وزارت اطلاعات ونشریات
69 ویں برلن بین الاقوامی فلمی میلے میں انڈیا نیٹ ورکنگ جشن کاانعقاد
ہندوستان نے افیّ گولڈن جوبلی تقریبات کے لئے دنیا کو مدعو کیا
کینس فلم مارکیٹ 2019 میں ہندوستان کی شرکت اورکینس فلم فیسٹیول میں افیّ کی اسٹریٹجک پوزیشننگ بھی زیر بحث رہی
Posted On:
11 FEB 2019 12:56PM by PIB Delhi
نئی دہلی، 11 فروری ،ہندوستانی وفد نے برلن بین الاقوامی فلمی میلے(برلنالے)2019، میں اپنی شرکت کے ساتھ ساتھ انڈیا نیٹ ورکنگ تقریب کاری کاانعقاد کیا۔اس موقع پر فلم فیسٹیول کی نمایاں شخصیتیں انٹر نیشنل فلم ایسوسی ایشنز، فلم ایجنسیوں کے سربراہان اور ہندوستان کے ساتھ تعاون کو فروغ دینے کے خواہشمند معروف فلم ساز موجود تھے۔
بات چیت اس سال بعد میں منعقد ہونے والے افیّ کے گولڈن جوبلی ایڈیشن کے لئے فلموں کے کو پروڈکشن اور شراکت داروں کے لئے معاہدے کرنے پر مرکوز رہی۔شرکاء کے حاضرین کو ہندوستان میں فلموں کی شوٹنگ کے لئے سنگل پوائنٹ رابطے کے طور پر ویب پورٹل www.ffo.gov.in کے ذریعہ ہندوستان میں فلم بنانے کے لئے آسانی فراہم کرانے کے واسطے اور سینم میٹو گراف ایکٹ میں ترمیم کے ذریعہ فلموں کی پائریسی کو روکنے کی کوششوں سے متعلق حکومت کی پالیسی پہل کے بارے میں بھی بتایا۔
اس سے قبل ہندوستانی وفد نے کینس فلم مارکیٹ 2019 میں حکومت ہند کی شرکت کے بارے میں مارچ ڈییو فلم، کینس فلم فیسٹیول کی سیلس اور آپریشنز کی سربراہ محترمہ موڈ ایمسن سے بھی ملاقات کی۔ بات چیت میں افیّ 2019 کی پوزیشننگ شامل رہیں۔ کیونکہ اس سال یہ فیسٹیول اپناگولڈن جوبلی ایڈیشن منائے گا۔
ہندوستانی وفد نے معروف فلم فیسٹیول اور کمیشنز کے سربراہان جیسے چینی بین الاقوامی بچوں کے فلم فیسٹیول کے چیئرمین مسٹر ہاوکیمنگ، اے آر ایس ویدیرے کی پروڈیوسر محترمہ انا سمارت سیوا، ای کام ایس اے کے پریزیڈنٹ اور سی ای او جناب پانوس کوانس سے بھی ملاقات کی۔جناب پانوس کوانس نے کہا کہ حکومت یونان گولڈن جوبلی ایڈیشن افیّ میں شرکت کرنے کے بارے میں غور کرے گی۔انہوں نے کہا کہ اس میں شرکت کرنے سے دونوں ملکوں کے درمیان تعلقات کو فروغ دینے کی سمت میں بھی راہ ہموار ہوگی۔
انٹر نیشنل فلم فیسٹیول اور کمیشنز نے ہندوستان اور افیّ 2019 میں ممکنہ تعاون کے لئے اپنی خواہش کا اظہار کیا۔
۔۔۔۔۔۔۔۔۔۔۔
م ن۔۔ا گ۔ رض
U- 896
(Release ID: 1563939)
Visitor Counter : 67