বিমান পৰিচালনাত ব্যৱহাৰযোগ্য স্বদেশী ডিজিটেল সুৰক্ষিত যোগাযোগ প্ৰণালীৰ অৰ্থে আইএএফৰ এছডিআই, আইআইটি মাদ্ৰাজ আৰু আইআইটিএম প্ৰৱৰ্তক টেকন’লজীছ ফাউণ্ডেচনৰ মাজত চুক্তি স্বাক্ষৰিত

ভাৰতীয় বায়ুসেনা চমুকৈ আইএএফৰ ছফটৱেৰ ডেভেলপমেণ্ট ইনষ্টিটিউট চমুকৈ এছডিআই-য়ে এয়াৰবৰ্ণ এপ্লিকেচনৰ বাবে এক থলুৱা ডিজিটেল যোগাযোগ ব্যৱস্থাৰ যৌথ ডিজাইন আৰু বিকাশৰ উদ্দেশ্যে ভাৰতীয় প্ৰযুক্তিবিদ্যা প্ৰতিষ্ঠান মাদ্ৰাজ চমুকৈ আইআইটি মাদ্ৰাজ আৰু আইআইটিএম প্ৰৱৰ্তক টেকন’লজীছ ফাউণ্ডেচনৰ সৈতে এখন বুজাবুজিৰ চুক্তিত স্বাক্ষৰ কৰিছে। আইআইটি মাদ্ৰাজৰ সঞ্চালক অধ্যাপক ভি কামাকোটিৰ উপস্থিতিত এই চুক্তিত এছডিআইৰ কমাণ্ডেণ্ট এয়াৰ ভাইচ মাৰ্শ্বাল সৰৱজিৎ সিং আৰু আইআইটিএম প্ৰৱৰ্তক টেকন’লজীছ ফাউণ্ডেচনৰ মুখ্য কাৰ্যবাহী বিষয়া ড° এম জে শংকৰ ৰমণে স্বাক্ষৰ কৰে।

এই সহযোগিতাৰ জৰিয়তে ভাৰতীয় বায়ুসেনাই যোগাযোগ ব্যৱস্থা আৰু নেটৱৰ্কিঙৰ উন্নত এলগৰিথমৰ ওপৰত আইআইটি মাদ্ৰাজ আৰু আইআইটিএম প্ৰৱৰ্তক টেকন’লজীছ ফাউণ্ডেচনৰ সৈতে যৌথ বিকাশৰ পদক্ষেপ হাতত লোৱাৰ লক্ষ্য ৰাখিছে। এই থলুৱা প্ৰচেষ্টাৰ মূল উদ্দেশ্য হৈছে আমদানিকৃত প্ৰণালীৰ ওপৰত নিৰ্ভৰশীলতা হ্ৰাস কৰা আৰু ভাৰতীয় বায়ুসেনাৰ অভিযানমূলক কাৰ্যক্ষমতা বৃদ্ধি কৰি আত্মনিৰ্ভৰ ভাৰতৰ দৃষ্টিভংগীক অধিক শক্তিশালী কৰা।

VK/JS/SM/MM