Social Welfare
ہندوستان کی امرت پیڑھی کوبااختیار بنانا
Posted On: 03 JUN 2025 11:21AM
‘‘یہ حکومت کا عزم ہے کہ وہ امرت پیڑھی کے تمام خوابوں کو پورا کرے، ان گنت مواقع پیدا کرے اور ان کی راہ میں حائل تمام رکاوٹوں کو دور کرے۔’’
- وزیر اعظم جناب نریندر مودی
تعارف
گزشتہ گیارہ برسوں میں ہندوستانی حکومت نے نوجوانوں کو بااختیار بنانے کے لیے تندہی سے کام کیا ہے۔ ہندوستان میں نوجوانوں کی دنیا کی سب سے بڑی آبادی ہے، جس کی تقریباً 65 فیصد آبادی 35 سال سے کم عمر کی ہے۔ حکومت اسے ملک کی ترقی کو تیز کرنے اور طویل مدتی اسٹریٹجک ترقی حاصل کرنے کے ایک اہم موقع کے طور پر دیکھتی ہے۔ اس کا مقصد نوجوانوں کی ترقی میں مدد کرنا، ان کے مقاصد کو حاصل کرنا اور مستقبل میں ہندوستان کی قیادت کرنا ہے۔ حکومت اس بات کو یقینی بنا رہی ہے کہ نوجوانوں کو معیاری تعلیم، جدید ہنر، اچھی ملازمتیں اور کامیاب کاروباری بننے کے لیے مدد ملے۔
تعلیم: علم کو سپر پاور بنانا
گزشتہ ایک دہائی کے دوران، ہندوستان نے اسکولوں سے لے کر یونیورسٹیوں تک اپنے تعلیمی نظام کو مضبوط بنانے میں تیزی سے ترقی کی ہے۔ آئی آئی ٹیز، آئی آئی ایمس، اے آئی آئی ایم ایس جیسے اداروں کی بڑی اصلاحات اور توسیع سب کے لیے معیاری اور مستقبل کے لیے تیار تعلیم فراہم کرنے کے لیے حکومت کے پختہ عزائم کی عکاسی کرتی ہے۔
• قومی تعلیمی پالیسی(این ای پی) 2020:29 ستمبر 2020 کو اعلان کردہ قومی تعلیمی پالیسی 2020 میں اسکولی تعلیم کے ساتھ ساتھ اعلیٰ تعلیم بشمول فنی تعلیم میں مختلف اصلاحات تجویز کی گئی ہیں۔ اس کا مقصد 2030 تک پری اسکول سے سیکنڈری سطح تک جی ای آر (مجموعی اندراج کا تناسب) کو 100 فیصد تک بڑھانا ہے جبکہ پیشہ ورانہ تعلیم سمیت اعلیٰ تعلیم میں جی ای آر کو 26.3 فیصد (2018) سے بڑھا کر 2035 تک 50فیصد کرنا ہے۔
اعلیٰ تعلیمی ادارے: اے آئی ایس ایچ ای پورٹل کے مطابق اعلیٰ تعلیمی اداروں ( ایچ ای آئیز) کی تعداد میں قابل ذکر یعنی 13.8 فیصد اضافہ ہوا ہے، جو کہ 2014-15 میں 51,534 سے مئی 2025 تک 70,683 تک پہنچ گئی ہے۔ اس نمبر میں یونیورسٹیاں، کالج، اسٹینڈ الون یونیورسٹی/کالج، پی ایم ودیالکشمی اور آر اینڈ ڈی انسٹی ٹیوٹ شامل ہیں۔
• یونیورسٹی کی تعداد میں اضافہ : یونیورسٹیوں کی تعداد 2014-15 میں 760 سے بڑھ کر مئی 2025 تک 1,334 ہو گئی ہے، جو عالمی معیار کے اداروں کے لیے ہندوستان کی وابستگی کی عکاسی کرتی ہے۔
• کالج کی تعداد میں اضافہ : کالجوں کی تعداد 2014-15 میں 38,498 سے بڑھ کر اعلیٰ تعلیم کی بڑھتی ہوئی طلب کو پورا کرتے ہوئے مئی 2025 تک 51,959 ہو گئی ہے۔
• آئی آئی ٹی کی تعداد میں اضافہ: 2014 میں 16 انڈین انسٹی ٹیوٹ آف ٹیکنالوجی (آئی آئی ٹیز) تھے۔ آئندہ برسوں میں 7 نئے آئی آئی ٹی کے اضافے کے ساتھ مئی 2025 تک کل تعداد بڑھ کر 23 ہو گئی ہے۔
آئی آئی ٹی انفراسٹرکچر کو فروغ: 7 مئی 2025 کو کابینہ نے 5 آئی آئی ٹیز (تروپتی، پلکڈ، بھلائی، جموں، دھارواڑ) کے لیے فیز- بی کی توسیع کو منظوری دی۔ اس کے علاوہ، 2025-2029 تک بنیادی ڈھانچے کے لیے 11,828.79 کروڑ روپے کی منظوری دی گئی۔ تعمیر کی تکمیل پر یہ پانچ آئی آئی ٹیز 13,687 طلباء کو تعلیم فراہم کر سکیں گے جبکہ موجودہ طلباء کی تعداد 7,111 ہے، یعنی 6,576 طلباء کا اضافہ ہوا ہے۔
آئی آئی ایمس: 2014 میں 13 انڈین انسٹی ٹیوٹ آف مینجمنٹ ( آئی آئی ایمس) تھے۔ مئی 2025 تک یہ تعداد بڑھ کر 21 ہو جائے گی۔
• طبی تعلیم کو فروغ: 2014 کے بعد سے اے آئی آئی ایم ایس اداروں کی تعداد 7 سے بڑھ کر 23 ہو گئی ہے، اس میں مؤثر طریقے سے تعداد میں تین گنا اضافہ ہوا ہے۔ مزید برآں، میڈیکل کالجوں کی تعداد 387 سے بڑھ کر 2,045 ہو گئی ہے، جو 2024 تک 1.9 لاکھ سے زیادہ میڈیکل سیٹیں پیش کر رہے ہیں۔
اسکولوں کی ترقی: پی ایم اسکولز فار رائزنگ انڈیا) اسکیم کے تحت 14,500 اسکولوں کو اپ گریڈ کیا جائے گا۔ ستمبر 2022 میں شروع کی گئی پی ایم ایس آر آئی (پی ایم اسکولز فار رائزنگ انڈیا) اسکیم ایک مرکزی اسپانسر شدہ پہل ہے جس کی کل لاگت 27,360 کروڑ روپے (مرکزی حصہ کے طور پر 18,128 کروڑ) اورپانچ سال (2022-23 سے 2026-27) کے لیے ہے۔ اس اسکیم کا مقصد منتخب اسکولوں کو ماڈل اداروں میں تبدیل کرنا ہے جو قومی تعلیمی پالیسی 2020 کے تمام اجزا کی نمائش کرتے ہیں۔ یہ اسکول معیاری تعلیم، جامع ترقی اور 21ویں صدی کی مہارتوں پر توجہ مرکوز کریں گے، ساتھ ہی ساتھ پڑوسی اسکولوں کے لیے سرپرست اداروں کے طور پر بھی خدمات انجام دیں گے۔
مہارت کی ترقی: مستقبل کی ملازمتوں کے لیے تیاری
ہندوستان دنیا کی سب سے کم عمر آبادی والا ملک ہے۔ اس سے زیادہ سے زیادہ فائدہ اٹھانے کے لیے یہ ضروری ہے کہ نوجوانوں کو صنعت کی ضروریات کے مطابق ہنر کی تربیت دی جائے۔ گزشتہ چند برسوں میں بہت بڑی پیش رفت ہوئی ہے۔ اپنے آخری اور پری فائنل برسوں میں ان طلباء کی تعداد جو ملازمت کے لیے تیار ہیں 2014 میں 33.9 فیصد سے بڑھ کر 2024 میں 51.3 فیصد ہونے کا امکان ہے۔
• پی ایم کوشل وکاس یوجنا( پی ایم کے وی وائی) 2015 سے اب تک 1.63 کروڑ سے زیادہ نوجوانوں کو مہارت کے مختلف شعبوں میں تربیت دی گئی۔
پردھان منتری کوشل وکاس یوجنا(پی ایم کے وی وائی ) 2015 میں شروع کی گئی تھی جس کا مقصد ملک کے نوجوانوں کو شارٹ ٹرم ٹریننگ (ایس ایس ٹی ) اور پرائیر لرننگ کی پہچان ( آر پی ایل) کے ذریعے ہنر فراہم کرنا تھا۔
پی ایم کے وی وائی(2015-16) 1.0 ، میں19 لاکھ سے زیادہ امیدواروں کو تربیت دی گئی۔
پی ایم کے وی وائی 2.0 (2016-20)،میں 1.10 کروڑ امیدواروں کو تربیت دی گئی۔
پی ایم کے وی وائی (2016-20) 3.0 میں سال 2022-23 کے بعد سے 7.37 لاکھ امیدواروں کو تربیت دی گئی۔
سیکٹر اسکل کونسلز: کیپٹل گڈز سیکٹر کی توجہ کارکنوں کی تربیت، دوبارہ تربیت اور ان کی قابلیت کو اپ گریڈ کرنے کے ذریعے ان کی مہارتوں کو بہتر بنانے میں مدد کرنے پر مرکوز ہے۔ اس کی حمایت کرنے کے لیے سیکٹرا سکل کونسلز نے 40 کوالی فکیشن پیک (کیو پی ایس ) تیار کیے ہیں جو اعلیٰ درجے کی ملازمتوں کے لیے بنائے گئے ہیں۔ یہ کیو پی ایس واضح رہنما ہیں جو جدید ملازمتوں کے لیے درکار مہارتوں کو ظاہر کرتے ہیں۔ وہ کارکنوں کو صنعت کے معیارات پر پورا اترنے اور بہتر ملازمتیں حاصل کرنے کے لیے صحیح تربیت حاصل کرنے میں مدد کرتے ہیں۔
اسکل ڈیولپمنٹ اور انٹرپرینیورشپ پرقومی پالیسی، 2015 نے اسکل انڈیا مشن کا آغاز کیا اور نیشنل اسکل ڈیولپمنٹ کارپوریشن (این ایس ڈی سی) کے ذریعے سیکٹر اسکل کونسلز (ایس ایس سی) کے قیام کی تجویز پیش کی۔ یہ کونسلیں مہارت کے فرق کے تجزیہ کے ذریعے شناخت کیے گئے کلیدی شعبوں پر توجہ مرکوز کرتی ہیں۔ اب تک این ایس ڈی سی بورڈ نے 36 ایس ایس سیز کی منظوری دی ہے، جن کی گورننگ کونسلیں 600 سے زیادہ کارپوریٹ نمائندوں پر مشتمل ہیں، جو صنعت سے متعلقہ مہارت کی تربیت کو یقینی بناتی ہیں۔
• ایڈوانسڈ ٹریننگ: ویلڈنگ ریسرچ انسٹی ٹیوٹ ( ڈبلیو آر آئی) کے تحت بی ایچ ای ایل-بھیل ترچی میں کامن انجینئرنگ فیسیلٹی سینٹر (سی ای ایف سی) نے 8,143 افراد کو ویلڈنگ ٹیکنالوجیز کی تربیت دی۔ پروجیکٹ کی کل لاگت 87.06 کروڑ روپے ہے، جس میں بھاری صنعت کی منظور شدہ وزارت 69.648 کروڑ روپے ہے۔
کامن انجینئرنگ فیسیلٹی سینٹر (سی ای ایف سی) ایک مشترکہ ورک اسپیس یا سینٹر ہے جو چھوٹے اور درمیانے درجے کے کاروباری اداروں (ایس ایم ایز)، اسٹارٹ اپس اور کاروباری افراد کے لیے جدید انجینئرنگ آلات، مشینری اور ٹیکنالوجی تک رسائی فراہم کرتا ہے۔
ملازمت: تعمیراتی کریئر
روزگار کے مواقع پیدا کرنا اور روزگار کے مواقع کو بڑھانا حکومت کی اولین ترجیح رہی ہے۔ بھرتی، صنعت کی ترقی اور برآمدات میں مرکوز کوششوں نے تمام شعبوں میں رسمی ملازمتیں پیدا کرنے میں مدد کی ہے۔
• روزگار میلہ: وزیر اعظم کی طرف سے 22 اکتوبر 2022 کو شروع کیا گیا روزگار میلہ ملک بھر میں روزگار کے مواقع کو فروغ دینے کی جانب ایک اہم قدم ہے۔ اس کا مقصد نوجوانوں کو روزگار کے بامعنی مواقع فراہم کرکے انہیں بااختیار بنانا اور قومی ترقی میں ان کے کردار کو بڑھانا ہے۔ اب تک 15 قومی سطح کے جاب میلے منعقد کیے جا چکے ہیں جن کے ذریعے تقریباً 10 لاکھ تقرری کے لیٹرزتقسیم کیے جا چکے ہیں، جس سے ملک بھر میں سرکاری ملازمتیں فراہم کی جا رہی ہیں اور روزگار کے مواقع کو فروغ دیا جا رہا ہے۔
• ای پی ایف او ملازمت میں اضافہ: 2017 سے 8.59 کروڑ نئے سبسکرائبرز ای پی ایف او میں شامل ہوئے ہیں۔ قابل ذکر بات یہ ہے کہ اپریل 2020 سے لے کر اب تک 18-28 سال کی عمر کے 3.45 کروڑ سے زیادہ نوجوانوں نے اس میں شمولیت اختیار کی ہے، جو نوجوان کارکنوں میں روزگار میں اضافے کا اشارہ ہے۔
ایمپلائز پروویڈنٹ فنڈ آرگنائزیشن (ای پی ایف او) ایک سرکاری ادارہ ہے جو منظم شعبے کے ملازمین کے لیے رٹائرمنٹ کی بچت کا التزام کرتا ہے۔ اس کی شروعات 1951 میں ای پی ایف آرڈیننس کے ساتھ ہوئی، جسے بعد میں 1952 میں ای پی ایف ایکٹ سے تبدیل کر دیا گیا۔
انٹرپرینیورشپ: جاب سیکر سے جاب دینے والے تک
انٹرپرینیورشپ کو اب ہندوستان کے نوجوانوں میں ترقی اور خود انحصاری کے کلیدی محرک کے طور پر دیکھا جاتا ہے۔ مضبوط حکومتی حمایت کے ساتھ کاروبار شروع کرنا نوجوان ہندوستانیوں کے لیے ایک قابل احترام اور قابل حصول مقصد بن گیا ہے۔
• اسٹارٹ اپ انڈیا پروگرام: اسٹارٹ اپس انڈیا پہل نے ملک میں ایک متحرک کاروباری ماحولیاتی نظام کی تشکیل میں کلیدی کردار ادا کیا ہے۔ 2016 میں شروع کیا گیا اس پروگرام نے 1.6 لاکھ سے زیادہ تسلیم شدہ اسٹارٹ اپس کو سپورٹ کیا ہے، جس سے 17.6 لاکھ ملازمتیں پیدا ہوئی ہیں۔
• ڈی پی آئی آئی ٹی تسلیم شدہ اسٹارٹ اپس: صنعت اور اندرونی تجارت کے فروغ کے لیے محکمہ (ڈی پی آئی آئی ٹی) ایک نوڈل ایجنسی ہے جو اسٹارٹ اپ انڈیا پہل کو لاگو کرتی ہے اور اس کی نگرانی کرتی ہے، ہندوستان کے اختراعی ماحولیاتی نظام میں اسٹارٹ اپس کو پھلنے پھولنے کے لیے ضروری مدد فراہم کرتی ہے۔
اس توجہ پرمرتکز سپورٹ اور قابل بنانے والے ماحول کے نتیجے میں ہندوستان دنیا کا تیسرا سب سے بڑا اسٹارٹ اپ ایکو سسٹم بن گیا ہے، جس میں 31 دسمبر 2024 تک 1.57 لاکھ سے زیادہ اسٹارٹ اپس کو ڈی پی آئی آئی ٹی نے تسلیم کیا ہے۔ ان اسٹارٹ اپس نے 2017 اور 2024 کے درمیان مجموعی طور پر 4.8 لاکھ سے زیادہ براہ راست ملازمتیں پیدا کی ہیں۔
• مدرا یوجنا: 8 اپریل 2015 کو شروع کی گئی، پردھان منتری مدرا یوجنا (پی ایم ایم وائی) لاکھوں چھوٹے کاروباریوں کو آسان قرض فراہم کرتی ہے۔ 23 جولائی 2024 کو قرض کی حد 10 لاکھ روپے سے بڑھا کر 20 لاکھ روپے کر دی گئی تاکہ خواہشمند کاروباری افراد کو مزید مدد فراہم کی جا سکے۔
گزشتہ دہائی میں کاروباریوں کو منظور کیے گئے قرضوں کی تعداد میں نمایاں اضافہ دیکھا گیا ہے۔ 2015-16 میں 3.49 کروڑ قرضوں کی منظوری دی گئی تھی جو 2023-24 میں بڑھ کر 6.67 کروڑ ہو گئی۔ 21 مارچ 2025 تک، 2024-25 کے لیے عارضی اعداد و شمار 4.53 کروڑ قرضے ہیں۔ کاروباری قرضوں میں یہ اضافہ کل قرض کی رقم میں نمایاں اضافہ سے میل کھاتا ہے جو 2015-16 میں 1.37 لاکھ کروڑ روپے سے بڑھ کر 2024-25 میں 33.65 لاکھ کروڑ روپے ہو گیا ہے۔
کھیل: ہندوستان کو کھیلوں کا ملک بنانا
حکومت نے ملک بھر میں کھیلوں کے فروغ اور نوجوان ٹیلنٹ کو سپورٹ کرنے کے لیے بڑے اقدامات کیے ہیں۔ بہتر تربیت، سہولیات اور مالی امداد کے ساتھ ہندوستان کھیلوں کا ایک مضبوط ملک بن رہا ہے۔
• ٹارگٹ اولمپک پوڈیم اسکیم ( ٹی او پی ایس): اس سکیم کے تحت 94 کور گروپ ایتھلیٹس اور 112 ڈیولپمنٹ گروپ ایتھلیٹس کو ان کی تربیت اور تیاری کے لیے مکمل تعاون حاصل ہے۔ ٹارگٹ اولمپک پوڈیم اسکیم (ٹی او پی ایس) نوجوانوں کے امور اور کھیلوں کی وزارت کا ایک اہم اقدام ہے جو ستمبر 2014 میں شروع کیا گیا تھا تاکہ ہندوستان کے سرفہرست ایتھلیٹس کو اولمپک اور پیرا اولمپک تمغے جیتنے میں مدد فراہم کی جا سکے۔ یہ تربیت، سامان، بین الاقوامی نمائش اور ماہانہ وظیفہ جیسی جامع مدد فراہم کرتا ہے۔
• کھیلو انڈیا ابھیان: نچلی سطح پر ٹیلنٹ کو پروان چڑھانے کے لیے 1,048 مراکز کھولے گئے ہیں۔ کھیلو انڈیا کے تحت 3000 کھلاڑیوں کو سالانہ 6.28 لاکھ روپے کی مالی امداد دی گئی۔
‘کھیلو انڈیا نیشنل اسپورٹس ڈیولپمنٹ پروگرام’ 2016-17 میں شروع کیا گیا تھا جس کا مقصد ملک بھر میں کھیلوں میں وسیع تر شرکت اور بہترین کارکردگی کو فروغ دینا تھا۔ اس اسکیم کو 2021-22 سے بڑھا کر 2025-26 تک 3790.50 کروڑ روپے کے مالیاتی اخراجات پر بڑھا دیا گیا ہے۔
• نیشنل گیمز 2025: 38ویں نیشنل گیمز اتراکھنڈ میں 28 جنوری سے 14 فروری 2025 تک منعقد ہوئے، جس میں ہندوستان بھر سے 10,000 سے زیادہ ایتھلیٹس نے حصہ لیا۔ سروسز اسپورٹس کنٹرول بورڈ نے 68 گولڈ، 26 سلور اور 27 برانز میڈلز کے ساتھ میڈل ٹیلی میں سرفہرست رہا۔ مہاراشٹرا فرسٹ رنر اپ (54 طلائی، 71 چاندی، 76 کانسہ)، اس کے بعد ہریانہ دوسرے رنر اپ (48 سونے، 47 چاندی، 58 کانسہ) کے طور پر رہا۔ میگھالیہ 2026 میں 39 ویں ایڈیشن کی میزبانی کرے گا۔ ہندوستان 2036 کے اولمپک کھیلوں کی میزبانی کے لیے اپنے کھیلوں کے ماحولیاتی نظام کو مضبوط کرنا جاری رکھے گا۔
• تمغے کی کامیابیاں:
o ٹوکیو اولمپکس 2021 اور پیرس اولمپکس 2024: ہندوستان نے ٹوکیو اولمپکس 2020 میں 7 تمغے جیتے ہیں۔ ان میں ایک طلائی، 2 چاندی اور 4 کانسہ کے تمغے شامل ہیں۔ ہندوستان نے پیرس اولمپکس 2024 میں 6 تمغے جیتے تھے۔ ان میں ایک چاندی اور 5 کانسہ کے تمغے شامل تھے۔
o پیرس پیرا اولمپکس 2024: ہندوستان کی اب تک کی سب سے کامیاب پیرا اولمپک مہم 2024 کے پیرس گیمز میں منظر عام پر آئی، جہاں ہندوستانی کھلاڑیوں نے غیر معمولی کارنامے انجام دئیے، اور ریکارڈ توڑ 29 تمغے حاصل کیے۔
o کامن ویلتھ گیمز 2022: کامن ویلتھ گیمز 2022 برمنگھم میں منعقد ہوئے، جہاں ہندوستان نے مختلف کھیلوں میں 61 تمغے (22 گولڈ، 16 سلور اور 23 کانسہ کے تمغے) جیتے ہیں۔
نوجوانوں کی توانائی کو ملک کی طرف راغب کرنا
ہندوستان لیڈرشپ، نظم و ضبط اور اختراع کو فروغ دینے والے اقدامات کے ذریعے اپنے نوجوانوں کو قومی تعمیر میں شامل کر رہا ہے۔ اگنی پتھ اور دوبارہ شروع کیا گیا نیشنل یوتھ فیسٹول جیسے پروگرام نوجوان ہندوستانیوں کے لیے خدمت، رہنمائی اور مستقبل کی تشکیل کے لیے نئی راہیں پیدا کر رہے ہیں۔
• اگنی پتھ اسکیم: فروری 2025 تک اس اسکیم کے تحت 1.5 لاکھ اگنی ویروں کا اندراج کیا گیا ہے۔
حکومت نے اگنی پتھ اسکیم کا آغاز 15 جون 2022 کو کیا تھا، جس میں چار سال کی مدت کے لیے تینوں خدمات کے ‘ افسر رینک کے نیچے’کے کیڈر میں مرد اور خواتین دونوں امیدواروں کو اگنی ویر کے طور پر بھرتی کیا گیا تھا۔ اس اسکیم کے لئے 17.5 سے 21 سال کی عمر کے امیدوار درخواست دینے کے اہل ہیں۔
• نیشنل یوتھ فیسٹول 2025: دی ڈیولپڈ انڈیا یوتھ لیڈرز ڈائیلاگ 2025، جو 11-12 جنوری کو سوامی وویکانند کی 162ویں یوم پیدائش کی یاد میں منعقد ہوا تھا جس میں ہندوستان بھر سے 3,000 غیر معمولی نوجوان رہنماؤں کو اکٹھا کیا گیا۔ 30 لاکھ سے زیادہ شرکاء میں سے ایک سخت، میرٹ پر مبنی عمل کے ذریعے منتخب کیا گیا۔ اس تقریب میں وزیر اعظم جناب نریندر مودی کے ساتھ 12 جنوری کو ایک خصوصی بات چیت کی گئی تھی۔ قومی یوتھ فیسٹول کے 25 سال پرانے فارمیٹ سے رخصت ہوتے ہوئے، پلیٹ فارم نے نوجوانوں سے جدید خیالات اور مثالی حل پیش کرنے پر زور دیا تاکہ ترقی پذیر ہندوستان کی تعمیر کے لیے مثالی حل پیش کریں۔
خلاصہ
گزشتہ گیارہ برسوں میں ہندوستان نے اپنے نوجوانوں کو بااختیار بنانے پر توجہ مرکوز کی ہے۔ بہتر تعلیم اور ہنر سے لے کر ملازمتوں اور کاروبار میں معاونت تک کئی اقدامات کئے گئے ہیں۔ حکومت نے مزید کالج بنائے ہیں، کروڑوں لوگوں کو ہنر مندی کی اسکیموں کے تحت تربیت دی ہے اور اسٹارٹ اپس کو بڑھنے میں مدد دی ہے۔ روزگار میلہ، کھیلو انڈیا اور اگنی پتھ جیسے پروگرام نوجوانوں کو نئے مواقع فراہم کرتے ہیں۔ ان کوششوں سے ہندوستان اپنی نوجوان آبادی کو ایک مضبوط اور ترقی یافتہ قوم کے لیے محرک قوت میں تبدیل کر رہا ہے۔ ‘امرت پیڑھی’کو بااختیار بنانا امرت کال میں ہندوستان کو عالمی رہنما بنانے کا راستہ ہے۔
حوالہ جات:
Empowering India's Amrit-Peedhi
*******
(Backgrounder ID: 154547)
Visitor Counter : 22