থাগৎখিবা:
12 NOV 2026 11:41PM by PIB Imphal
রিপব্লিক ওফ ফিলিপিন্সকী প্রসিদেন্ত, ঐচ.ই. মিস্তর ফর্দিনান্দ আর. মার্কোস জুনিয়রগী চেবাউগী মতুং ইন্না, প্রধান মন্ত্রী শ্রী, নরেন্দ্র মোদীনা ২০২৬কী নবেম্বর ১৬তগী ১৭ ফাওবা ফিলিপিন্সকী মনিলাদা চৎকনি।
খোঙচৎ অসিগী মনুংদা, ২০২৬কী নবেম্বর ১৭তা ফিলিপিন্সনা ২০২৬কী আসিয়ান (ASEAN) চিয়র ওইনা য়ুম্বু ওইদুনা পাংথোক্কদৌরিবা ২৩ শুবা আসিয়ান-ইন্দিয়া সম্মিত অমসুং ২১ শুবা ইস্ত এসিয়া সম্মিত (EAS)তা প্রধান মন্ত্রীনা শরুক য়াগনি।
ভারত-আসিয়ান মরী অসি ভারতকী এক্ত ইস্ত পোলিসী অমসুং ইন্দো-পেসিফিক্কীদমক ঐখোয়গী পান্দমগী য়াম্না মরুওইবা য়ুম্বী অমনি। ভারত অমসুং এসিয়ন্না ২০২৬পু আসিয়ান-ইন্দিয়া য়িয়র ওফ মেরিতাইম কোওপরেসন ওইনা হরাও-তয়াম্না পাংথোক্লিবা মনুং অসিদা খোঙচৎ অসি লাকপনি, অমসুং ২০২৭তা ঐখোয়গী দাইলোগ রিলেসন্সকী চহি ৩৫ অমসুং ঐখোয়গী কম্প্রিহেন্সিব স্ত্রেতেজিক পার্তনরসিপকী চহি মঙা মপুং ফারকপা নিংশিংগনি।
আসিয়ান-ইন্দিয়া সম্মিত অসিনা আসিয়ান-ইন্দিয়া প্লান ওফ এক্সন ২০২৬-২০৩০ য়াওনা কম্প্রিহেন্সিব স্ত্রেতেজিক পার্তনরসিপ থবক্তা ওন্থোকপদা ফংলিবা খুমাং চাউশিনবা অদু নৈনগনি, অমসুং পুন্না থবক তৌমিন্নবগী তুংগী মাইকৈ অদু লেপকনি।
ইস্ত এসিয়া সম্মিত অসিনা আসিয়ান অমসুং শরুক য়ারিবা অতৈ লৈবাকশিংগা লোয়ননা লমদম অসিগী অমসুং মালেমগী ওইবা মরুওইবা ৱাফমশিংগী মতাংদা ৱাখল্লোনশিং তাথোক-তাশিন তৌনবগী খুদোংচাবা অমা পীরগনি।
*****