پوسٹ کرنے کی تاریخ:
02 NOV 2026 4:07PM by PIB Delhi
خصوصی مہم حکومتِ ہند کی جانب سے شروع کی گئی ایک مرکوز مہم ہے، جس کا مقصد زیرِ التوا معاملات کو کم کرنا اور صفائی ستھرائی کو اداروں کی بنیادی اقدار کا حصہ بنانا ہے۔ مقررہ مدت میں مکمل کی جانے والی اس مہم میں صفائی ستھرائی کی وسیع پیمانے پر سرگرمیوں، ناکارہ سامان کو ٹھکانے لگا کر جگہ کے بہتر استعمال اور ریکارڈ کے منظم انتظام کے ذریعے کام کی جگہوں کو بہتر بنانے پر توجہ دی جاتی ہے۔ اس کے علاوہ، عوامی شکایات کا فوری ازالہ، فائلوں کا جائزہ اور غیر ضروری فائلوں کو تلف کرنے کی مہم (کاغذی اور برقی دونوں طرح کی فائلوں کے لیے) اور پارلیمانی یقین دہانیوں، اہم شخصیات کے حوالوں اور بین الوزارتی مشاورت کے زیرِ التوا معاملات کو منظم انداز میں نمٹانے کو ترجیح دے کر انتظامی کارکردگی کو بہتر بنایا جاتا ہے۔ خصوصی مہم کا چھٹا مرحلہ 2 اکتوبر 2026 سے 31 اکتوبر 2026 تک منعقد کیا گیا۔ مہم کے مقاصد کے مطابق، وزارتِ ثقافت نے اپنے منسلک، ماتحت اور خود مختار اداروں کے ساتھ مل کر جوش و خروش اور ایک منظم منصوبہ بندی کے تحت اس مہم میں حصہ لیا۔
اس مہم کے دوران اہم شعبوں میں نمایاں نتائج حاصل ہوئے، جو مؤثر حکمرانی کے عزم کا مظہر ہیں۔ اس کا مقصد ایسے صاف ستھرے، فعال اور شہریوں کی ضروریات پر مرکوز دفتری مقامات تشکیل دینا ہے، جو اچھی حکمرانی کے جذبے کی عکاسی کرتے ہوں۔
خصوصی مہم 6 کی اہم کامیابیاں:
|
پیرامیٹر
|
ہدف
|
کارنامہ
|
|
عوامی شکایات
|
92
|
81 (88%)
|
|
عوامی شکایات کی اپیلیں
|
44
|
32 (73%)
|
|
ایم پی کا حوالہ
|
80
|
55 (69%)
|
|
پی ایم او حوالہ
|
26
|
22 (85%)
|
|
ریاستی حکومت کا حوالہ
|
28
|
16 (57%)
|
|
فزیکل فائلوں اور ای فائلوں کا جائزہ
|
31515 اور 323
|
100%
|
|
فائلوں کو ختم کرنا
|
2921
|
100%
|
|
آؤٹ ڈور صفائی مہم کے لیے سائٹس کی تعداد
|
595
|
100%
|
- خالی کرائی گئی جگہ: 49,295 مربع فٹ
- ناکارہ سامان کو ٹھکانے لگانے سے حاصل ہونے والی آمدنی: 26,60,658 روپے۔
- وزارت نے پریس انفارمیشن بیورو (پی آئی بی) کے 3 بیانات جاری کیے اور اس کے مختلف اداروں نے 189 ٹویٹس شائع کیے۔
مہم کے نفاذ کے مرحلے کی چند جھلکیاں:
خصوصی مہم کے دوران مختلف اداروں کی جانب سے صفائی ستھرائی کی سرگرمیاں
این سی ایس ایم کی جانب سے ناکارہ اشیا سے فن پاروں کی تخلیق
بھارتی علمُ الانسان کے سروے کی جانب سے ناکارہ اشیا سے فن پاروں کی تخلیق
وکٹوریہ میموریل ہال میں پرانے یادگاری اشیا کے کاؤنٹر کو اہم شخصیات کے لیے مخصوص آرام گاہ میں تبدیل کرنا
وزارتِ ثقافت صفائی ستھرائی کو فروغ دینے اور اسے اداروں کے معمولات کا مستقل حصہ بنانے کے ساتھ ساتھ تمام اداروں میں زیرِ التوا معاملات کو کم کرنے کے لیے خصوصی مہم کے دوران انجام دیے گئے اچھے کاموں کو جاری رکھنے کے عزم پر قائم ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
(ش ح ۔رک)
U. No.7100