প্ৰধানমন্ত্ৰী শ্ৰী নৰেন্দ্ৰ মোদীৰ অধ্যক্ষতাত অনুষ্ঠিত কেন্দ্ৰীয় কেবিনেটে প্ৰশাসন, ৰূপায়ন আৰু ফ্ৰেমৱৰ্ক নিৰীক্ষণ ব্যৱস্থা শক্তিশালী কৰিবলৈ ৰাষ্ট্ৰীয় দক্ষতা বিকাশ পুঁজি(এনএছডিএফ) আৰু ৰাষ্ট্ৰীয় দক্ষতা বিকাশ নিগম(এনএছডিচি) পুনৰ গঠনত কেবিনেটৰ অনুমোদন জনাইছে৷

এই পুনৰ গঠনে এনএছডিচিৰ কামকাজত অধিক পাৰদৰ্শিতা আৰু দায়িত্ববোধ তথা উন্নত কৰ্প’ৰেট প্ৰশাসন আৰু স্বচ্ছতা সুনিশ্চিত হ’ব৷ তদুপৰি এনএছডিএফৰ নিৰীক্ষণ ভূমিকাও শক্তিশালী হ’ব৷ অনুমোদনৰ ফলস্বৰূপে এনএছডিএফ ব’ৰ্ডৰ পুনৰগঠনৰ লগতে এনএছডিচিৰ প্ৰশাসনিক ক্ষমতা, ৰূপায়ন আৰু ফ্ৰেমৱৰ্ক নিৰীক্ষণ প্ৰক্ৰিয়া সৱল হ’ব৷

পটভূমিঃ

দক্ষতা বিকাশৰ বাবে সহযোগিতামূলক কাৰ্য সঠিকভাৱে ৰূপায়ন কৰিবলৈ বিত্ত মন্ত্ৰালয়ে ২০০৮ৰ জুলাইত এনএছডিচি আৰু ২০০৯ৰ জানুৱাৰীত এনএছডিএফ স্থাপন কৰিছিল৷ চৰকাৰী সূত্ৰ, দ্বিপক্ষীয়/বহুপক্ষীয় আৰু অন্যান্য সংস্থাৰ পৰা আৰ্থিক বৰঙণিৰ আধাৰ হিচাপে এনএছডিএফ পুঁজি গঠন কৰা হৈছিল৷ ইয়াৰ মুখ্য উদ্দেশ্য আছিল বিভিন্ন খণ্ডৰ সৈতে জড়িত বিশেষ কাৰ্যসূচীৰ মাধ্যমেৰে ভাৰতীয় যুৱচামৰ দক্ষতা বিকাশক অধিক গতি প্ৰদান কৰা৷

দেশত দক্ষতা বিকাশক উদগণি যোগোৱা আৰু ৰাষ্ট্ৰীয় দক্ষতা বিকাশ অভিযানৰ নিৰ্ধাৰিত লক্ষ্যত উপনীত হ’বলৈ এনএচডিএফে এনএছডিচিৰ সৈতে এক বিনিয়োগ ব্যৱস্থাপনা চুক্তি(আইএমএ)স্বাক্ষৰ কৰে৷ এই বুজাবুজিৰ চুক্তি অনুসৰি এনএছডিচিয়ে এনএছডিএফৰ কামকাজৰ নিৰীক্ষণৰ দায়িত্বও লাভ কৰে৷

****

AKT/VBA/MS

(Release ID: 1528150) Visitor Counter : 120