প্রধানমন্ত্রী শ্রী নৰেন্দ্র মোদীৰ অধ্যক্ষতাত অনুষ্ঠিত কেন্দ্রীয় কেবিনেট বৈঠকত ২০১৭-১৮ বর্ষৰ বাবে ৰে’ল কর্মীচাৰীক ৭৮ দিনৰ দৰমহাৰ সমপৰিমাণ উৎপাদনশীলতাভিত্তিক বোনাচ প্রদানৰ সিদ্ধান্তত অনুমোদন জনায়। সকলো নন-গেজেটেড ৰে’লকর্মীয়ে(আৰপিএফ/আৰপিএছএফ বাদ দি) এই বোনাচ লাভ কৰিব। এই সিদ্ধান্তৰ ফলত ৰে’ল বিভাগৰ প্ৰায় ১১.৯১ লাখ কৰ্মচাৰী উপকৃত হ’ব। ইয়াৰ বাবে ৰে’ল বিভাগৰ ২০৪৪.৩১ কোটি টকা ব্যয় হ’ব। মাহিলী ৭,০০০ টকা দৰমহা লাভ কৰা কর্মীসকলে এই বোনাচ পাব। একোগৰাকী কর্মীয়ে সর্বাধিক ১৭,৯৫১ টকা লাভ কৰিব।

উৎপাদনশীলতাভিত্তিক বোনাচে সমগ্ৰ দেশৰ নন-গেডেটেড ৰে’লকর্মীক সামৰি ল’ব। দশেৰা/পূজা বন্ধৰ সময়ত প্রতি বছৰে এই বোনাচ প্ৰদান কৰা হয়। এই বছৰৰ উৎসৱৰ বন্ধৰ পূৰ্বেই এই সিদ্ধান্ত কার্যকৰী হ’ব। ইয়াৰ ফলত ৰে’লকর্মীসকলে কাম-কাজত উৎসাহী হোৱাৰ লগতে ৰে’লৰ কামৰ সর্বাংগীন উন্নতি ঘটিব বুলি আশা কৰা হৈছে।

ভাৰত চৰকাৰৰ বিভাগসমূহৰ ভিতৰত ৰে’ল হৈছে প্রথম বিভাগ যি ১৯৭৯-৮০ বর্ষত উৎপাদনশীলতা-ভিত্তিক বোনাচৰ ধাৰণা আৰম্ভ কৰিছিল। সেই সময়ত অৱশ্যে দেশৰ অর্থনীতিত আন্তঃগাঁথনিমূলক কামৰ বাবে ৰে’লকর্মীৰ অৱদানৰ প্ৰতি লক্ষ্য ৰাখি ‘বোনাচ প্ৰদান আইন-১৯৬৫’ৰ ভিত্তিত এই ব্যৱস্থা হাতত লোৱা হৈছে।

*****

NW/AKT/SH/DB