پوسٹ کرنے کی تاریخ:
03 NOV 2026 6:30PM by PIB Delhi
بھارتی کوسٹ گارڈ (آئی سی جی) اور سری لنکا کوسٹ گارڈ (ایس ایل سی جی) کے درمیان 9ویں اعلیٰ سطحی میٹنگ (ایچ ایل ایم) 03 نومبر 2026 کو میرسا، سری لنکا میں منعقد ہوئی۔
بھارتی وفد کی قیادت ڈائریکٹر جنرل پرمیش سیوامنی، ڈائریکٹر جنرل، بھارتی کوسٹ گارڈ نے کی، جب کہ سری لنکا کے وفد کی سربراہی ریئر ایڈمرل روان روپاسینا، ڈائریکٹر جنرل، سری لنکا کوسٹ گارڈ نے کی۔
میٹنگ میں باہمی دل چسپی کے اہم شعبوں میں دوطرفہ تعاون کو مضبوط بنانے پر توجہ مرکوز کی گئی، جن میں سمندری آلودگی کا ردعمل، سمندری تلاش اور بچاؤ (ایس اے آر)، اور سمندری قانون نافذ کرنا شامل ہیں۔ گفت و شنید میں دونوں کوسٹ گارڈز کے درمیان آپریشنل تعاون کو مزید مضبوط کرنے کے لیے صلاحیت سازی اور تکنیکی امداد کے اقدامات کو بڑھانے کے طریقوں پر بھی غور کیا گیا۔
مذاکرات کے دوران، دونوں وفود نے ابھرتے ہوئے سمندری چیلنجوں سے نمٹنے اور مشترکہ سمندری دائرہ کار میں سمندری حفاظت، سلامتی اور ماحولیاتی تحفظ کو یقینی بنانے میں تعاون بڑھانے کے لیے قریبی طور پر کام کرنے کے اپنے عزم کا اعادہ کیا۔
میٹنگ نے بھارتی کوسٹ گارڈ اور سری لنکا کوسٹ گارڈ کے مشترکہ عزم کو اجاگر کیا کہ وہ دوطرفہ تعلقات کو مزید مضبوط کریں، سمندری ہنگامی حالات کے لیے مربوط ردعمل کو فروغ دیں اور بحر ہند کے خطے میں ایک محفوظ، مستحکم اور صاف سمندری ماحول کے لیے علاقائی تعاون کو آگے بڑھائیں۔
***
(ش ح - ع ا)
U.No. 7175