પ્રધાનમંત્રીએ ભગવાન બિરસા મુંડાને તેમની જયંતી પર શ્રદ્ધાંજલિ અર્પણ કરી અને જનજાતીય ગૌરવ દિવસની શુભેચ્છાઓ પાઠવી

પ્રધાનમંત્રી શ્રી નરેન્દ્ર મોદીએ આજે ભગવાન બિરસા મુંડાની જન્મજયંતી પર તેમને આદરપૂર્વક શ્રદ્ધાંજલિ અર્પણ કરી હતી અને જનજાતીય ગૌરવ દિવસના પવિત્ર અવસર પર દેશવાસીઓને હાર્દિક શુભેચ્છાઓ પાઠવી હતી.

ધરતી આબાના અદમ્ય સાહસ, સંઘર્ષ અને બલિદાનને યાદ કરતા, પ્રધાનમંત્રીએ નોંધ્યું હતું કે તેમનો વારસો દરેક પેઢીને સ્વાભિમાન, સ્વતંત્રતા અને અધિકારોની રક્ષા કરવા માટે પ્રેરિત કરતો રહેશે. તેમનાથી પ્રેરિત થઈને, શ્રી મોદીએ જણાવ્યું હતું કે સરકાર આદિવાસી ભાઈઓ અને બહેનોના સન્માન, તકો અને સમૃદ્ધિ માટે કોઈ કસર છોડી રહી નથી, અને તેમણે સૌને રાષ્ટ્ર નિર્માણમાં આદિવાસી સમાજના અમૂલ્ય યોગદાનને નમન કરવા આહ્વાન કર્યું હતું.

પ્રધાનમંત્રીએ એક્સ (X) પર શેર કર્યું:

"ભગવાન બિરસા મુંડા જીની જયંતી પર તેમને સમસ્ત દેશવાસીઓ વતી મારા કોટિ-કોટિ નમન.

આપ સૌને આ દિવ્ય અવસર સાથે જોડાયેલા જનજાતીય ગૌરવ દિવસની ખૂબ ખૂબ શુભકામનાઓ.

ધરતી આબાનું અદમ્ય સાહસ, સંઘર્ષ અને બલિદાન દેશની દરેક પેઢીને સ્વાભિમાન, સ્વતંત્રતા અને અધિકારોની રક્ષા માટે પ્રેરિત કરતું રહેશે.

તેમની પાસેથી પ્રેરણા લઈને અમારી સરકાર આદિવાસી ભાઈ-બહેનોના સન્માન, તકો અને સમૃદ્ધિ માટે કોઈ કસર છોડી રહી નથી.

ચાલો, સૌ સાથે મળીને રાષ્ટ્ર નિર્માણમાં આદિવાસી સમાજના બહુમૂલ્ય યોગદાનને નમન કરીએ."

SM/NP/JD