প্রধান মন্ত্রী শ্রী নরেন্দ্র মোদীনা উরিসাগী ভুবনেশ্বরদা আর.বি.আইগী নৌনা লিংখৎপা দেতা সেন্তর অমসুং সাইবরসেকুরিতি ত্রেনিং ইন্সতিতুৎ শঙ্গাখ্রে

ঙসি প্রধান মন্ত্রী শ্রী নরেন্দ্র মোদীনা উরিসাগী ভুবনেশ্বরদা রিজার্ব বেঙ্ক ওফ ইন্দিয়াগী নৌনা লিংখৎপা দেতা সেন্তর অমসুং সাইবরসেকুরিতি ত্রেনিং ইন্সতিতুৎ শঙ্গাখ্রে। মহাপ্রভুগী থৌজালশিংগা লোয়ননা, ঙসি ভুবনেশ্বরনা অনৌবা ভারত্ত অনৌবা ইন্সতিতুসন অমা পীরে প্রধান মন্ত্রীনা হরাওবা ফোঙদোকি। ফেলিতি অনিমক হৌদোকপদা শরুক য়াখিবা আর.বি.আই অমসুং মীওই খুদিংমক প্রধান মন্ত্রীনা থাগৎপা ফোঙদোকখি। মহাক্না হায়খি মদুদি মসিনা উরিসা অমসুং লৈবাক অসিগী মীয়ামদা কান্নবা য়াম্না পীগনি।

শঙ্গাবা অসিগী মরুওইবা পল্লদুনা, প্রধান মন্ত্রীনা হায়খি মদুদি লৈবাক্কী লৈবাক ঙাকপগী থবক্ত মরুওইবা অহোংবা অমা লাক্লিবা অদু থৌরম অসিদা উৎথোক্লে। মতম অসিগী লৈবাক ঙাকপা অসি চাউখৎপা, মসিগী পাক-চাউবা হেনগৎহনবা অমসুং মনু-হুঞ্জিনবা মতমদা খুদোংচাবশিং ফংহনবদা য়ুম্ফম ওইরে। কমদৌনা ভারত্ত লৈবাক ঙাকপদা অহোংবা লৈরবগে হায়বা ঙসিগী থৌরম অসিনা প্রমান ওইরে।

প্রধান মন্ত্রীনা হায়খি মদুদি লমদমশিং থোং মান্ননা চাউখৎনবা, লায়রবশিংগী ইকায়খুম্নবা লৈনবা অমসুং মীওই অমতা হুন্দোক্লমদনবা প্রো-পিপল, প্রো-এক্তিপ, অফবা লৈঙাক্কী নমুনা অমদা মীৎয়েং চঙলে। হৌজিক এক্সপ্রেসৱেশিংনা অপীকপা সহরশিংগা শম্নরে, এ.আই.আই.এম.এসগুম্বা ইন্সতিতুৎশিং তোঙান তোঙানবা রাজ্যশিংদা লিংখৎলে, অপীকপা সহরশিংদা মেদিকেল কোলেজশিং হাংদোক্লে, খুঙ্গংশিংদা অয়ুস্মান অরোগ্যা মন্দির লাখ ১.৭৫ রোম লিংখৎলে অমসুং মনুং-হুঞ্জিনবা মফমশিংদা দিজিতেল কন্নেক্তিবিতি ফগৎহল্লে। মীয়ামগী পুন্সি হিংবদা লাইহনবা অমসুং মখোয়গী মঙলানশিংদা অনৌবা খুদোংচাবশিং ফংহনবা অসি হৌজিক লৈবাক ঙাকপগী অশেংবা পান্দম ওইরে।

প্রধান মন্ত্রীনা হায়খি মদুদি লায়রবগী মিংদা ১৯৬০ অমসুং ১৯৭০ গী মতমদা বেঙ্কশিং সরকারনা লৌশিনখ্রবসু, ২০১৪ ফাওবা অপুনবা মীশিংগী তঙ্খায় অমা হেন্না বেঙ্ক একাউন্তশিং লৈখিদে, বেঙ্ক লোনশিং মিদল ক্লাসকীদমক তাম্লবা মঙ অমা ওইখি অমসুং লায়রবা লৌমীশিং, লম লৈজদবা মীওইশিং অমসুং নুপীশিংনা ৱাখলদা ফাওবা খনখিদে। মীওই খুদিংমক শেন-থুমগী থবকশিংনা কোনশিনবা অনৌবা যুগ অসিনা লৈবাক অসিদা ফিবম অসি অহোংবা পুরক্লে। ঙসিদি, দিজিতেল বেঙ্কিংনা ভারতমচা খুদিংমক পুং ২৪ বেঙ্কগী থবকশিং পাংথোকপা য়াহল্লে।

প্রধান মন্ত্রীনা হায়খি মদুদি দিজিতেল বেঙ্কিংগী খুৎথাংদা, লৈবাক অসিদা ইমুং-খুদিংমক বেনিফিসরি অমা ওইরে। ঙসিদি নারোন্দা শেন লৌথোকপা মপুংফানা থিংবা ঙম্লে। মসি লৈবাক অসিদা জন ধন একাউন্ত করোর ৬০ হাংদোকপগী থবক ওইনা পাংথোকপা ঙম্বনি।

প্রধান মন্ত্রীনা হায়খি মদুদি হৌজিক গরেন্তি য়াওদবা লনাই মীওইশিং ফাওবা ললোন-ইতিক পাংথোকপা হৌনবা শেন্দোয় য়ামদবা শেন্থং ফংলে। অপীকপা ওন্ত্রেপ্রেন্যুরশিংদগী হৌরগা খুৎহৈবশিং, লম্বী মতাইদা পোৎ-চৈ য়োল্লিবশিং অমসুং অফং-অফংবা শুবা শিন্মীশিং ফাওবদা, অহানবা ওইনা, মখোয়না ফোর্মেল বেঙ্কিংগী কান্নবশিং ফংলে। মুদ্র য়োজনাগী মখাদা মীওই করোর ১৩ অহানবা ওইনা ওন্ত্রেপ্রেন্যুরশিং ওইরে, লম্বী মতাইদা পোৎ-চৈ য়োনবা মীওই অমসুং খুৎহৈবা লাখ কয়া পি.এম শ্বানিধি অমসুং পি.এম বিশ্বকর্মাগী মখাদা শেন্থং ফংলে অমসুং খুঙ্গংগী নুপী করোর ১০ শরুক য়াবা সেল্ফ-হেল্প গ্রুপশিংনা বেঙ্কতগী লুপা করোর লিশিং কয়াগী শেন্থং ফংলে। অহানবা ওইনা, মখোয় ফোর্মেল বেঙ্কিংগী কান্নবা ফংলে।

প্রধান মন্ত্রীনা হায়খি মদুদি মীওই খুদিংমক্ত ফংহন্দ্রিঙৈ মমাংদা ইনাকখুনবশিং খক্তগী ওইরম্বা দেবিৎ অমসুং ক্রেদিৎ কার্দশিং রুপে কার্দ করোর কয়াগী খুৎথাংদা মশানা মশাবু ইকায়খুম্নবা অমসুং মশা মরোমদোম লেপচবগী খুদম ওইরে। অওনবা অসি পুরকপগীদমক বেঙ্কগী মীওইশিং থাগৎলি। লৈবাক শীনবা থুংবগী সেন্ত্রেল বেঙ্ক, কম্মর্সিএল বেঙ্কশিং অমসুং বেঙ্কতা থবক তৌবা মীওই খুদিংমক্কী অপুনবা থবকশিং থাগৎলি। মাইপাকপা অসিদা অদোম খুদিংমক খোঙলোয়শিংনি।

প্রধান মন্ত্রীনা হায়খি মদুদি নাগরিক দেবো ভবাগী লাইৱানা লমজিংদুনা মমাঙদা অমুক্ত ওইখিদ্রিবা মওংদা খুন্নাইগী ঙাক্লৌ অমসুং শেন-থুমগী শক্তি পীবা পাকথোক-চাউথোক্লে। উরিসাদা মীওই লাখ ৩৯ য়াওনা, অতল পেন্সন য়োজননা মীওই করোর ৯ কোনশিল্লে, অদুগা লোয়ননা পি.এম সুরক্ষা য়োজননা চহি অমদা লুপা ২০ গী প্রেমিয়ম পীরগা লুপা লাখ ২ গী এক্সিদেন্ত কভর ফংলে অমসুং পি.এম জিবন জয়তি য়োজননাগী মখাদা চহি অমদা লুপা ৪৫০ থিরগা লাইফ কভর ফংলে, মতম অমদা ইনাকখুনবগী ওইরম্বা ইন্সুরেন্স লায়রবা অমসুং মিদল ক্লাসশিং ফংবা ঙম্লে। অচৌবা হেদলাইনশিং পুথোকখিবা অতোপ্পা সরকারশিংগা মান্দবা মওংদা, খুদোংথিবা নঙলবা ইমুংশিংদা লুপা করোর ২৫,০০০ গী ক্লেমশিং ফংহনখ্রে। মসিনা অফবা লৈঙাক হায়বদো।

প্রধান মন্ত্রীনা হায়খি মদুদি হৌখিবা চহি ১০ অসি বেঙ্কগা শম্নদ্রিবশিং বেঙ্কগা শম্নহনবনি; লাক্লিবা চহি ১০ অসিনা উরিসাগী অনৌবা দেতা সেন্তর অমসুং অফবা কম্পুতিংগী মতেংগা লোয়ননা বেঙ্কগী থবকশিং হেন্না ফগৎহনবা অমসুং হেন্না মতিক থাজবা য়াবা ওইহনবনি। হৌজিক, খুৎলায়শিং খক্তনা লালশিং শোক্নদ্রে; লৈবাক অদুগী শেন্মিৎলোন্দা লান্দাদুনা লৈবাক অমা শোন্থহনবসু ঙম্লে: ভারতকী শেন্মিৎলোন মপাঙ্গল কনখৎলকপগা লোয়ননা, ঐখোয়না ঐখোয়গী বেঙ্কগী থবকশিং সাইবর লুত্তরশিং অমসুং সাইবর তেরোরিষ্টশিংদগী ঙাকথোক্কদবনি। মতমগা চুনদ্রবা ত্রেনিং তুলশিং অনৌবা ইনফ্রাষ্ট্রকচর অমসুং হৈথোই-শিংথোইবা মীওইশিংনা শিন্দোকপা দরকার ওইরে। হৌজিক, অনৌবা সাইবরসেকুরিতি ইন্সতিতুৎ অসি মরুওইরক্লে।

প্রধান মন্ত্রীনা হায়খি নোংপোক ভারত অসি বিকসিত ভারত অমগী মপাঙ্গল কল্লবা গ্রোথ ইঞ্জিন অমনি অমসুং উরিসা সরকারগী মখাদা খোঙজেল য়াংখৎলে। রাজ্য অসিনা মসিগী মমাংঙৈগী মিনরেলদা য়ুম্ফম ওইবা উদ্যোগশিং সেমিকন্দক্তরশিং, ইলেক্ত্রোনিক্স, দেতা সেন্তরশিং অমসুং অৱাংবা থাক্কী কম্পুতিংগী অনৌবা থবক অমগা লোয়ননা মাইন্সতগী মাইক্রোচিপশিং ফাওবগী তুংগী অনৌবা স্ক্রিপ অমা ইগনি। হায়রিবা অনৌবা খুদোংচাবশিং অসিনা য়াম্লবা খুদোংচাবশিং ফংহনগনি অমসুং উরিসাগী নহারোলশিংগী মঙলানশিং মঙফাওনহনগনি। মহাক্না লাক্লিবা কুহ্মৈশিংগীদমক মহাক্কী য়াইফ পাউজেল পীখি অমসুং জয় জগনাথ লাউখি। অদোম্না উগনি, উরিসা, মাইন্সদগী মাইক্রোচিপশিং ফাওবগী, অনৌবা তুংলমচৎ অমা ইরগনি।

A major step towards a more secure financial system. The RBI's new facilities in Bhubaneswar will strengthen digital infrastructure and cybersecurity capabilities. @RBI https://t.co/ryignasX8k

— Narendra Modi (@narendramodi) October 25, 2026

महाप्रभु के आशीर्वाद से, आज भुवनेश्वर... नए भारत को एक नया संस्थान दे रहा है। भुवनेश्वर में RBI के Data Centre और Cybersecurity Training Institute... इन दोनों का उद्घाटन एक महत्वपूर्ण अवसर है। ये ओडिशा और देश के लोगों के बहुत हितकारी होगा: PM @narendramodi

— PMO India (@PMOIndia) October 25, 2026

हम Pro-People, Pro-Active, Good Governance का model लेकर चले। हमारे लिए विकास का मतलब है... भारत का संतुलित विकास... गांवों को भी अवसर...छोटे शहरों को भी अवसर: PM @narendramodi

— PMO India (@PMOIndia) October 25, 2026

आज भारत में digital banking ने सबको 24 घंटे banking सेवाओं से जोड़ा है: PM @narendramodi

— PMO India (@PMOIndia) October 25, 2026

जिसके पास bank को guarantee देने के लिए कुछ भी नहीं है, वो भी आज bank से सस्ता और सुलभ loan लेकर अपना कोई काम शुरू कर पा रहा है। छोटे उद्यमी से लेकर पारंपरिक कारीगर तक... रेहड़ी-पटरी वाले से लेकर असंगठित क्षेत्र के श्रमिक तक... पहली बार उन्हें formal banking का फायदा मिला है: PM @narendramodi

— PMO India (@PMOIndia) October 25, 2026

बीता दशक, banking को उन तक लोगों तक पहुंचाने का था... जो इससे वंचित था। आने वाला दशक... Banking को अधिक efficient, अधिक भरोसेमंद बनाने का है: PM @narendramodi

— PMO India (@PMOIndia) October 25, 2026

आजकल युद्ध केवल हथियारों से नहीं लड़े जाते। किसी देश को कमज़ोर करना है तो उसकी economy पर attack करके भी ये किया जा सकता है। और जब भारत, आर्थिक रूप से सशक्त हो रहा है तो हमें अपने banking system को भी cyber लुटेरों, cyber आतंकियों से सुरक्षा देनी है: PM @narendramodi

— PMO India (@PMOIndia) October 25, 2026

***