم کرنا ایک بڑی رکاوٹ رہی ہے ۔ لیکن اس میں بھی بھارت نے کافی ترقی کی ہے۔

بحری جہاز پر  تربیت کی تفصیل

تربیتی اداروں کو  نہ صرف کلاس روم کی تربیت  فراہم کرنے کی ذمہ داری کی گئی ہے بلکہ طلباء کو بحری جہاز پر  تربیت  فراہم کرنے کی بھی ذمہ داری  دے کر  پالیسی میں تبدیلی کی گئی ہے۔ بحری جہاز پر تربیتی پروگرام کی تعداد  میں اضافہ کرنے کی خاطر  فیصلہ کیا گیا ہے  کہ افسران  کی جہاز پر تربیت اور ریٹنگس وغیرہ کے لئے  سمندر کے قریب جہازوں کو بھی  استعمال کیا جائے۔ ان دو اقدامات سے تقریبا 4 ہزار زیر تربیت افراد کے لئے  اضافی گنجائش نکل آئی ہے۔

 

بھارتی ملاحوں کی سپلائی میں اضافہ

 

بھارت کے مسلسل ڈسچارج سرٹیفکٹ (سی ڈی سی)کے حصول کے لئے  کئی ریگولیٹری رعایتیں کی گئی ہیں ، یہ سرٹیفکٹ بحری جہازوں پر روزگار کے لئے  ضروری ہوتا ہے۔ 2017 میں  سی ڈی سی  کے لئے نرم ضابطے متعارف کرائے گئے ہیں جس کے تحت  10 ویں جماعت پاس بھارتی شہری، جس نے  14 دن کا بنیادی سمندری کورس مکمل کرلیا ہو ، بھارتی سی ڈی سی حاصل کرسکتا ہے۔ اس سے پہلے  سی ڈی سی حاصل کرنے کے لئے  کم از کم 6 ماہ کی تربیت مکمل کرنی ضروری تھی۔ بہت سے ملاحوں نے ، پچھلے تجربات کی بنیاد پر  بھارتی سی ڈی سی  حاصل کرنے میں کامیابی حاصل کی۔ سال 2018-19 میں  ہی  نئے قوانین کے تحت  70  ہزار  نئے سی ڈی سی جاری کئے گئے ہیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔

U-1015

(Release ID: 1564768) Visitor Counter : 95