કૃષિ અને ખેડૂત કલ્યાણ વિભાગે સ્પેશિયલ કેમ્પેઇન 6.0 હેઠળ વિવિધ પ્રવૃત્તિઓ સક્રિયપણે હાથ ધરી

કૃષિ અને ખેડૂત કલ્યાણ વિભાગે (DA&FW) સરકારી કાર્યાલયોમાં સ્વચ્છતાને સંસ્થાકીય બનાવવાની અને પેન્ડન્સી ઘટાડવા પર ધ્યાન કેન્દ્રિત કરીને બે તબક્કામાં – 16 થી 30 સપ્ટેમ્બર સુધીના તૈયારીના તબક્કા અને 2 ઓક્ટોબર થી 31 ઓક્ટોબર, 2026 સુધીના અમલીકરણના તબક્કામાં અમલમાં મૂકાયેલા સ્પેશિયલ કેમ્પેઇન 6.0 હેઠળ વિવિધ પ્રવૃત્તિઓ સક્રિયપણે હાથ ધરી છે. આ અભિયાનમાં પેન્ડિંગ સંદર્ભોનો નિકાલ, જાહેર ફરિયાદો, રેકોર્ડ મેનેજમેન્ટ, ઓફિસની જગ્યા મુક્ત કરવી, અને ઈ-વેસ્ટ તથા ભંગાર વગેરેનું વર્ગીકરણ અને યોગ્ય નિકાલ જેવી બાબતોને આવરી લેવામાં આવી હતી. DA&FW ની તમામ સંલગ્ન/તાબા હેઠળની કચેરીઓ અને ક્ષેત્રીય એકમોએ સ્પેશિયલ કેમ્પેઇનમાં સક્રિયપણે ભાગ લીધો છે. 21 ઓક્ટોબર 2026 ને દેશભરમાં દિવસભરના સઘન સ્વચ્છતા અને વહીવટી કાર્યક્ષમતા અભિયાન માટે DA&FW માટેના સમર્પિત દિવસ તરીકે ઉજવવામાં આવ્યો હતો.

સ્પેશિયલ કેમ્પેઇન 6.0 દરમિયાન હાથ ધરવામાં આવેલી વિવિધ પ્રવૃત્તિઓ

1. રાષ્ટ્રવ્યાપી વૃક્ષારોપણ અભિયાન: -

હરિયાળા પર્યાવરણ પ્રત્યે મજબૂત પ્રતિબદ્ધતા દર્શાવતા, DA&FW ની વિવિધ સંલગ્ન/તાબા હેઠળની/ક્ષેત્રીય કચેરીઓએ દેશભરમાં 2,000 થી વધુ છોડ વાવ્યા છે.

2. સચિવ (DA&FW) એ નેશનલ સીડ્સ કોર્પોરેશન (NSC) ની મુલાકાત લીધી: -

સચિવ (DA&FW) એ સ્પેશિયલ કેમ્પેઇન 6.0 હેઠળ ચાલી રહેલી અભિયાન પ્રવૃત્તિઓની સમીક્ષા કરવા નવી દિલ્હી ખાતે નેશનલ સીડ્સ કોર્પોરેશનની મુલાકાત લીધી હતી. આ મુલાકાતમાં વૃક્ષારોપણ અભિયાન, અધિકૃત રિસાયકલર્સ દ્વારા ભંગાર અને ઈ-વેસ્ટ નિકાલ માટેના ટ્રકોને લીલી ઝંડી દર્શાવી રવાના કરવા અને સ્વચ્છતા સ્ટાફનું સન્માન કરવાનો સમાવેશ થતો હતો. સચિવે રૂફટોપ સોલાર પાવર સુવિધા (84 kW ક્ષમતા) અને બીજ પ્રક્રિયા તથા પેકિંગ યુનિટનું પણ નિરીક્ષણ કર્યું હતું. નોન-સીડ સામગ્રીનો ઉપયોગ કરીને પક્ષીઓના ચણ બનાવવાની તૈયારી,  વેચાયા વગરના બીજમાંથી માઇક્રો ગ્રીન્સ અને મૂલ્યવર્ધિત ઉત્પાદનોના પ્રદર્શન જેવી નવીન પહેલો પણ દર્શાવવામાં આવી હતી, જે ટકાઉપણું, કાર્યક્ષમ સંસાધન ઉપયોગ અને વેસ્ટ ટુ વેલ્થ (કચરામાંથી સમૃદ્ધિ) ના અભિગમને રેખાંકિત કરે છે.

3. સ્વચ્છતા અભિયાનો: DA&FW ની ક્ષેત્રીય કચેરીઓએ સ્વચ્છ અને આરોગ્યપ્રદ કાર્યસ્થળને પ્રોત્સાહન આપવા માટે સ્વચ્છતા અભિયાનો ચલાવ્યા હતા. અભિયાન હેઠળ, સ્વચ્છતા પ્રવૃત્તિઓ માટે ઓળખવામાં આવેલા 999 સ્થળોના લક્ષ્યાંક સામે 1179 સ્થળોને આવરી લેવામાં આવ્યા છે. 
4. વેસ્ટ ટુ વેલ્થ મોડલ્સ: - CFMTTI (બુધની), MANAGE (હૈદરાબાદ), NRFMTTI (હિસાર), અને NERFMTTI (બિશ્વાનાથ ચારિયાલી) સહિત DA&FW ની વિવિધ ક્ષેત્રીય કચેરીઓએ સંપૂર્ણપણે ઇલેક્ટ્રોનિક કચરા અને ફેંકી દેવાયેલા ભાગોમાંથી બનાવેલા નવીન મોડલ્સ દર્શાવ્યા હતા. નોંધપાત્ર પ્રદર્શનોમાં NERFMTTI આસામ ખાતે સરકિટ બોર્ડમાંથી બનાવેલ વિશાળ ગેંડાનું મોડલ, તેમજ ભંગાર મશીનરીમાંથી બનાવેલ દરિયાઈ બોટ અને ટ્રેક્ટરના કાર્યકારી મોડલ્સનો સમાવેશ થાય છે.

5. સમીક્ષા બેઠકો: - ઓળખવામાં આવેલી પ્રવૃત્તિઓના સુચારૂ અને અસરકારક સંચાલન માટે DA&FW ના નોડલ અધિકારીઓ અને તેની સંલગ્ન, તાબા હેઠળની અને ક્ષેત્રીય કચેરીઓ સાથે સ્પેશિયલ કેમ્પેઇન 6.0 દરમિયાન અનેક સમીક્ષા બેઠકો યોજવામાં આવી હતી.

સ્પેશિયલ કેમ્પેઇન 6.0 હેઠળ પ્રાપ્ત કરાયેલા એકંદર લક્ષ્યાંકો અને સિદ્ધિઓ

સક્રિય ક્ષેત્રીય ભાગીદારી દ્વારા પ્રેરિત થઈને, કૃષિ અને ખેડૂત કલ્યાણ વિભાગે નોંધપાત્ર માઇલસ્ટોન પ્રાપ્ત કર્યા છે, કેટલાક કિસ્સાઓમાં તે નિર્ધારિત લક્ષ્યાંકો કરતા પણ આગળ નીકળી ગયું છે. જાહેર ફરિયાદોમાં, નિર્ધારિત જોગવાઈ મુજબ 30 સપ્ટેમ્બર, 2026 સુધી મળેલી પેન્ડિંગ ફરિયાદોના લક્ષ્યાંકો લેવામાં આવ્યા હતા. જો કે, 31 ઓક્ટોબર, 2026 ના સમયગાળા દરમિયાન મળેલી જાહેર ફરિયાદોનો પણ નિકાલ કરવામાં આવ્યો છે.

સ્પેશિયલ કેમ્પેઇન 6.0 એ સ્વચ્છતામાં સુધારો કરવા, પેન્ડન્સી ઘટાડવા અને DA&FW તથા તેની સંલગ્ન, તાબા હેઠળની અને ક્ષેત્રીય કચેરીઓમાં મુક્ત થયેલી નોંધપાત્ર ઓફિસ જગ્યાનો નિકાલ કરવામાં મદદ કરી છે. તેણે ભંગાર અને ઈ-વેસ્ટના યોગ્ય નિકાલ અને વેસ્ટ-ટુ-વેલ્થ પહેલોને પણ પ્રોત્સાહન આપ્યું છે. DA&FW અને તેની કચેરીઓએ નિર્ધારિત લક્ષ્યાંકો પ્રાપ્ત કરવા અને સ્વચ્છ, સુવ્યવસ્થિત અને પર્યાવરણ અનુકૂળ કાર્યસ્થળો જાળવવા માટે તમામ શક્ય પ્રયાસો કર્યા છે.

SM/DK/JD