محکمۂ قانون سازی میں قومی یومِ اتحاد منایا گیا؛ افسران اور عملے نے قومی یومِ اتحاد کا عہد لیا

وزارتِ قانون و انصاف کے محکمۂ قانون سازی نے آج 31 اکتوبر 2026 کو سردار ولبھ بھائی پٹیل کے 151ویں یومِ پیدائش کے موقع پر قومی یومِ اتحاد منایا۔ وزارتِ داخلہ کی ہدایات کے مطابق، محکمے کے افسران اور عملہ عہد لینے کی تقریب کے لیے صبح 11:30 بجے کرتویہ بھون-2، نئی دہلی میں جمع ہوئے۔

محکمہ قانون سازی کے سکریٹری ڈاکٹر راجیو منی نے قومی یومِ اتحاد کا عہد دلایا۔ اس موقع پر ایڈیشنل سکریٹری ڈاکٹر منوج کمار اور محترمہ اکالی وی کانگھے کے علاوہ دیگر سینئر افسران بھی موجود تھے۔

محکمہ قانون سازی کے افسران اور عملے نے بھی اس تقریب میں شرکت کی، جن میں آفیشیل زبان کا شعبہ اور ویدھی ساہتیہ پرکاشن (وی ایس پی) کے اہلکار بھی شامل تھے۔ عہد کے دوران انہوں نے سردار ولبھ بھائی پٹیل کے وژن اور اقدامات کے نتیجے میں بھارت کے اتحاد کی روح کو برقرار رکھتے ہوئے ملک کے اتحاد، سالمیت اور سلامتی کے تحفظ، اس پیغام کو اپنے ہم وطنوں تک پہنچانے اور ملک کی داخلی سلامتی میں اپنا تعاون دینے کا عہد کیا۔

قومی یومِ اتحاد ہر سال 31 اکتوبر کو بھارت کے ’مردِ آہن‘ سردار ولبھ بھائی پٹیل کے یومِ پیدائش کے موقع پر منایا جاتا ہے۔ انہوں نے نوابی ریاستوں کو بھارتی یونین میں ضم کرنے میں مرکزی کردار ادا کیا تھا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔رک)

U. No.6965