પોસ્ટેડ ઓન:
05 NOV 2026 9:01AM by PIB Ahmedabad
ભારત સરકારના ખાણ મંત્રાલય દ્વારા 5-6 નવેમ્બર ૨૦૨૬ના રોજ ગોવામાં 'ખાણ મંત્રીઓની ચોથી પરિષદ'નું આયોજન કરવામાં આવી રહ્યું છે. આ પરિષદમાં વિવિધ રાજ્યોના ખાણ મંત્રીઓ તેમજ કેન્દ્ર અને રાજ્ય સરકારોના વરિષ્ઠ અધિકારીઓ એકત્ર થશે.
બે દિવસીય આ પરિષદ, ખાણ ક્ષેત્રના વિવિધ પાસાઓ પર રાજ્યોના ખાણ મંત્રીઓ અને વરિષ્ઠ અધિકારીઓ વચ્ચે વિચાર-વિમર્શ અને મંતવ્યોના આદાન-પ્રદાન માટે એક મહત્વપૂર્ણ મંચ પૂરું પાડશે.
આ પરિષદમાં ખાણ ક્ષેત્રની પ્રગતિ, તકો અને પડકારો અંગે ચર્ચાઓ કરવામાં આવશે. સાથે જ, રાજ્યોને તેમના અનુભવો, પહેલો અને શ્રેષ્ઠ પદ્ધતિઓ અન્ય રાજ્યો સાથે વહેંચવા માટે પ્રોત્સાહિત કરવામાં આવશે.
વિવિધ રાજ્યોના પ્રતિનિધિઓની સહભાગિતા પરસ્પર જોડાણને મજબૂત બનાવશે અને ભારતના ખાણ ક્ષેત્રના ભાવિ વિકાસ અને પ્રગતિ અંગે વિચાર-વિમર્શ કરવાની તક પૂરી પાડશે.
આ પરિષદ દેશના ખાણ ક્ષેત્રના સામૂહિક વિકાસ માટે અને 'વિકસિત ભારત'ના વિઝનમાં યોગદાન આપવા માટે ખાણ મંત્રાલય દ્વારા રાજ્ય સરકારો સાથેના સતત સહયોગ અને જોડાણને દર્શાવે છે.
SM/DK/GP
સોશિયલ મીડિયા પર અમને ફોલો કરો : 
@PIBAhmedabad 
/pibahmedabad1964 
/pibahmedabad 
pibahmedabad1964[at]gmail[dot]com