पर्यावरण, वन तथा जलवायु परिवर्तन मन्त्रालय
azadi ka amrit mahotsav

बोत्सवानाबाट ल्याइएको चितुवाले जंगलमा जन्मायो चारवटा डमरु, भारतमा चितुवाको सङ्ख्या पुग्यो ६२


पोस्ट गरियो: 20 NOV 2026 10:45AM by PIB Gangtok

बोत्सवानाबाट भारत ल्याइएको साढे दुई वर्षीया पोथी चितुवा ‘कोम्ग ३’ ले आज प्राकृतिक वातावरणमा चारवटा स्वस्थ डमरुलाई जन्म दिएको छ। यस घटनालाई प्रोजेक्ट चिता तथा भारतमा चितुवाको दिगो जनसङ्ख्या पुनःस्थापना गर्ने प्रयासका लागि महत्त्वपूर्ण उपलब्धिका रूपमा लिइएको छ।

सामाजिक सञ्जालमा एक सन्देश जारी गर्दै केन्द्रीय पर्यावरण, वन तथा जलवायु परिवर्तन मन्त्री भूपेन्द्र यादवले ‘कोम्ग ३’ बोत्सवानाबाट ल्याइएकी पहिलो पोथी चितुवा भएको बताउनुभएको छ, जसले भारतमा डमरुलाई जन्म दिएकी छ। उहाँले प्राकृतिक अवस्थामा डमरु जन्माउनुअघि उक्त चितुवाले चार महिनाभन्दा बढी समय जंगलमा बिताएको पनि उल्लेख गर्नुभएको छ। सन् २०२२ मा चितुवा पुनःस्थापना कार्यक्रम सुरु भएयता जंगलमा डमरु जन्मिएको यो दोस्रो अभिलेख हो।

श्री यादवले चारवटा डमरुको जन्मसँगै भारतमा चितुवाको कुल सङ्ख्या बढेर ६२ पुगेको बताउनुभएको छ, जसमा भारतमै जन्मिएका ४३ वटा चितुवा रहेका छन्। उहाँले यस घटनालाई प्रोजेक्ट चिताका लागि ऐतिहासिक उपलब्धि तथा भारतमा चितुवाको दिगो जनसङ्ख्या पुनःस्थापना गर्ने यात्राको गौरवपूर्ण क्षणका रूपमा वर्णन गर्नुभएको छ।

मन्त्रीले प्रत्येक नयाँ जन्मले संरक्षणप्रतिको आशा बलियो बनाउनुका साथै प्रतिबद्धतालाई अझ गहिरो बनाउने उल्लेख गर्नुभएको छ। साथै, वन्यजन्तु संरक्षणका लागि धैर्य, निरन्तर प्रयास र सामूहिक सहभागिता आवश्यक रहेको उहाँले दोहोर्‍याउनुभएको छ। परियोजना चितुवाको सफलताका लागि निरन्तर खटिरहेका परियोजना व्यवस्थापक, पशु चिकित्सक, अग्रपङ्क्तिमा कार्यरत वन कर्मचारी तथा यस कार्यमा संलग्न सबैको समर्पण, प्रतिबद्धता र मेहनतको पनि उहाँले प्रशंसा गर्नुभएको छ।

*********

MPS/TWB


(रिलिज आईडी: 2338908) आगन्तुक काउन्टर : 4
मा यो विज्ञप्ति पढ्नुहोस्: English , Urdu , Gujarati