পোষ্ট কৰা হৈছে:
02 NOV 2026 12:17PM by PIB Guwahati
উদ্যোগ আৰু আভ্যন্তৰীণ বাণিজ্যৰ প্ৰচাৰ বিভাগে (ডি পি আই আই টি) ইয়াৰ সংলগ্ন আৰু অধীনস্থ কাৰ্যালয়সমূহৰ সৈতে প্ৰশাসনিক সংস্কাৰ আৰু ৰাজহুৱা অভিযোগ বিভাগ (ডি এ আৰ পি জি)ৰ নিৰ্দেশনাত বিশেষ অভিযান ৬ ৰূপায়ণ কৰি আছে। এই অভিযানৰ লক্ষ্য হৈছে স্বচ্ছতাক প্ৰাতিষ্ঠানিক কৰা আৰু সকলো কাৰ্যালয়ত চৰকাৰী অসম্পন্ন কামৰ পৰিমাণ হ্ৰাস কৰা।
ৰূপায়ণৰ সময়ছোৱাত ডি পি আই আই টিয়ে একাধিক মাপকাঠীত গুৰুত্বপূৰ্ণ অগ্ৰগতি লাভ কৰিছে। প্ৰধানমন্ত্ৰীৰ কাৰ্যালয় (পি এম অ'), কেবিনেট, সংসদ সদস্য, ৰাজ্য চৰকাৰ আৰু ৰাজহুৱা অভিযোগ (পি জি)/পি জি আপীলৰ পৰা পোৱা বিষয়সমূহকে ধৰি সকলো শ্ৰেণীৰ বকেয়া প্ৰসংগ চিনাক্ত কৰা হৈছে আৰু সেইবোৰৰ সময়োপযোগী আৰু ফলপ্ৰসূ নিষ্পত্তি নিশ্চিত কৰিবলৈ প্ৰণালীবদ্ধভাৱে সমাধান কৰা হৈছে।
২০২৬ চনৰ ২৮ অক্টোবৰলৈকে ডি পি আই আই টিয়ে সফলতাৰে প্ৰধানমন্ত্ৰী কাৰ্যালয়ৰ পৰা পোৱা ৫০ শতাংশতকৈ অধিক তথ্য, কেবিনেট/আন্তঃমন্ত্রীসভা সমিতি (আই এম চি) আৰু ৰাজ্য চৰকাৰৰ পৰা পোৱা প্ৰায় ৭৫ শতাংশ তথ্য, ৯৯ শতাংশতকৈ অধিক ৰাজহুৱা অভিযোগ আৰু ৮০ শতাংশতকৈ অধিক ৰাজহুৱা অভিযোগৰ আবেদনৰ নিষ্পত্তি কৰিছে। বিভাগে চিনাক্ত কৰা ই-ফাইলসমূহৰ প্ৰায় ৮৩ শতাংশ বন্ধ কৰিছে। এই কামে ৰেকৰ্ড ব্যৱস্থাপনাৰ দক্ষতাৰ দিশত ইয়াৰ প্ৰচেষ্টাক প্ৰতিফলিত কৰে। এই ব্যৱস্থাবোৰে কৰ্মক্ষেত্ৰৰ পৰিষ্কাৰ-পৰিচ্ছন্নতা আৰু বিষয়া আৰু কৰ্মচাৰীসকলৰ বাবে সামগ্ৰিক কৰ্ম পৰিৱেশ উন্নত কৰাত অৰিহণা যোগাইছে।
২০২৬ চনৰ ২ অক্টোবৰৰ পৰা ৩১ অক্টোবৰলৈ অনুষ্ঠিত বিশেষ অভিযান ৬ৰ ৰূপায়ণ পৰ্যায়ৰ পূৰ্বে ২০২৬ চনৰ ১৫ ছেপ্টেম্বৰৰ পৰা ৩০ ছেপ্টেম্বৰলৈ প্ৰস্তুতিমূলক পৰ্যায় এটা ৰূপায়ণ কৰা হৈছিল। এই অভিযানে চৰকাৰী বিষয়াসকলৰ মাজত পৰিষ্কাৰ-পৰিচ্ছন্নতাৰ গুৰুত্ব, দক্ষ ৰেকৰ্ড ব্যৱস্থাপনা আৰু অমীমাংসিত বিষয়সমূহৰ সময়মতে নিষ্পত্তিৰ বিষয়ে সজাগতা বৃদ্ধি কৰাত সহায় কৰিছে। ডি পি আই আইটিয়ে স্বচ্ছতাক প্ৰাতিষ্ঠানিক কৰা আৰু ইয়াৰ সংলগ্ন আৰু অধীনস্থ কাৰ্যালয়সমূহত ৰৈ যোৱা কামৰ পৰিমাণ হ্ৰাস কৰাৰ বাবে প্ৰতিশ্ৰুতিবদ্ধ হৈছে। ইয়াৰ ফলত পৰিষ্কাৰ, অধিক দক্ষ আৰু প্ৰতিক্ৰিয়াশীল কৰ্ম পৰিৱেশ গঢ়ি তোলা হৈছে।
Abhishek Dayal/ Garima Singh/ Ishita Biswas/PK