ಪ್ರಧಾನ ಮಂತ್ರಿಯವರ ಕಛೇರಿ
ಪ್ರಧಾನಮಂತ್ರಿ ಅವರು ಸಂಸ್ಕೃತ ಸುಭಾಷಿತವೊಂದನ್ನು ಹಂಚಿಕೊಂಡಿದ್ದು, ಸಜ್ಜನರ ಶಾಶ್ವತ ಕೃತಜ್ಞತಾ ಭಾವ ಮತ್ತು ಔದಾರ್ಯವನ್ನು ಪ್ರಸ್ತಾಪಿಸಿದ್ದಾರೆ
ಪ್ರಕಟಣಾ ದಿನಾಂಕ:
21 OCT 2026 7:50AM by PIB Bengaluru
ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರು ಇಂದು ಸಂಸ್ಕೃತ ಸುಭಾಷಿತವೊಂದನ್ನು ಹಂಚಿಕೊಂಡಿದ್ದಾರೆ. ಇದರಲ್ಲಿ ಅವರು ತೆಂಗಿನ ಮರ ಮತ್ತು ಸಜ್ಜನ ವ್ಯಕ್ತಿಗಳ ನಡುವೆ ಹೋಲಿಕೆಯನ್ನು ನೀಡುವ ಮೂಲಕ, ಜೀವನಪೂರ್ತಿ ಉಳಿಸಿಕೊಳ್ಳುವ ಕೃತಜ್ಞತಾ ಭಾವ ಮತ್ತು ನಿಸ್ವಾರ್ಥ ಸೇವೆಯಂತಹ ಸದ್ಗುಣಗಳನ್ನು ಉಲ್ಲೇಖಿಸಿದ್ದಾರೆ.
ಪ್ರಧಾನಮಂತ್ರಿಯವರು 'X' ನಲ್ಲಿ ಹೀಗೆ ಬರೆದಿದ್ದಾರೆ:
"प्रथमवयसि पीतं तोयमल्पं स्मरन्तः शिरसि निहितभारा नारिकेला नराणाम्।
ददति जलमनल्पास्वादमाजीवितान्तं न हि कृतमुपकारं साधवो विस्मरन्ति॥"
ತೆಂಗಿನ ಮರವು ತನ್ನ ಆರಂಭಿಕ ಹಂತದಲ್ಲಿ ಪಡೆದ ಅಲ್ಪ ಪ್ರಮಾಣದ ನೀರನ್ನು ಜೀವನವಿಡೀ ನೆನಪಿನಲ್ಲಿಟ್ಟುಕೊಳ್ಳುತ್ತದೆ; ಅಷ್ಟೇ ಅಲ್ಲ, ತನ್ನ ತಲೆಯ ಮೇಲೆ ಭಾರವನ್ನು ಹೊತ್ತಿದ್ದರೂ, ಮನುಕುಲಕ್ಕೆ ಸಿಹಿಯಾದ ನೀರನ್ನು ನೀಡುತ್ತಲೇ ಇರುತ್ತದೆ. ಅದೇ ರೀತಿಯಲ್ಲಿ, ಸಜ್ಜನರು ವಿಶೇಷವಾಗಿ ತಮ್ಮ ಜೀವನದಲ್ಲಿ ತ್ಯಾಗ ಮಾಡಿದ ಮಹನೀಯರ ವಿಷಯದಲ್ಲಿ ತಮಗೆ ಮಾಡಿದ ಉಪಕಾರವನ್ನು ಎಂದಿಗೂ ಮರೆಯುವುದಿಲ್ಲ. ಅಂತಹ ಮಹನೀಯರ ತ್ಯಾಗ, ತಪಸ್ಸು ಮತ್ತು ಸಮರ್ಪಣಾ ಭಾವದ ಬಗ್ಗೆ ಅಪಾರ ಕೃತಜ್ಞತೆಯನ್ನು ಹೊಂದಿರುವ ಸಜ್ಜನರು, ತಮ್ಮ ಜೀವನವನ್ನು ಆ ಮಹನೀಯರ ಆದರ್ಶಗಳಿಗೆ ಅನುಗುಣವಾಗಿ ರೂಪಿಸಿಕೊಳ್ಳುತ್ತಾರೆ. ಅಲ್ಲದೆ, ತಮ್ಮ ಕಾರ್ಯಗಳು ಮತ್ತು ಸೇವಾ ಮನೋಭಾವದ ಮೂಲಕ ಆ ಉಪಕಾರಕ್ಕೆ ಸದಾ ಕೃತಜ್ಞರಾಗಿರುತ್ತಾರೆ.
*****
(ಪ್ರಕಟಣೆ ಐ.ಡಿ.: 2325712)
ವಿಸಿಟರ್ ಕೌಂಟರ್ : 11