خصوصی مہم 6.0: محکمہ ادویات  نے ای-ویسٹ مینجمنٹ، صفائی اور جگہ کے موثر استعمال پر توجہ مرکوز کی؛ 14,700 صفائی مہمات چلائی گئیں، 2,200 مربع فٹ دفتری جگہ خالی کی گئی، دفتری کباڑ ٹھکانے لگانے سے 2.32 لاکھ روپے کی آمدنی ہوئی

کیمیکلز اور فرٹیلائزرس کی وزارت کا محکمہ ادویات (ڈی او پی)، اپنے منسلک دفتر، نیشنل فارماسیوٹیکل پرائسنگ اتھارٹی (این پی پی اے)، اور اپنی تنظیموں، بشمول سات نیشنل انسٹی ٹیوٹ آف فارماسیوٹیکل ایجوکیشن اینڈ ریسرچ (این آئی پی ای آر ایس)، فارماسیوٹیکلز اینڈ میڈیکل ڈیوائسز بیورو آف بھارت (پی ایم بی آئی)، اور تین پبلک سیکٹر انڈرٹیکنگز (پی ایس یوز) یعنی بنگال کیمیکلز اینڈ فارماسیوٹیکلز لمیٹڈ (بی سی پی ایل)، بھارت اینٹی بائیوٹکس لمیٹڈ (ایچ اے ایل)، اور کرناٹک اینٹی بائیوٹکس اینڈ فارماسیوٹیکلز لمیٹڈ (کے اے پی ایل) کے ساتھ، زیر التوا معاملات کو نمٹانے کے لیے خصوصی مہم (ایس سی ڈی پی ایم) 6.0 میں سرگرم عمل حصہ لے رہا ہے۔

2 اکتوبر سے 31 اکتوبر 2026 تک چلائی جانے والی یہ مہم انتظامی کارکردگی کو بڑھانے اور ایک صاف، منظم اور نتیجہ خیز کام کے ماحول کو فروغ دینے کے مقصد سے صفائی، ای-ویسٹ کے سائنسی انتظام اور ٹھکانے لگانے، منظم ریکارڈ مینجمنٹ، موثر شکایات کے ازالے، اور دفتری جگہ کے بہترین استعمال پر توجہ مرکوز کرتی ہے۔

فیلڈ آفس آؤٹ ریچ اور پائیدار کام کی جگہ کے طریقے: سوچھتا اور ماحولیاتی بیداری کو فروغ دینا مہم کا ایک بنیادی ستون ہے۔ فیلڈ اور آؤٹ اسٹیشن دفاتر میں، 12,208 کے بنیادی ہدف کے مقابلے میں اب تک 14,700 صفائی مہمات چلائی گئی ہیں، جو کام کی جگہ کی حفظان صحت اور صفائی کو بہتر بنانے، ماحولیاتی بیداری کو مضبوط بنانے، اور پائیدار کام کی جگہ کے طریقوں کو فروغ دینے کے لیے محکمہ کی مسلسل کوششوں کی عکاسی کرتی ہیں۔

ریکارڈ مینجمنٹ اور دفتری جگہ کا بہترین استعمال

اس مہم نے منظم ریکارڈ مینجمنٹ کو مضبوط کیا ہے اور دفتری جگہ کے موثر استعمال کو فروغ دیا ہے۔ 2,716 فزیکل فائلوں اور 20 ای-فائلوں کے بنیادی ہدف کے مقابلے میں، محکمہ نے 4,283 فزیکل فائلوں اور 20 ای-فائلوں کا جائزہ لیا ہے، جب کہ 489 فائلوں کو چھانٹ کر بند کر دیا گیا ہے۔ مزید برآں، ان کوششوں کے ذریعے 2,200 مربع فٹ دفتری جگہ خالی کی گئی ہے، جو بہتر جگہ کے انتظام اور زیادہ منظم، موثر، اور بے ترتیبی سے پاک کام کی جگہوں کی تخلیق میں معاون ہے۔

شکایات کا ازالہ اور زیر التوا معاملات کا تصفیہ

انتظامی کارکردگی اور ذمہ دارانہ حکم رانی کو زیر التوا معاملات کے بروقت حل کے ذریعے مضبوط کیا جا رہا ہے، جس میں ارکان پارلیمنٹ کے حوالے جات (4 کے ہدف کے مقابلے میں 3)، پارلیمانی یقین دہانیاں (2 میں سے 1)، ایک کابینہ کی تجویز (02 تجاویز)، ریاستی حوالہ جات (58 کے مقابلے میں 57) اور وزیر اعظم کے دفتر کے حوالے جات (02 معاملات) شامل ہیں۔

مرکزی عوامی شکایات کے ازالے اور نگرانی کے نظام (سی پی جی آر اے ایم ایس) پر رجسٹر شدہ 72 عوامی شکایات اور 28 اپیلوں کے ہدف کے مقابلے میں، 132 عوامی شکایات کے معاملات اور 39 اپیلوں کو نمٹا دیا گیا ہے۔ قواعد/عمل کو آسان بنانے کے لیے شناخت کردہ 20 اشیا کے ہدف کے مقابلے میں، یہ 17 اشیا کے لیے مکمل ہو چکا ہے۔ ان کوششوں کا مقصد زیر التوا معاملات کے حل کو مہمیز کرنا، خدمات کی فراہمی کو بہتر بنانا، اور عوامی انتظامیہ میں زیادہ جواب دہی اور کارکردگی کو فروغ دینا ہے۔

سائنسی ای-ویسٹ مینجمنٹ اور ذمہ دارانہ ٹھکانے لگانا

سائنسی ای-ویسٹ مینجمنٹ ایس سی ڈی پی ایم 6 کے خصوصی توجہ کے شعبوں میں سے ایک ہے۔ محکمہ نے 1,011 متروک الیکٹرانک اور برقی اشیا - جن میں آئی ٹی کا سامان، کنزیومر الیکٹرانکس، آلات، اور لیبارٹری کے اوزار شامل ہیں - کو ای-ویسٹ (مینجمنٹ) رولز، 2022 کے تحت پینل میں شامل ری سائیکلرز کے ذریعے محفوظ طریقے سے ٹھکانے لگانے کا ہدف مقرر کیا ہے۔ ان اشیا کو ٹھکانے لگانے کا عمل فی الحال جاری ہے۔

مزید برآں، محکمہ نے دفتری کباڑ کو ٹھکانے لگانے سے 2,30,187/- روپے کی آمدنی حاصل کی ہے۔ محکمہ ادویات ایس سی ڈی پی ایم 6 کے مقاصد کے لیے عہدبستہ ہے اور اہداف کی قریب سے نگرانی کر رہا ہے اور نیشنل اسپیشل کمپین پورٹل کے ذریعے کام یابیوں کو دستاویزی شکل دے رہا ہے۔

***

(ش ح - ع ا)

U.No. 6874