પ્રધાનમંત્રીએ અનુજ શ્રીવાત્રીને ભારતના 100મા ચેસ ગ્રાન્ડમાસ્ટર બનવા બદલ અભિનંદન પાઠવ્યા

પ્રધાનમંત્રી શ્રી નરેન્દ્ર મોદીએ આજે અનુજ શ્રીવાત્રી દ્વારા પ્રતિષ્ઠિત ખિતાબ પ્રાપ્ત કર્યા પછી ભારત દ્વારા ચેસ ગ્રાન્ડમાસ્ટર્સની સદી પૂર્ણ કરવાની ઐતિહાસિક સિદ્ધિની પ્રશંસા કરી હતી.

આ સિદ્ધિને અસાધારણ ગણાવતા, પ્રધાનમંત્રીએ અનુજ શ્રીવાત્રીને ભારતના 100મા ચેસ ગ્રાન્ડમાસ્ટર બનવા બદલ અભિનંદન આપ્યા હતા અને તેને એક અદ્ભુત સિદ્ધિ ગણાવી હતી. તેમણે જણાવ્યું હતું કે ભારતનું 100 ગ્રાન્ડમાસ્ટર્સ સુધી પહોંચવું એ એક નોંધપાત્ર સિદ્ધિ છે જે દેશના ખેલાડીઓની અપાર પ્રતિભા, સમર્પણ અને સખત મહેનત તેમજ યુવાનોમાં ચેસની વધતી જતી લોકપ્રિયતાને પ્રતિબિંબિત કરે છે.

પ્રધાનમંત્રીએ દેશના વિવિધ ભાગોમાંથી ઉભરી રહેલી અને વૈશ્વિક મંચ પર પોતાની છાપ છોડી રહેલી યુવા ચેસ પ્રતિભાઓને જોઈને આનંદ વ્યક્ત કર્યો હતો અને આશા વ્યક્ત કરી હતી કે આ સિદ્ધિ વધુ ઘણા યુવાનોને ચેસ અપનાવવા અને શ્રેષ્ઠતા પ્રાપ્ત કરવા માટે પ્રેરણા આપશે.

પ્રધાનમંત્રીએ X પર શેર કર્યું:

"ભારતે ચેસમાં સદી ફટકારી છે! 

છે ને આ અસાધારણ સિદ્ધિ?

ભારત હવે 100 ચેસ ગ્રાન્ડમાસ્ટર્સનું ઘર બન્યું છે! 

અનુજ શ્રીવાત્રીને ભારતના 100મા ચેસ ગ્રાન્ડમાસ્ટર બનવા બદલ અભિનંદન! આ કેટલી અદ્ભુત સિદ્ધિ છે. 

ભારતનું 100 ગ્રાન્ડમાસ્ટર્સ સુધી પહોંચવું એ એક નોંધપાત્ર સિદ્ધિ છે જે આપણા ખેલાડીઓની અપાર પ્રતિભા, સમર્પણ અને સખત મહેનત તેમજ આપણા યુવાનોમાં ચેસની વધતી જતી લોકપ્રિયતાને પ્રતિબિંબિત કરે છે. 

દેશના વિવિધ ભાગોમાંથી ઉભરી રહેલી અને વૈશ્વિક મંચ પર પોતાની છાપ છોડી રહેલી યુવા ચેસ પ્રતિભાઓને જોઈને વિશેષ આનંદ થાય છે. 

આશા છે કે આ સિદ્ધિ વધુ ઘણા યુવાનોને ચેસ અપનાવવા અને શ્રેષ્ઠતા પ્રાપ્ત કરવા માટે પ્રેરણા આપશે."

SM/BS/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com