ભારતના NHRCના હસ્તક્ષેપના પરિણામે, હૈદરાબાદની સેન્ટ્રલ જેલમાં અલગ અલગ લિંગ ઓળખ અને અભિવ્યક્તિ ધરાવતા વ્યક્તિઓ માટે એક જેન્ડર ન્યૂટ્રલ સેલની સ્થાપના કરવામાં આવી

નેશનલ હ્યુમન રાઇટ્સ કમિશન (NHRC), ભારતને હૈદરાબાદ સેન્ટ્રલ જેલના સત્તાવાળાઓ દ્વારા જાણ કરવામાં આવી છે કે તેઓએ વિવિધ જેન્ડર ઓળખ અને અભિવ્યક્તિઓ ધરાવતી વ્યક્તિઓનું ગૌરવ અને યોગ્ય રહેવાની વ્યવસ્થા સુનિશ્ચિત કરવા માટે એક અલગ જેન્ડર-ન્યુટ્રલ સેલ (Gender-Neutral Cell) ની સ્થાપના કરી છે.

હૈદરાબાદ સેન્ટ્રલ જેલના સત્તાવાળાઓએ રાષ્ટ્રીય માનવ અધિકાર આયોગ (NHRC), ભારતને જાણ કરી છે કે તેઓએ અલગ લિંગ ઓળખ અને અભિવ્યક્તિ ધરાવતા લોકો માટે આદર અને રહેઠાણ સુનિશ્ચિત કરવા માટે એક અલગ જેન્ડર-ન્યુટ્રલ સેલની સ્થાપ્ના કરી છે.

આ પગલું 8 ઓક્ટોબર, 2026ના રોજ કમિશનના સ્પેશિયલ મોનિટર દ્વારા જેલની મુલાકાત બાદ લેવામાં આવ્યું હતું, જે ટ્રાન્સજેન્ડર વ્યક્તિઓ અને LGBTQ+ સમુદાયના અધિકારો સંબંધિત બાબતો માટે જવાબદાર છે. તેમની મુલાકાત દરમિયાન, તેમણે ટ્રાન્સજેન્ડર વ્યક્તિઓના કલ્યાણને સુનિશ્ચિત કરવા માટે NHRC અને ન્યાય મંત્રાલયની ભલામણોને અમલમાં મૂકવાની જરૂરિયાત પર ભાર મૂક્યો હતો.

હૈદરાબાદ સેન્ટ્રલ જેલના સુપરિન્ટેન્ડેન્ટે તેમના પાલન અહેવાલમાં કમિશનને માહિતી આપી હતી કે જેન્ડર-ન્યુટ્રલ સેલ સ્થાપવા માટેની ભલામણોનો અમલ કરવામાં આવ્યો છે. વધુમાં, જેલ વહીવટીતંત્રે કેદીઓને તેમના સંબંધિત જેન્ડરની ઓળખ સાથે સુસંગત કપડાં પહેરવાની મંજૂરી આપી છે.

આ પહેલ સુધારણા સુવિધાઓમાં વિવિધ જેન્ડર ઓળખ અને અભિવ્યક્તિઓ ધરાવતા વ્યક્તિઓના માનવ અધિકારોને પ્રોત્સાહન આપવા અને ગરિમાનું રક્ષણ કરવાના કમિશનના પ્રયાસોને પ્રતિબિંબિત કરે છે.

SM/BS/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com