مرکزی وزیرِ داخلہ اور وزیرِ تعاون جناب امت شاہ مہاراشٹر کے پونے میں این ایچ ای سی ملٹی اسٹیٹ کوآپریٹو سوسائٹی کی بھومی پوجن کریں گے

وزیرِ اعظم جناب نریندر مودی کے ’سہکار سے سمردھی‘ کے وژن کو حقیقت کا روپ دینے اور ملک میں کوآپریٹو تحریک کو مزید مضبوط، جدید اور زیادہ جامع بنانے کی سمت ایک اہم پہل کے طور پر، مرکزی وزیرِ داخلہ اور وزیرِ تعاون جناب امت شاہ اتوار، 15 نومبر 2026 کو مہاراشٹر کے پونے ضلع کے تالیگاؤں دابھڑے میں منعقد ہونے والے ایک پروگرام میں این ایچ ای سی ملٹی اسٹیٹ کوآپریٹو سوسائٹی کی بھومی پوجن کریں گے۔ اس موقع پر، جناب امت شاہ مرکزی رجسٹرار برائے کوآپریٹو سوسائٹیز (سی آر سی ایس) کے مغربی علاقائی دفتر کا بھی افتتاح کریں گے اور پونے کے لیے بھارت ٹیکسی خدمات کا آغاز کریں گے۔ امداد باہمی اور شہری ہوا بازی کے مرکزی وزیرِ مملکت جناب مرلیدھر موہول، مہاراشٹر کی نائب وزیرِ اعلیٰ محترمہ سنیترا اجیت پوار، نائب وزیرِ اعلیٰ جناب ایکناتھ شندے اور دیگر معززین اس تقریب میں موجود رہیں گے۔

مرکزی وزیرِ داخلہ اور وزیرِ تعاون جناب امت شاہ کی قیادت میں، وزارتِ امداد باہمی کوآپریٹو اداروں کو مالی طور پر مضبوط کرنے، ان کے کام کاج میں شفافیت اور جواب دہی کو بڑھانے، کوآپریٹو پر مبنی کاروباری اداروں کو فروغ دینے اور کوآپریٹو سیکٹر میں نئے اقتصادی مواقع پیدا کرنے کے لیے مسلسل کوششیں کر رہی ہے۔ پونے میں یہ پروگرام ان اقدامات کو آگے بڑھانے کی سمت ایک اور اہم قدم کی نشان دہی کرتا ہے۔

مرکزی وزیرِ داخلہ اور وزیرِ تعاون جناب امت شاہ این ایچ ای سی ملٹی اسٹیٹ کوآپریٹو سوسائٹی کا بھومی پوجن کر کے پروگرام کا آغاز کریں گے۔ این ایچ ای سی ملٹی اسٹیٹ کوآپریٹو سوسائٹی پروجیکٹ کی سنگ بنیاد کی تقریب کوآپریٹو کی قیادت میں صنعتی اور اقتصادی سرگرمیوں کو وسعت دینے کی سمت ایک اہم پہل کی نشان دہی کرتی ہے۔ اس موقع پر، این ایچ ای سی اور آئی ڈی ایم سی لمیٹڈ کے درمیان ایک مفاہمت نامہ (ایل او آئی) کا بھی تبادلہ کیا جائے گا۔ اس پہل سے ادارہ جاتی تعاون کو فروغ ملنے اور کوآپریٹو سیکٹر میں نئے مواقع کھلنے کی امید ہے۔

پروگرام کے دوران، جناب امت شاہ مرکزی رجسٹرار برائے کوآپریٹو سوسائٹیز (سی آر سی ایس) کے مغربی علاقائی دفتر کا ورچوئل افتتاح کریں گے۔ یہ پہل علاقائی سطح پر ملٹی اسٹیٹ کوآپریٹو سوسائٹیز کے لیے انتظامی اور ریگولیٹری خدمات کو مزید قابلِ رسائی بنانے کی سمت ایک اہم قدم کی نشان دہی کرتی ہے، جب کہ کوآپریٹو اداروں کے کام کاج میں آسانی، شفافیت اور جواب دہی کو فروغ دیتی ہے۔

اسی موقع پر، مرکزی وزیرِ داخلہ اور وزیرِ تعاون مہاراشٹر کے پونے کے لیے بھارت ٹیکسی خدمات کا آغاز کریں گے۔ یہ پہل، جس کا مقصد کوآپریٹو پر مبنی نقل و حمل کی خدمات کو وسعت دینا ہے، سارتھیوں (ڈرائیور-پارٹنرز) کی زیادہ شرکت کی حوصلہ افزائی کرنے اور نقل و حمل کے شعبے میں کوآپریٹو ماڈل کو مزید مضبوط کرنے کی امید ہے۔ پروگرام کے دوران، چار بھارت ٹیکسی سارتھیوں کو شیئر سرٹیفکیٹ بھی پیش کیے جائیں گے، جو رکن کی شرکت اور ملکیت کے اصولوں کو اجاگر کریں گے جو کوآپریٹو ماڈل کے مرکز میں ہیں۔

پونے میں یہ پروگرام کوآپریٹو اداروں کو مضبوط کرنے، کوآپریٹو پر مبنی انٹرپرینیورشپ کو فروغ دینے اور نئی اقتصادی سرگرمیوں کو وسعت دینے کی سمت ایک اہم پہل کی نمائندگی کرتا ہے۔ وزیرِ اعظم جناب نریندر مودی کے ’سہکار سے سمردھی‘ کے وژن کی رہ نمائی میں اور مرکزی وزیرِ داخلہ اور وزیرِ تعاون جناب امت شاہ کی قیادت میں، وزارتِ امداد باہمی ملک بھر میں کوآپریٹو اداروں کو مزید قابل، مسابقتی اور عوام پر مبنی بنانے کے لیے کام جاری رکھے ہوئے ہے۔

***

(ش ح - ع ا)

U.No. 7657