பொருளாதார விவகாரங்களுக்கான மத்திய அமைச்சரவைக் குழு
ஆஷா திட்ட பலன்களுக்கு அமைச்சரவை ஒப்புதல்
Posted On:
19 SEP 2018 1:25PM by PIB Chennai
ஏற்கனவே அறிவிக்கப்பட்ட ஆஷா திட்ட பலன்களுக்கு பொருளாதார விவகாரங்களுக்கான மத்திய அமைச்சரவை ஒப்புதல் அளித்துள்ளது. இந்த பலன்கள் அக்டோபர் 2018 (நவம்பர் 2018-ல் அளிக்கப்படும்) முதல் நடைமுறைக்கு வரும். இதில் கீழ்க்கண்ட இரண்டு கூறுகள் உண்டு:
- மத்திய அரசு செயல்படுத்திவரும் பிரதமர் ஆயள் காப்பீட்டு திட்டம் மற்றும் பிரதமர் விபத்து காப்பீட்டு திட்டம் ஆகிய சமூக பாதுகாப்பு திட்டங்களுக்கான தகுதி உள்ள ஆஷா பணியாளர்கள் மற்றும் ஆஷா உதவியாளர்கள் இந்த திட்டங்களில் பதிவுசெய்யப்படுவர்.
- தேசிய சுகாதார இயக்கத்தின் கீழ் ஆஷா பணியாளர்களுக்கு வழகப்படும் ஊக்கத்தொகை மாதத்திற்கு ரூ. 1000/-ல் இருந்து ரூ. 2000-ஆக உயர்த்தப்படும்.
2018-19 மற்றும் 2019-20 ஆண்டுகளில் இந்த பலன்களை செயல்படுத்த தேவையான செலவினம் (மத்திய அரசின் நிதி) ரூ. 1224.97 கோடியாகும்.
இதன் மூலம் பயனடைவோரின் எண்ணிக்கை:
- சுமார் ஒரு கோடியே 6 லட்சத்து 36,701 ஆஷா பணியாளர்கள் மற்றும் ஆஷா உதவியாளர்கள் பிரதமர் ஆயள் காப்பீட்டுத் திட்டத்தின் கீழ் கொண்டுவரப்படுவர் என்று மதிப்பிடப்பட்டுள்ளது.
- சுமார் 9 லட்சத்து 57 ஆயிரத்து 303 ஆஷா பணியாளர்கள் மற்றும் ஆஷா உதவியாளர்கள் பிரதமர் விபத்து காப்பீட்டுத் திட்டத்தின் கீழ் கொண்டுவரப்படுவர் என்று மதிப்பிடப்பட்டுள்ளது.
- சுமார் 10 லட்சத்து 22 ஆயிரத்து 265 பேர் ஆஷா பணியாளர்களுக்கு வழக்கமான செயல்பாடுகளுக்கு தற்போது அளித்துவரும் ரூ. 1000/-, ரூ. 2000/- ஆக உயர்த்தி அளிக்கப்படும்.
இவர்களுக்கு, பிரதமர் ஆயள் காப்பீட்டு திட்டம் மற்றும் பிரதமர் விபத்து காப்பீட்டு திட்டத்திற்கான வருடாந்திர தவணை கட்டணத்தை மத்திய அரசு வழங்கும்.
இலக்குகள்:
- மார்ச் 31, 2019-குள் – 65 சதவீத ஆஷா பணியாளர்கள் மற்றும் ஆஷா உதவியாளர்கள் பிரதமர் ஆயள் காப்பீட்டு திட்டம் மற்றும் பிரதமர் விபத்து காப்பீட்டு திட்டம் ஆகிய சமூக பாதுகாப்பு திட்டங்களில் பதிவுசெய்யப்படுவர்.
- அக்டோபர் 30, 2019-குள் – 100 சதவீத ஆஷா பணியாளர்கள் மற்றும் ஆஷா உதவியாளர்கள் பிரதமர் ஆயள் காப்பீட்டு திட்டம் மற்றும் பிரதமர் விபத்து காப்பீட்டு திட்டம் ஆகிய சமூக பாதுகாப்பு திட்டங்களில் பதிவுசெய்யப்படுவர்.
- ரூ. 1000-ல் இருந்து ரூ. 2000-ஆக உயர்த்தப்பட்டுள்ள வழக்கமான செயல்பாடுகளுக்காக ஆஷா பணியாளர்களுக்கு அளிக்கப்படும் ஊக்கத்தொகை அக்டோபர் 2018-ல் (நவம்பர் 2018-ல் வழகப்படும் இருந்து செயல்பாட்டிற்கு வரும்.
******
(Release ID: 1546672)
Visitor Counter : 436