پوسٹ کرنے کی تاریخ:
29 OCT 2026 4:13PM by PIB Delhi
دفاعی تحقیق و ترقی کی تنظیم (ڈی آر ڈی او) نے اپنے صدر دفتر، تجربہ گاہوں اور دیگر اداروں میں زیرِ التوا معاملات کے تصفیے سے متعلق خصوصی مہم 6.0 شروع کی ہے۔ انتظامی اصلاحات اور عوامی شکایات کے محکمے (ڈی اے آر پی جی) کے زیرِ اہتمام چلائی جانے والی اس مہم کا مقصد زیرِ التوا معاملات میں کمی لانا، عوامی شکایات کے ازالے کے عمل کو تیز کرنا، ریکارڈ کو ڈیجیٹل بنانا، صفائی ستھرائی کو بہتر بنانا اور کام کی جگہوں کا زیادہ سے زیادہ مؤثر استعمال یقینی بنانا ہے۔
ڈی آر ڈی او نے زیرِ التوا عوامی شکایات، پارلیمانی یقین دہانیوں اور بین الوزارتی حوالوں کے تصفیے سے متعلق اپنے تمام اہداف 100 فیصد حاصل کر لیے ہیں۔ ضابطۂ تحفظِ ریکارڈ کے مطابق، تلفی کے لیے نشان زد تقریباً 20,000 فائلوں کو ٹھکانے لگانے کا عمل جاری ہے، جبکہ ان سے حاصل ہونے والے کترے ہوئے کاغذ کو ری سائیکلنگ کے لیے کھادی اور دیہی صنعتوں کے کمیشن (کے وی آئی سی) کو بھیجا جا رہا ہے۔ اس کے علاوہ، انتظامی شفافیت کو فروغ دینے کے لیے تقریباً 5 لاکھ تاریخی صفحات اور ریکارڈ کو ڈیجیٹلائز کیا گیا ہے۔
ڈی آر ڈی او کے کیمپس، رہائشی احاطوں اور تحقیقی و آزمائشی مراکز میں صفائی ستھرائی اور جگہ کے بہتر استعمال کے لیے مہم جاری ہے، جس کے تحت ناکارہ آلات، غیر ضروری فرنیچر اور بیکار سامان کو ہٹایا جا رہا ہے۔ ناکارہ سامان اور پرانے آلات کو ماحول دوست طریقے سے ٹھکانے لگانے کے عمل سے 35 لاکھ روپے کی آمدنی حاصل ہوئی ہے۔
***
(ش ح ۔رک)
U. No.6908