ভারতকী রাস্ত্রপতিনা করুক্ষেত্রাদা স্বামী শ্রদ্ধানন্দজীগী বলিদান শতাবদী সমারোহদা শরুক য়াখ্রে

ভারতকী রাস্ত্রপতি, শ্রীমতি দ্রৌপদি মুর্মুনা ঙসি (নবেম্বর ১, ২০২৬) হরিয়ানাগী কুরুক্ষেত্রাদা লৈবা গুরুকুলদা স্বামী শ্রদ্ধানন্দজীগী বলিদান শতাবদী সমারোহদা শরুক য়াখ্রে।

থৌরম অদুদা ৱা ঙাংলদুনা, রাস্ত্রপতিনা স্বামী শ্রদ্ধাানন্দজীগী চহিগী ১০০শুবা মপোক কুমওন্দা মহাক্কী মফমদা ইকায় খুম্নবা উৎখি। মহাক্না হায়খি মদুদি মুনশিরামদগী মহাত্মা মুনশিরাম অমসুং অরোইবদা স্বামী শ্রদ্ধানন্দ ফাওবগী মহাক্কী পুন্সিগী খোঙচৎ অসি য়াম্না ইথিল পীরিবা অমনি।

রাস্ত্রপতিনা হায়খি মদুদি স্বামী শ্রদ্ধানন্দ জীনা মহাক্কী পুন্সি বেদকী সেবা অমসুং খুন্নাইগী চাউখৎ থৌরাংদা কত্থোকখি। মহাক্কী পুন্সিগী খোঙচৎ অমসুং কত্থোকপা অসিনা ঐখোয় পুম্নমক্কীদমক ইথিলগী হৌরকফম অমা ওইরি।

রাস্ত্রপতিনা হায়খি মদুদি স্বামী শ্রদ্ধানন্দজী অসি অপুনবা খুন্নাইগী অকনবা এদভোকেত অমা ওইরমখি। দিল্লীগী জামা মসজিদকী প্লেৎফোর্মদগী মহাক্না ৱা ঙাংবদা, মহাক্না ম্যুচুএল গুদৱিল অমসুং নেস্নেল য়ুনিতীগী পাউজেল পীখি।

শ্রী রাস্ত্রপতিনা হায়খি মদুদি স্বামী শ্রধানন্দজীনা থাজখি মদুদি অচেৎপা মীৎয়েং থম্বা অমসুং দলিতশিংবু চাউখৎহনবা অসি ভারতকী চাউখৎপগী খ্বাইদগী মরুওইবা খোঙথাংনি। মহাক্কী মীৎয়েংদা, শোক্না শম্নবা য়াদবগী ফত্তবা চৎনবী অসি বেদিক ত্রেদিসনগী মরুওইবা কাংলোনশিংগা মান্নদে।

রাস্ত্রপতিনা হায়খি মদুদি স্বামী শ্রদ্ধানন্দ জীনা গুরুকুল সিস্তেম ওফ এজুকেসনবু অমুক হন্না হৌদোকখি অমসুং মপাঙ্গল কনখৎহনখি। মসিনা ভারতকী এজুকেসন অমসুং কলচরদা অনৌবা পুন্সি অমা হাপখি। মহাক্না আর্য় সমাজকী লিংখৎলিবা মহাঋষি দয়ানন্দ সরস্বতীনা শৌগৎখিবা এজুকেসনগী অরিবা আর্য় সিস্তেম অসি অমুক হন্না পুথোরক্নবা হোৎনখি।

রাস্ত্রপতিনা হায়খি মদুদি স্বামী শ্রদ্ধানন্দজীগী চহি চা মপুং ফারকপগী চহি অসি মহাক্কী ইথিল পীবা পুন্সি, মহাক্কী এজুকেস্নেল অমসুং সোসিএল ফিলোসোফী, অমসুং লৈবাক অসিগীদমক মহাক্কী

ঐখোয়না ২০৪৭ ফাওবদা বিক্সিত ভারতকী পান্দম অদুগী মায়কৈদা চংশিল্লিবা অসিদা, ঐখোয়গী নাগরিকশিংনা মোদর্ন নোলেজ, সাইন্স, তেক্নোলোজী, ইন্নোবেসন অমসুং ‌ওন্ত্রপ্রিন্যুওরশিপবু য়ানশিন্দুনা ভারতকী কলচরেল হেরিতেজদা চাউথোকচবা পোকপা অসি য়াম্না মরু ওই হায়না রাস্ত্রপতিনা হায়খি। মহাক্না থাজবা থমখি মদুদি স্বামী শ্রদ্ধানন্দজীগী পুন্সিদগী ইথিল লৌদুনা ঐখোয়গী লৈবাক অসিগী নহারোলশিংনা ইকাই খুম্নরবা, মশা-মরোমদোম লেপচবা ঙম্বা, অমত্তা ওইনা চৎমিন্নবা ঙম্বা অমসুং শক্তি লৈরবা ভারত অমা শেমগৎপদা শরুক তমগনি।

চানবীদুনা রাস্ত্রপতিগী ৱারোল য়েংনবা মসিদা নম্বীয়ু।

***