ಪ್ರಕಟಣಾ ದಿನಾಂಕ:
22 OCT 2026 7:26PM by PIB Bengaluru
ಅಗ್ರಿವಾಲ್ಟಾಯಿಕ್ಸ್ ಜಾಗತಿಕ ಸಮಾವೇಶ 2026ರ ಎರಡನೇ ದಿನವು, ರಾಜ್ಯ ನೀತಿ ನಾಯಕತ್ವ, ತಾಂತ್ರಿಕ ಆವಿಷ್ಕಾರ, ಖಾಸಗಿ ವಲಯದ ತೊಡಗಿಸಿಕೊಳ್ಳುವಿಕೆ ಮತ್ತು ಹವಾಮಾನ ಹಣಕಾಸು ಪರಿಹಾರಗಳಾದ್ಯಂತ ಅಂತರ್-ವಲಯ ತೊಡಗಿಸಿಕೊಳ್ಳುವಿಕೆಯನ್ನು ವೇಗಗೊಳಿಸಿತು.
‘ಅಂತಾರಾಷ್ಟ್ರೀಯ ಸುಸ್ಥಿರ ಅಭಿವೃದ್ಧಿ ಸಂಸ್ಥೆ’ ಮತ್ತು 'ಕೌನ್ಸಿಲ್ ಆನ್ ಎನರ್ಜಿ, ಎನ್ವಿರಾನ್ಮೆಂಟ್ ಅಂಡ್ ವಾಟರ್' (CEEW) ಜಂಟಿಯಾಗಿ ಆಯೋಜಿಸಿದ್ದ ವಿಶೇಷ ಸಚಿವರ ಮಟ್ಟದ ಗೋಷ್ಠಿಯು ಒಡಿಶಾ, ಮಧ್ಯಪ್ರದೇಶ, ಉತ್ತರ ಪ್ರದೇಶ, ರಾಜಸ್ಥಾನ ಮತ್ತು ಬಿಹಾರ ರಾಜ್ಯಗಳ ಇಂಧನ ಮತ್ತು ಕೃಷಿ ಸಚಿವರನ್ನು ಒಂದೆಡೆ ಸೇರಿಸಿ, ಅಗ್ರಿವಾಲ್ಟಾಯಿಕ್ಸ್ ವಿಸ್ತರಣೆಯನ್ನು ವೇಗಗೊಳಿಸಲು ರಾಜ್ಯ ಮಟ್ಟದ ವಿಧಾನಗಳನ್ನು ಪ್ರಸ್ತುತಪಡಿಸಿತು. ಈ ಗೋಷ್ಠಿಯು ರಾಜ್ಯಗಳಿಗೆ ಹೂಡಿಕೆ ಅವಕಾಶಗಳನ್ನು ಪ್ರದರ್ಶಿಸಲು ಒಂದು ವೇದಿಕೆಯಾಗಿ ಕಾರ್ಯನಿರ್ವಹಿಸಿತು, ನವೀನ ಭೂ-ಬಳಕೆಯ ಮಾದರಿಗಳು, ರಾಜ್ಯ ಮಟ್ಟದ ದರ ಉತ್ತೇಜನಗಳು, ಮತ್ತು ಸ್ಥಳೀಯ ಕೃಷಿ ಪರಿಸ್ಥಿತಿಗಳು ಹಾಗೂ ಬೆಳೆ ಪ್ರೊಫೈಲ್‌ಗಳಿಗೆ ಪಿಎಂ-ಕುಸುಮ್ ಯೋಜನೆಯ ರೂಪಾಂತರವನ್ನು ಎತ್ತಿಹಿಡಿಯಿತು. ಚರ್ಚೆಗಳು ಅಗ್ರಿವಾಲ್ಟಾಯಿಕ್ಸ್ ಹೂಡಿಕೆಗಳಿಗೆ ಅನುಕೂಲಕರ ವಾತಾವರಣವನ್ನು ಸೃಷ್ಟಿಸುವಲ್ಲಿ ಉಪ-ರಾಷ್ಟ್ರೀಯ ಸರ್ಕಾರಗಳ ಹೆಚ್ಚುತ್ತಿರುವ ಪಾತ್ರವನ್ನು ಒತ್ತಿಹೇಳಿದವು.
ಉತ್ತರ ಪ್ರದೇಶದ ಇಂಧನ ಸಚಿವರಾದ ಶ್ರೀ ಅರವಿಂದ್ ಕುಮಾರ್ ಶರ್ಮಾ ಅವರು, ರಾಜ್ಯದ ವಿಶಾಲ ಕೃಷಿ ನೆಲೆ, ವೈವಿಧ್ಯಮಯ ಬೆಳೆ ಪದ್ಧತಿಗಳು ಮತ್ತು ವಿಸ್ತರಿಸುತ್ತಿರುವ ಸೌರ ಮೂಲಸೌಕರ್ಯಗಳನ್ನು ಅಗ್ರಿವಾಲ್ಟಾಯಿಕ್ಸ್‌ನ ಪ್ರಮುಖ ಅನುಕೂಲಗಳಾಗಿ ಎತ್ತಿಹಿಡಿದರು. ಸಾಗುವಳಿಯ ಜೊತೆಗೆ ಸೌರ ವಿದ್ಯುತ್ ಉತ್ಪಾದಿಸುವುದರಿಂದ ಭೂ ಬಳಕೆಯನ್ನು ಅತ್ಯುತ್ತಮವಾಗಿಸುತ್ತದೆ ಮತ್ತು ರೈತರಿಗೆ ಹೆಚ್ಚುವರಿ ಆದಾಯದ ಹರಿವನ್ನು ಸೃಷ್ಟಿಸುತ್ತದೆ ಎಂದು ಅವರು ಒತ್ತಿಹೇಳಿದರು. ಮೇಲ್ಛಾವಣಿ ಸೌರಶಕ್ತಿ ಮತ್ತು ಗ್ರಿಡ್ ಮೂಲಸೌಕರ್ಯದಲ್ಲಿ ಉತ್ತರ ಪ್ರದೇಶದ ಪ್ರಗತಿಯನ್ನು ಬೆಟ್ಟುಮಾಡಿದ ಅವರು, ಗ್ರೀನ್ ಎನರ್ಜಿ ಕಾರಿಡಾರ್-III ನವೀಕರಿಸಬಹುದಾದ ಇಂಧನ ಯೋಜನೆಗಳಿಗೆ ವಿದ್ಯುತ್ ಸಾಗಣೆಯನ್ನು ಇನ್ನಷ್ಟು ಬಲಪಡಿಸಲಿದೆ ಎಂದು ಉಲ್ಲೇಖಿಸಿದರು. ರಾಜ್ಯದ ಕೃಷಿ ಹಿಡುವಳಿಗಳಲ್ಲಿ ಶೇಕಡಾ 80 ರಷ್ಟಿರುವ ಸಣ್ಣ ಮತ್ತು ಅಂಚಿನ ರೈತರಿಗೆ ಸೂಕ್ತವಾದ ಹಣಕಾಸು ಮಾದರಿಗಳು ಮತ್ತು ತಂತ್ರಜ್ಞಾನಗಳ ಅಗತ್ಯವನ್ನು ಅವರು ಒತ್ತಿಹೇಳಿದರು. ಈ ಅವಕಾಶಗಳನ್ನು ಅನ್ವೇಷಿಸಲು ಹೂಡಿಕೆದಾರರನ್ನು ಆಹ್ವಾನಿಸಿದ ಅವರು, “ಅಗ್ರಿವಾಲ್ಟಾಯಿಕ್ಸ್‌ನ ಸಾಮರ್ಥ್ಯವು ಅಪಾರವಾಗಿದೆ. ಅಗ್ರಿವಾಲ್ಟಾಯಿಕ್ಸ್‌ನೊಂದಿಗೆ ಜೊತೆಯಾಗಲು ಬಯಸುವವರು ಉತ್ತರ ಪ್ರದೇಶದತ್ತ ನೋಡಬೇಕಾಗಿದೆ” ಎಂದು ಹೇಳಿದರು. ಗ್ರಿಡ್ ಸಂಪರ್ಕ ಮತ್ತು ವಿದ್ಯುತ್ ಸಾಗಣೆಗೆ ರಾಜ್ಯದ ಬೆಂಬಲದ ಭರವಸೆಯನ್ನು ಅವರು ಹೂಡಿಕೆದಾರರಿಗೆ ನೀಡಿದರು.
ಉತ್ತರ ಪ್ರದೇಶದ ಕೃಷಿ ಸಚಿವರಾದ ಶ್ರೀ ಸೂರ್ಯ ಪ್ರತಾಪ್ ಶಾಹಿ ಅವರು, ಮೀಸಲಾದ ಗ್ರಿಡ್ ಮೂಲಸೌಕರ್ಯಗಳ ಬೆಂಬಲದೊಂದಿಗೆ ವಿದ್ಯುತ್ ಬಿಲ್ ಮನ್ನಾ ಮಾಡಲಾದ ರಾಜ್ಯದ ಎಲ್ಲಾ 16 ಲಕ್ಷ ಕೃಷಿ ಪಂಪ್‌ಸೆಟ್‌ಗಳನ್ನು ಸೋಲಾರೈಸ್ ಮಾಡುವ ರಾಜ್ಯದ ಯೋಜನೆಯನ್ನು ಎತ್ತಿಹಿಡಿದರು. ರೈತರ ಭೂ ಮಾಲಿಕತ್ವದ ಹಕ್ಕುಗಳನ್ನು ರಕ್ಷಿಸಬೇಕು ಎಂದು ಅವರು ಒತ್ತಾಯಿಸಿದರು ಮತ್ತು ಬೆಳೆ ಆಯ್ಕೆ ಹಾಗೂ ಅಗ್ರಿವಾಲ್ಟಾಯಿಕ್ಸ್ ಅಭ್ಯಾಸಗಳ ಕುರಿತು ರಚನಾತ್ಮಕ ತರಬೇತಿಗೆ ಕರೆ ನೀಡಿದರು. ಕೃಷಿ ವೈವಿಧ್ಯೀಕರಣ ಮತ್ತು ಅಸ್ತಿತ್ವದಲ್ಲಿರುವ ರೈತ-ಬೆಂಬಲ ಉಪಕ್ರಮಗಳೊಂದಿಗೆ ಅಗ್ರಿವಾಲ್ಟಾಯಿಕ್ಸ್ ಅನ್ನು ಸಂಯೋಜಿಸುವಾಗ, ರೈತರ ಸಾಮರ್ಥ್ಯವನ್ನು ಬೆಳೆಸಲು ಕೃಷಿ ವಿಜ್ಞಾನ ಕೇಂದ್ರಗಳು, ಕೃಷಿ ವಿಶ್ವವಿದ್ಯಾಲಯಗಳು ಮತ್ತು ತಾಂತ್ರಿಕ ಸಂಸ್ಥೆಗಳನ್ನು ಬಳಸಿಕೊಳ್ಳಲು ಅವರು ಪ್ರಸ್ತಾಪಿಸಿದರು. ರಾಜ್ಯದ ಆರ್ಥಿಕತೆಯಲ್ಲಿ ರೈತರ ಕೇಂದ್ರ ಪಾತ್ರವನ್ನು ಎತ್ತಿಹಿಡಿದ ಅವರು, “ಉತ್ತರ ಪ್ರದೇಶದ ಕೃಷಿ ಮತ್ತು ಅದರ ರೈತರು, ಒಂದು ರೀತಿಯಲ್ಲಿ ನಮ್ಮ ಆರ್ಥಿಕ ವ್ಯವಸ್ಥೆಯ ಜೀವನಾಡಿಯಾಗಿದ್ದಾರೆ” ಎಂದು ಹೇಳಿದರು. ತಮ್ಮ ಭೂಮಿಯ ಮಾಲಿಕತ್ವವು ಸುರಕ್ಷಿತವಾಗಿರಲಿದೆ ಎಂದು ಅವರು ರೈತರಿಗೆ ಭರವಸೆ ನೀಡಿದರು.
ಮಧ್ಯಪ್ರದೇಶದ ನೂತನ ಮತ್ತು ನವೀಕರಿಸಬಹುದಾದ ಇಂಧನ ಸಚಿವರಾದ ಶ್ರೀ ರಾಕೇಶ್ ಶುಕ್ಲಾ ಅವರು, ತಮ್ಮ ರೈತ-ಕಲ್ಯಾಣ ಕಾರ್ಯಸೂಚಿಯ ಭಾಗವಾಗಿ ಅಗ್ರಿವಾಲ್ಟಾಯಿಕ್ಸ್, ಸೌರ ನಿಯೋಜನೆ ಮತ್ತು ಬ್ಯಾಟರಿ ಸಂಗ್ರಹಣೆಯನ್ನು ಮುನ್ನಡೆಸಲು ರಾಜ್ಯದ ಶ್ರಮವನ್ನು ಒತ್ತಿ ಹೇಳಿದರು, 2026 ಅನ್ನು ಮಧ್ಯಪ್ರದೇಶದಲ್ಲಿ ರೈತ ಕಲ್ಯಾಣ ವರ್ಷವೆಂದು ಆಚರಿಸಲಾಗುತ್ತಿದೆ. ಹಲವಾರು ಸ್ಥಳಗಳಲ್ಲಿ ಸೌರ ಫಲಕಗಳ ಕೆಳಗೆ ಸಾಗುವಳಿ ಪ್ರಾರಂಭವಾಗಿದೆ ಮತ್ತು ರಾಜ್ಯವು ಬ್ಯಾಟರಿ-ಸಂಗ್ರಹಣೆ ಯೋಜನೆಗಳೊಂದಿಗೆ ಮುನ್ನಡೆಯುತ್ತಿದೆ, ಇದಕ್ಕಾಗಿ ಟೆಂಡರ್ ಪ್ರಕ್ರಿಯೆಯು ಪೂರ್ಣಗೊಂಡಿದೆ ಎಂದು ಅವರು ಉಲ್ಲೇಖಿಸಿದರು. ಓಂಕಾರೇಶ್ವರ ಯೋಜನೆ ಸೇರಿದಂತೆ ಮಧ್ಯಪ್ರದೇಶದ ವಿಸ್ತೃತ ನವೀಕರಿಸಬಹುದಾದ ಇಂಧನ ಮೂಲಸೌಕರ್ಯಡಾ ಬಗ್ಗೆ ಅವರು ಒತ್ತಿ ಹೇಳಿದರು. ಅಗ್ರಿವಾಲ್ಟಾಯಿಕ್ಸ್‌ನಲ್ಲಿ ರಾಜ್ಯದ ಪ್ರಗತಿಯನ್ನು ಒತ್ತಿಹೇಳಿದ ಅವರು, “ಕೃಷಿ ವಲಯದಲ್ಲಿ, ನಾವು ಕೆಲವು ಸ್ಥಾವರಗಳನ್ನು ಹೊಂದಿದ್ದು, ಅಲ್ಲಿ ಸೌರ ಫಲಕಗಳ ಕೆಳಗೆ ಕೃಷಿ ನಡೆಯುತ್ತದೆ. ಇಂತಹ ಯೋಜನೆಗಳು ಮಧ್ಯಪ್ರದೇಶದ ಕೆಲವು ಸ್ಥಳಗಳಲ್ಲಿ ಪ್ರಾರಂಭವಾಗಿವೆ, ಮತ್ತು ಬ್ಯಾಟರಿ ಸಂಗ್ರಹಣೆ ಸೇರಿದಂತೆ ನಾವು ಈ ದಿಸೆಯಲ್ಲಿ ನಿರಂತರವಾಗಿ ಮುನ್ನಡೆಯುತ್ತಿದ್ದೇವೆ, ಇದಕ್ಕಾಗಿ ನಾವು ಟೆಂಡರ್ ಪ್ರಕ್ರಿಯೆಯನ್ನು ಸಹ ಪೂರ್ಣಗೊಳಿಸಿದ್ದೇವೆ” ಎಂದು ಅವರು ಹೇಳಿದರು.
ಬಿಹಾರದ ಇಂಧನ ಸಚಿವರಾದ ಶ್ರೀ ಶೈಲೇಶ್ ಕುಮಾರ್ ಮಂಡಲ್ ಅವರು, ಫೀಡರ್ ಪ್ರತ್ಯೇಕತೆ ಮತ್ತು ಸೋಲಾರೈಸೇಶನ್ ಮೂಲಕ ಕೃಷಿ ವಿದ್ಯುತ್ ಮೂಲಸೌಕರ್ಯವನ್ನು ಬಲಪಡಿಸುವ ರಾಜ್ಯದ ಶ್ರಮದ ಬಗ್ಗೆ ಅವರು ಒತ್ತಿ ಹೇಳಿದರು. ಸುಮಾರು 2,700 ಕೃಷಿ ಫೀಡರ್‌ಗಳ ಕೆಲಸದಲ್ಲಿ ಬಿಹಾರವು ಮುನ್ನಡೆ ಸಾಧಿಸಿದ್ದು, ಅವುಗಳ ಸೋಲಾರೈಸೇಶನ್‌ಗೆ ರಾಜ್ಯ ಸರ್ಕಾರವು ಆರ್ಥಿಕ ಬೆಂಬಲವನ್ನು ಅನುಮೋದಿಸಿದೆ ಎಂದು ಅವರು ಉಲ್ಲೇಖಿಸಿದರು. ಸೌರಶಕ್ತಿಯೊಂದಿಗೆ ಬಿಹಾರದ ದೀರ್ಘಕಾಲದ ಪರಿಚಯ ಮತ್ತು ನವೀಕರಿಸಬಹುದಾದ ಇಂಧನ ಪ್ರವೇಶವನ್ನು ವಿಸ್ತರಿಸುವ ಅದರ ಬದ್ಧತೆಯನ್ನು ಒತ್ತಿಹೇಳಿದ ಅವರು, “ಸೌರಶಕ್ತಿ ಮತ್ತು ಸೂರ್ಯನ ಬೆಳಕು ಬಿಹಾರಕ್ಕೆ ಹೊಸ ಪರಿಕಲ್ಪನೆಗಳಲ್ಲ; ಈ ಪರಂಪರೆ ಶತಮಾನಗಳಿಂದಲೂ ಅಲ್ಲಿದೆ” ಎಂದು ಹೇಳಿದರು. ನವೀನ ವಿಧಾನದ ಮೂಲಕ ಕೃಷಿ ಫೀಡರ್ ಸೋಲಾರೈಸೇಶನ್ ಅನ್ನು ಮುನ್ನಡೆಸುವ ರಾಜ್ಯ ಸರ್ಕಾರದ ಬದ್ಧತೆಯನ್ನು ಅವರು ಪುನರುಚ್ಚರಿಸಿದರು.
ಬಿಹಾರದ ಕೃಷಿ ಸಚಿವರಾದ ಶ್ರೀ ವಿಜಯ್ ಕುಮಾರ್ ಸಿನ್ಹಾ ಅವರು, ಅಗ್ರಿವಾಲ್ಟಾಯಿಕ್ಸ್ ಅನ್ನು ರೈತರ ಆದಾಯವನ್ನು ಹೆಚ್ಚಿಸಲು, ಬೆಳೆ ವೈವಿಧ್ಯೀಕರಣವನ್ನು ಪ್ರೋತ್ಸಾಹಿಸಲು ಮತ್ತು ಗ್ರಾಮೀಣ ಉದ್ಯೋಗವನ್ನು ಸೃಷ್ಟಿಸಲು ಒಂದು ಅವಕಾಶವೆಂದು ಅವರು ಒತ್ತಿ ಹೇಳಿದರು. ಕೃಷಿ ಸಂಸ್ಥೆಗಳು, ಹಣಕಾಸು ಸಂಸ್ಥೆಗಳು ಮತ್ತು ಇಂಧನ ಉದ್ಯಮಗಳ ನಡುವಿನ ಸಹಯೋಗದ ಮೂಲಕ ಸಂಶೋಧನೆ, ರೈತರ ಜಾಗೃತಿ ಮತ್ತು ತರಬೇತಿಯನ್ನು ಬಲಪಡಿಸುವ ಅಗತ್ಯವನ್ನು ಅವರು ಪುನರುಚ್ಚರಿಸಿದರು. ಅಗ್ರಿವಾಲ್ಟಾಯಿಕ್ಸ್‌ನ ವ್ಯಾಪಕ ಅಳವಡಿಕೆ ಮತ್ತು ಅನುಷ್ಠಾನವನ್ನು ಬೆಂಬಲಿಸುವ ಅವಕಾಶವಾಗಿ ದೇಶದ ಕಾರ್ಯಪಡೆಯಲ್ಲಿ ಬಿಹಾರದ ಕೊಡುಗೆಯ ಬಗ್ಗೆ ಅವರು ಒತ್ತಿ ಹೇಳಿದರು. ಅವರು, “ದೊಡ್ಡ ಮಟ್ಟದ ಕಾರ್ಮಿಕರು ಬಿಹಾರದಿಂದ ಬರುತ್ತಾರೆ ಮತ್ತು ದೇಶಾದ್ಯಂತ ಕಾರ್ಯಪಡೆಗೆ ಕೊಡುಗೆ ನೀಡುತ್ತಾರೆ. ಅನೇಕ ರಾಜ್ಯಗಳು ಬಿಹಾರದ ಈ ಕಾರ್ಯಪಡೆಯನ್ನು ನೆಚ್ಚಿಕೊಂಡಿವೆ” ಎಂದು ಅವರು ಹೇಳಿದರು.
ಒಡಿಶಾದ ಉಪಮುಖ್ಯಮಂತ್ರಿ ಶ್ರೀ ಕನಕ್ ವರ್ಧನ್ ಸಿಂಗ್ ದೇವ್ ಅವರು, ರಾಜ್ಯವು ತನ್ನ ಪ್ರತ್ಯೇಕ 'ಅಗ್ರಿವಾಲ್ಟಾಯಿಕ್ಸ್ ನೀತಿ 2026' ಅನ್ನು ಅಂತಿಮಗೊಳಿಸುತ್ತಿದ್ದು, 2030ರ ವೇಳೆಗೆ 1 ಗಿಗಾವ್ಯಾಟ್ ಗುರಿಯನ್ನು ಹೊಂದಿದೆ ಎಂದು ಘೋಷಿಸಿದರು. ಪ್ರಸ್ತಾಪಿತ ನೀತಿಯು ಕನಿಷ್ಠ ಶೇಕಡಾ 90 ರಷ್ಟು ಯೋಜನಾ ಸ್ಥಳಗಳು ಸಾಗುವಳಿಗೆ ಯೋಗ್ಯವಾಗಿರುವುದನ್ನು ಕಡ್ಡಾಯಗೊಳಿಸಲಿದೆ, ರೈತರ ಸಮ್ಮತಿ ಮತ್ತು ಬೆಳೆ ವಿಮೆಯನ್ನು ರಕ್ಷಿಸಲಿದೆ, ಹಾಗೂ ಸಾಗುವಳಿಯನ್ನು ಮುಂದುವರಿಸುವ ಜೊತೆಗೆ ರೈತರು ಯೋಜನೆಗಳ ಮಾಲಿಕತ್ವ ಹೊಂದಲು ಅಥವಾ ತಮ್ಮ ಭೂಮಿಯನ್ನು ಗುತ್ತಿಗೆಗೆ ನೀಡಲು ಅನುಮತಿಸಲಿದೆ. ಹೂಡಿಕೆಯನ್ನು ಆಕರ್ಷಿಸಲು, ಒಡಿಶಾ 'ಗ್ರಿಡ್‌ಕೋ' (GRIDCO) ಮೂಲಕ 25 ವರ್ಷಗಳ ವಿದ್ಯುತ್ ಖರೀದಿ ಒಪ್ಪಂದಗಳು (PPA), ಗ್ರಿಡ್ ಸಂಪರ್ಕ ಮತ್ತು ಹೂಡಿಕೆ ಉತ್ತೇಜನಗಳನ್ನು ಒದಗಿಸಲು ಯೋಜಿಸಿದೆ. ಹೂಡಿಕೆದಾರರಿಗೆ ನೀತಿಯ ಮಹತ್ವದ ಬಗ್ಗೆ ಒತ್ತಿ ಹೇಳಿದರು ಅವರು, “ಇದು ಹೂಡಿಕೆದಾರರಿಗೆ ನಿಶ್ಚಿತತೆಯನ್ನು ನೀಡುತ್ತದೆ: ಗ್ರಿಡ್‌ಕೋ ಜೊತೆ 25 ವರ್ಷಗಳ ಪಿಪಿಎ, ಆಫ್‌ಟೇಕ್ ಗ್ಯಾರಂಟಿ, ಗ್ರಿಡ್ ಸಂಪರ್ಕ ಮತ್ತು ಮುಕ್ತ ಪ್ರವೇಶ ಹಾಗೂ ಸ್ಪರ್ಧಾತ್ಮಕ ಬಳಕೆಯ ಸ್ವಾತಂತ್ರ್ಯ” ಎಂದು ಅವರು ಹೇಳಿದರು. ಒಡಿಶಾ ತನ್ನ ಪ್ರತ್ಯೇಕ ಅಗ್ರಿವಾಲ್ಟಾಯಿಕ್ಸ್ ನೀತಿ 2026 ಅನ್ನು ಅಂತಿಮಗೊಳಿಸುತ್ತಿದೆ ಎಂದು ಅವರು ಘೋಷಿಸಿದರು, ಇದು ಅಗ್ರಿವಾಲ್ಟಾಯಿಕ್ಸ್ ಗಾಗಿಯೇ ಪ್ರತ್ಯೇಕವಾಗಿ ನೀತಿ ಚೌಕಟ್ಟನ್ನು ಸ್ಥಾಪಿಸಲು ರಾಜ್ಯವನ್ನು ಸಜ್ಜುಗೊಳಿಸುತ್ತದೆ.
'ಅಗ್ರಿವಾಲ್ಟಾಯಿಕ್ಸ್ ಪಿಚ್-ಹಬ್' ಅನ್ನು ಭಾರತೀಯ ರಾಷ್ಟ್ರೀಯ ಸೌರಶಕ್ತಿ ಒಕ್ಕೂಟವು ಕ್ಯುರೇಟ್ ಮಾಡಿದ್ದು, ಅಲ್ಲಿ ಆರಂಭಿಕ ಹಂತದ ಆವಿಷ್ಕಾರಕರು ಮತ್ತು ಸ್ಟಾರ್ಟ್‌ಅಪ್‌ಗಳು ರಾಷ್ಟ್ರೀಯ ಸಂಸ್ಥೆಗಳು, ವೆಂಚರ್ ಕ್ಯಾಪಿಟಲಿಸ್ಟ್‌ಗಳು ಮತ್ತು ಉದ್ಯಮದ ನಾಯಕರನ್ನು ಒಳಗೊಂಡ ತಜ್ಞರ ತೀರ್ಪುಗಾರರ ಮುಂದೆ ಬ್ಯಾಂಕಬಲ್, ದ್ವಿ-ಬಳಕೆಯ ಅಗ್ರಿವಾಲ್ಟಾಯಿಕ್ಸ್ ಪರಿಹಾರಗಳನ್ನು ಮಂಡಿಸಿದರು.
ಫ್ರಾನ್ಹೋಫರ್ ಐಎಸ್‌ಇ ಮತ್ತು ಸನ್‌ಸೀಡ್ ಎಪಿವಿ ಮುಂದಿನ ಪೀಳಿಗೆಯ ಪರಿಹಾರಗಳನ್ನು ಪ್ರದರ್ಶಿಸಿದವು, ಇದರಲ್ಲಿ ಸುಧಾರಿತ ಸೌರ ಟ್ರ್ಯಾಕಿಂಗ್ ವ್ಯವಸ್ಥೆಗಳು, ಡೈನಾಮಿಕ್ ಪ್ಯಾನಲ್ ಟಿಲ್ಟಿಂಗ್, ಅರೆ-ಪಾರದರ್ಶಕ ದ್ಯುತಿವಿದ್ಯುಜ್ಜನಕ ಮಾಡ್ಯೂಲ್‌ಗಳು, ಮತ್ತು ಉಷ್ಣವಲಯದ ಹಾಗೂ ಶುಷ್ಕ ಪರಿಸ್ಥಿತಿಗಳಿಗಾಗಿ ವಿಶೇಷವಾಗಿ ವಿನ್ಯಾಸಗೊಳಿಸಲಾದ ಸೂಕ್ಷ್ಮ-ಹವಾಮಾನ ಮಣ್ಣಿನ ಸಂವೇದಕಗಳು ಸೇರಿವೆ.
ಇಂಡೋ-ಜರ್ಮನ್ ಚೇಂಬರ್ ಆಫ್ ಕಾಮರ್ಸ್ ಆಯೋಜಿಸಿದ್ದ ಈ ಸಂವಾದವು ಪೂರೈಕೆ ಸರಪಳಿ ಸ್ಥಳೀಯಕರಣ, ಮಾನದಂಡಗಳ ಅಭಿವೃದ್ಧಿ ಮತ್ತು ಮಾರುಕಟ್ಟೆ ನಿಶ್ಚಿತತೆಯ ಕುರಿತು ಚರ್ಚಿಸಲು ಎನ್‌ಟಿಪಿಸಿ ಗ್ರೀನ್ ಎನರ್ಜಿ, ಫಸ್ಟ್ ಸೋಲಾರ್ ಮತ್ತು ಪ್ರಮುಖ ಯುರೋಪಿಯನ್ ಸಂಸ್ಥೆಗಳು ಸೇರಿದಂತೆ ಭಾರತೀಯ ಮತ್ತು ಅಂತರರಾಷ್ಟ್ರೀಯ ಡೆವಲಪರ್‌ಗಳನ್ನು ಒಂದೆಡೆ ಸೇರಿಸಿತು.
ಒಂದು ಕಾರ್ಯನಿರ್ವಾಹಕ ದುಂಡುಮೇಜಿನ ಸಭೆಯು ವಿಶ್ವಬ್ಯಾಂಕ್, ಕೆಎಫ್‌ಡಬ್ಲ್ಯೂ, ಯುರೋಪಿಯನ್ ಇನ್‌ವೆಸ್ಟ್‌ಮೆಂಟ್ ಬ್ಯಾಂಕ್ ಮತ್ತು ಐ ಆರ್ ಇ ಡಿ ಎ ಸೇರಿದಂತೆ ಬಹುಪಕ್ಷೀಯ ಅಭಿವೃದ್ಧಿ ಬ್ಯಾಂಕ್‌ಗಳು, ಹಣಕಾಸು ಸಂಸ್ಥೆಗಳು ಮತ್ತು ವಾಣಿಜ್ಯ ಸಾಲದಾತರ ಪ್ರತಿನಿಧಿಗಳನ್ನು ಸಭೆ ಸೇರಿಸಿತು.
ಭಾಗವಹಿಸಿದವರು, ಅಗ್ರಿವಾಲ್ಟಾಯಿಕ್ಸ್ ಅಭಿವೃದ್ಧಿಯನ್ನು ವೇಗಗೊಳಿಸಲು ಅಗತ್ಯವಿರುವ ಹಣಕಾಸು ವ್ಯವಸ್ಥೆಗಳನ್ನು ಪರೀಕ್ಷಿಸಿದರು, ಇದರಲ್ಲಿ ಅಪಾಯ-ಪರಿಹಾರ ಉಪಕರಣಗಳು, ರಿಯಾಯಿತಿ ಸಾಲ ಸೌಲಭ್ಯಗಳು ಮತ್ತು ಬೃಹತ್ ಪ್ರಮಾಣದಲ್ಲಿ ಖಾಸಗಿ ಹೂಡಿಕೆಯನ್ನು ಕ್ರೋಢೀಕರಿಸಲು ಸಾಮರ್ಥ್ಯವಿರುವ ಸಂಯೋಜಿತ ಹಣಕಾಸು ರಚನೆಗಳು ಸೇರಿವೆ.
ಜಾಗತಿಕ ವೇದಿಕೆಗೆ ಪ್ರಮುಖ ಯುವ ದೃಷ್ಟಿಕೋನವನ್ನು ತಂದ ಪ್ರಸಿದ್ಧ ನಟಿ ಮತ್ತು ಯುಎನ್‌ಡಿಪಿ ಇಂಡಿಯಾ ಯೂತ್ ಚಾಂಪಿಯನ್ ಸಂಜನಾ ಸಾಂಘಿ ಅವರು, ವಿಶೇಷ ಸಂವಾದಕ್ಕಾಗಿ ಸಮಾವೇಶದಲ್ಲಿ ಪಾಲ್ಗೊಂಡರು. ಸಾಂಘಿ ಅವರು ಯುವ-ನೇತೃತ್ವದ ಸಮುದಾಯ ತಂತ್ರಗಳನ್ನು ಪ್ರತಿಪಾದಿಸಿದರು ಮತ್ತು ಆಹಾರ ಭದ್ರತೆ, ನವೀಕರಿಸಬಹುದಾದ ಇಂಧನ ಹಾಗೂ ಯುವ ಕ್ರೋಢೀಕರಣದ ಸಮ್ಮಿಲನವನ್ನು ಎತ್ತಿಹಿಡಿದರು. ಗ್ರಾಮೀಣ ಯುವಕರಿಗೆ ನೇರವಾಗಿ ಸಶಕ್ತೀಕರಣ ಮತ್ತು ಜೀವನೋಪಾಯವನ್ನು ಭದ್ರಪಡಿಸುವ ಜೊತೆಗೆ ಅಗ್ರಿವಾಲ್ಟಾಯಿಕ್ಸ್ ಹೇಗೆ ವಿಶ್ವಸಂಸ್ಥೆಯ ಬಹು ಸುಸ್ಥಿರ ಅಭಿವೃದ್ಧಿ ಗುರಿಗಳಿಗೆ ಕೊಡುಗೆ ನೀಡುತ್ತದೆ ಎಂಬುದನ್ನು ಅವರು ಒತ್ತಿಹೇಳಿದರು.
ಕಾರ್ಯನಿರತ ಅಗ್ರಿವಾಲ್ಟಾಯಿಕ್ಸ್ ಯೋಜನೆಗಳು ಮತ್ತು ಜಾಗತಿಕ ಕೇಸ್ ಸ್ಟಡಿಗಳ ಪಾಠಗಳನ್ನು ಪ್ರದರ್ಶಿಸುವ ಸಂವಾದಾತ್ಮಕ 'ಡಿಜಿಟಲ್ ಪೋಸ್ಟರ್ ಗ್ಯಾಲರಿ'ಯೊಂದಿಗೆ ದಿನವು ಮುಕ್ತಾಯಗೊಂಡಿತು, ಇದು ಭಾಗವಹಿಸುವವರಿಗೆ ಅನುಷ್ಠಾನ ಮತ್ತು ವಿಸ್ತರಣಾ ತಂತ್ರಗಳ ಕುರಿತು ಪ್ರಾಯೋಗಿಕ ಒಳನೋಟಗಳನ್ನು ಒದಗಿಸಿತು.
*****