پوسٹ کرنے کی تاریخ:
26 OCT 2026 5:17PM by PIB Delhi
مرکزی بورڈ برائے بالواسطہ ٹیکس اور کسٹمز (سی بی آئی سی) خصوصی مہم 6.0 کے نفاذ کے مرحلے پر سرگرمی سے عمل درآمد کر رہا ہے۔ 2 اکتوبر سے 31 اکتوبر 2026 تک جاری اس ملک گیر مہم کا مقصد صفائی ستھرائی کو ادارہ جاتی نظام کا حصہ بنانا، انتظامی امور کے زیرِ التوا معاملات میں نمایاں کمی لانا، دفتری جگہ کا مؤثر استعمال یقینی بنانا اور وزارتِ ماحولیات، جنگلات اور موسمیاتی تبدیلی (ایم او ای ایف سی سی) کے الیکٹرانک کچرے (ای -ویسٹ)کے انتظام سے متعلق قواعد کے مطابق ای -ویسٹ کو مناسب طریقے سے ٹھکانے لگانا ہے۔
مہم تقریباً اختتام کو پہنچ چکی ہے اور سی بی آئی سی کے تحت کام کرنے والے علاقائی دفاتر اور زونز نے 449 دفاتر میں اہم کامیابیاں درج کی ہیں:
- ریکارڈ کا انتظام اور فائلوں کا جائزہ: 22,784 کاغذی فائلوں کا تفصیلی جائزہ مکمل کیا گیا، جس کے نتیجے میں مقررہ ضابطوں کے مطابق 17,997 فائلوں کو ریکارڈ سے خارج کر دیا گیا۔ اس کے علاوہ، 622 ای- فائلوں کا جائزہ لیا گیا، جن میں سے 204 ڈیجیٹل فائلوں کو باضابطہ طور پر بند کر دیا گیا۔
- صفائی ستھرائی کی مہمات: کام کی جگہوں اور ان کے آس پاس 545 مقامات پر صفائی ستھرائی کی جامع مہم چلائی گئی۔ ان میں 424 مقامات دفتری احاطے کے اندر اور 121 مقامات باہر واقع تھے۔ ان میں سے 57 مقامات پر صفائی کے جدید مشینی طریقے بھی اپنائے گئے۔
- کباڑ کی تلفی اور ای- ویسٹ کا مناسب انتظام: مجموعی طور پر 21,015 کلوگرام کباڑ اور ناکارہ مواد کو ہٹایا گیا۔ اس میں 3,174 کلوگرام ای- ویسٹ ، 16,817 کلوگرام عام کچرا اور 1,024 کلوگرام غیر دفتری کباڑ شامل تھا۔
- جگہ کا بہتر استعمال اور آمدنی کا حصول: پرانی اور غیر ضروری اشیاء اور کباڑ کو منظم طریقے سے ہٹانے کے نتیجے میں دفتری احاطے کی24,222 مربع فٹ جگہ خالی کرائی گئی، جسے ادارہ جاتی مقاصد کے لیے مفید طور پر استعمال کیا جا سکے گا۔ اس کے علاوہ، ناکارہ اور غیر ضروری سامان کی تلفی سے 65,663 روپے کی آمدنی حاصل ہوئی۔
ملک بھر میں سی بی آئی سی کے علاقائی دفاتر مقررہ اہداف کی تکمیل کے لیے مسلسل متحدہ کوششیں کر رہے ہیں اور خصوصی مہم 6.0 کے ابتدائی مرحلے میں طے کیے گئے سنگِ میل پر سختی سے عمل پیرا ہیں۔
مہم کے دوران علاقائی دفاتر میں انجام دی جانے والی سرگرمیوں اور تبدیلی کے کاموں کی جھلکیاں
ممبئی کسٹمز-III
ای- ویسٹ کو مناسب طریقے سے ٹھکانے لگانا
ممبئی کسٹمز-II
دفتری ریکارڈ کو ڈیجیٹل شکل دینا اور ای - ویسٹ کو مناسب طریقے سے ٹھکانے لگانا
احمد آباد کسٹمز زون
کاغذی فائلوں کو ریکارڈ سے خارج کرنا
سی جی ایس ٹی پنچکولہ زون
ای – ویسٹ کو مناسب طریقے سے ٹھکانے لگانا
دہلی کسٹمز (پریوینٹیو) زون
دفتری احاطے کے اندر اور باہر وسیع پیمانے پر صفائی ستھرائی کی مہم
پٹنہ کسٹمز (پریوینٹیو) زون
دفتر کے باہر صفائی ستھرائی کی مہم
رانچی جی ایس ٹی اور سی ایکس زون
دفتر کے باہر صفائی ستھرائی کی مہم
ممبئی کسٹمز زون-III
عام کچرے کو مناسب طریقے سے ٹھکانے لگانا
بنگلورو کسٹمز زون
عام کچرے کی علیحدگی اور اسے مناسب طریقے سے ٹھکانے لگانا
**********
) ش ح –ک ا-ش ت)
U.No. 6717