نئی دہلی، 4 جون   2018/  زراعت  اور کسانوں کی فلاح و بہبود کی وزارت    نے    ،  2022 تک   کسانوں کی آمدنی    دوگنی  کرنے   کے    وزیراعظم نریندر مودی    کے  اعلان   کے   تناظر میں    یکم جون 2018 سے   31 جولائی 2018 تک   کرشی کلیان ابھیان   کی  شروعات ہوئی ہے تاکہ    کسانوں  کو  زراعت  اپنی تکنیک کو   بہتربنانے  اور اپنی آمدنی میں   اضافہ  کرنے  کے کام  میں    مدد اور تعاون  دیا جاسکے۔   کرشی  کلیان ابھیان     اسپائریشنل    اضلاع     میں   ایک ہزار سے زیادہ آبادی  والے 25 گاؤں میں     چلایا جائے گا۔     ان اضلاع کی   نشاندہی     نیتی آیوگ کی   ہدایات کے مطابق دیہی ترقیات کی وزارت نے   کی ہے۔    وہ اضلاع   جن میں  گاؤں کی تعداد    25 سے کم   (ایک ہزار سے زیادہ آبادی والے)   ہے ،  ان اضلاع میں   سبھی گاؤں کا    احاطہ  کیا جائے گا۔ 

وزارت کے   مختلف   محکموں   کے تحت      خصوصی طور پر نشان زد   سرگرمیوں پر   مشتمل   کارروائی    منصوبے کا نفاذ    ان پچیس گاؤں   کو  فیضیاب کرنے کے لئے کیا جائے گا۔  جن محکموں کے تحت   یہ سرگرمیاں    انجام دی جائیں گی   ان میں   زراعت  ، امداد باہمی   اور  کسانوں کی فلاح و بہبود  (ڈی اے سی این ایف ڈبلیو) مویشی پروری    ڈیری اور ماہی پروری   (ڈی اے ایچ ڈی  این  ایف ) اور   زرعی تحقیق وتعلیم کا محکمہ    (ڈی اے آر ای-آئی سی اے آر)  شامل ہیں۔

متعلقہ  ضلع کے     25 گاؤں میں   نفاذ  اور تال میل    بٹھانے کا  کام     اس ضلع کے   کرشی وگیان کیندر   کے ذریعہ کیا جارہا ہے۔      111 افسروں کو    ایک ایک ضلع کا     انچارج   بنایا گیا ہے    تاکہ وہ   بحیثیت مجموعی   تال میل کریں اور زمینی سطح پر نگرانی کا کام    کرسکیں۔   ان افسروں کا  انتخاب   زراعت اور  کسانوں کی  فلاح و بہبود کی   وزارت کے   ماتحت    /ملحقہ    / خودمختار   تنظیموں  /سرکاری زمروں  کی کمپنیوں   سے  کیا گیا ہے۔

 اس منصوبے کے تحت   بہترین   طور طریقوں کے  فروغ اور   زرعی آمدنی   میں   اضافہ  کے لئے    جو متعدد سرگرمیاں    انجام دی جارہی ہیں  ، وہ  حسب ذیل ہیں۔

*سبھی کسانوں کے درمیان    مٹی صحت کارڈ  کی تقسیم ۔

*ہر گاؤں میں    پیر اور منھ کی بیماری(ایف ایم ڈی) سے بچاؤ کے لئے   سو فی صد  مویشیوں(بیل، بھینس)  کی    ٹیکہ کاری

*پیسٹے ڈیس پیٹپس   ریومی نینٹس  (پی پی آر) کے خاتمے کے لئے   100 فی صد بھیڑوں اور بکریوں کا   احاطہ

*سبھی   کے درمیان    دالوں  اور  تلہنوں  کے  منی کٹس  کی تقسیم

* فی کنبہ    پانچ  کے حساب سے   باغبانی   /زرعی  فاریسٹری    / بمبو(بانس) کے پودوں کی تقسیم  

*ہر گاؤں میں   100 این اے  ڈی اے  پی  پٹس   بنانا۔

*مصنوعی طریقے پر   تخم  ریزی (مادہ تولید کو فرج میں مصنوعی طریقے سے کسی آلے کے ذریعے داخل کرنا)

*چھوٹی آبپاشی  سے متعلق    نمائشی (ڈیمانسٹریشن )

*مربوط  فصل کاری  کے  طورطریقوں  سے متعلق  نمائش۔

*اس کے علاوہ    چھوٹی آبپاشی اور مربوط فصل کاری   کے  طور طریقوں  کسے متعلق  نمائشی پروگرام   بھی ہوں گے  تاکہ کسانوں کو   تکنیک سے   واقف کرایا جاسکے اور   انہیں یہ بتایا جاسکے  کہ وہ   زمینی سطح پر   اسے  کیسے   بروئے کار  لاسکتے ہیں۔ 

شہد کے مکھیوں کی پرورش  ،  مشروم  کی کاشت کاری اور  کچن کارڈن    کے لئے  آئی سی اے آر   /کے وی ایس   کے ذریعہ ہر گاؤں میں   تربیتی پروگرام منعقد کئے جارہے ہیں۔    خواتین شرکا   اور کسانوں کو  تربیتی   پروگرام  میں  ترجیح دی جائے گی۔  

۔۔۔۔۔۔۔۔۔۔۔

 

 م ن۔ م م ۔ ج۔

U- 2920

 

(ریلیز آئی ڈی: 1534298) وزیٹر کاؤنٹر : 157